Bættu lífs­gæði sín með CBD olíu og stofnuðu CBD Reykja­vík

„Ég viðurkenni alveg að ég hafði ekki mikla trú á CBD vörum þegar ég heyrði af þeim fyrst. Ég ákvað þó að prófa eitt glas við verkjum eftir aðgerð sem ég fór í á öxl og var orðinn verkjalaus eftir tvær vikur. Svefninn lagaðist einnig og í dag nota ég CBD að staðaldri,“ segir Arnþór, sem upplifði fleiri jákvæðar reynslusögur.

„Náinn fjölskyldumeðlimur þróaði með sér mikinn kvíða vegna veikinda, en með notkun CBD olíunnar náðist ótrúlegur árangur í þeirri baráttu. Kvíðinn hvarf á þremur mánuðum. Eftir að hafa upplifað og orðið vitni af árangri með notkun CBD var ákveðið að setja á stofn CBD Reykjavík,“ útskýrir Arnþór og segir CBD Reykjavík í fararbroddi hér á landi þegar kemur að gæðum og úrvali. Þau hafi strax fengið afar jákvæðar móttökur.

„Það er frábært að fá að heyra allar reynslusögurnar sem viðskiptavinir senda okkur og þær snerta okkur djúpt. Fólk losnar undan margra ára vanlíðan en bólgur, verkir, svefnvandamál og kvíði eru þau einkenni sem fólk nefnir oftast við okkur. Við heyrum einnig frá fólki sem er undir miklu álagi í vinnu og námi, bæði líkamlegu og andlegu, að CBD olían hjálpar þeim. Þá hjálpar CBD olían mörgum við endurheimt eftir æfingar,“ segir Arnþór en Sigurjón og Simona, sem reka UltraForm í Grafarholti og Akranesi hafa góða reynslu af vörum CBD Reykjavík.

„Bæði keppa þau mikið í hlaupum og stunda mikla styrktarþjálfun samhliða hlaupum og finna talsverðan mun á endurheimt jafnt sem líðan við að taka dropa jafnt sem vöðvakremið frá CBD Reykjavík. 2-3 dropar af 33 % olíu og vöðva- og liðakremi eftir æfingar og milli átaka/æfinga er öllu jafna inni í þeirra rútínu,“ segir Arnþór en meðal þess sem er á dagskrá Sigurjóns og Simona eru hópatímar, hlaupaþjálfun, fyrirtækjaþjálfun, fyrirlestrar, lífstílsþjálfun og UltraForm hlaðvarpið.

Fleira íþróttafólk í fremstu röð á landinu nýtir sér einnig vörurnar, m.a. Bjarki Már, landsliðsmaður í handbolta: 

„CBD Reykjavík vörurnar hafa hjálpað mér mikið. Sérstaklega hitakremið sem mér finnst gott að nota bæði fyrir og eftir æfingar. Það fylgir handboltanum oft mikið álag og stress og ég nota nokkra dropa af Premium Sport olíunni fyrir svefninn þar sem ég tel svefn eitt það mikilvægasta í endurheimt íþróttamanna,“ segir Bjarki Már.

Metnaður á bak við vöruna

„Við hjá CBD Reykjavík leggjum mikinn metnað í að eingöngu sé notað fyrsta flokks hráefni í alla framleiðslu fyrirtækisins og eru allar framleiðslulotur rannsakaðar af þriðja aðila til að tryggja það að þegar þú verslar hjá okkur getur þú treyst því að fá vörur í hæsta gæðaflokki," segir Arnþór.

CBD snyrtivörur, olía og vöðvakrem

Vörulína CBD Reykjavík samanstendur af CBD-olíu, andlitskremi, líkamskremi og vöðva- og liðakremi.

Andlitskremið vinnur gegn fínum línum, eykur teygjanleika húðarinnar og hjálpar til við að vinna gegn bólum. Þá hefur kremið reynst afar vel við exemi, psoriasis og þurrki. 

Líkamskremið hefur marga af kostum andlitkremsins en er meira ætlað gegn þurrki, exemi og psoriasis. Vöðva- og liðakremið virkar vel fyrir endurheimt og er gott að bera á liði og vöðva bæði fyrir og eftir átök. Kremið er einnig verkjastillandi og gott við gigtarverkjum og vöðvabólgu. 

CBD olían er vinsælasta varan, fæst í ýmsum gerðum og styrkleikum. Þá býður CBD Reykjavík einnig upp á sportolíu fyrir íþróttafólk sem æfir mikið.