Telur fullt umferðaröryggi í hægri beygju á rauðu ljósi Sólrún Dögg Jósefsdóttir skrifar 6. mars 2024 19:29 Vilhjálmur Árnason er annar varaformaður umhverfis- og samgöngunefndar Alþingis og þingmaður Sjálfstæðisflokksins. Vísir/Vilhelm Áralöng umræða um hvort taka ætti upp þá reglu að beygja megi til hægri á rauðu ljósi hefur tekið sig upp aftur. Annar varaformaður umhverfis- og samgöngunefndar Alþingis segir fullt umferðaröryggi fólgið í reglunni. „Það var þá nafni minn og frændi sem þá var á þingi, Vilhjálmur Elísson, sem lagði þetta ítrekað til á sínum þingmannsferli að það mætti taka hægri beygju [á rauðu ljósi],“ segir Vilhjálmur Árnason, annar varaformaður umhverfis- og samgöngunefndar Alþingis. Vilhjálmur ræddi möguleikann að leyfa hægri beygjur á rauðu umferðarljósi í Reykjavík síðdegis í dag. Þar segist hann oft hafa íhugað að endurflytja frumvarp frænda síns. Meiri áhersla á umferð reiðhjóla Vilhjálmur segir að ástæða þess að reglan hafi ekki verið tekið upp hér á landi sé aukin áhersla á hjólreiðar. Reglan hafi verið talin skapa mikla hættu fyrir hjólreiðafólk, sem hefði lagst gegn henni. „Ég hefði nú viljað sjá það að hægt væri að láta bæði þessi atriði ganga upp. Með auknum hjólastígum og auknum hjólreiðum er alveg hægt að taka hægri beygju ef við gerum viðeigandi ráðstafanir til þess og forvarnir,“ segir Vilhjálmur. Hann segir borgaryfirvöld hafa lagt miklu meiri áherslu á umferð reiðhjóla en að greiða fyrir umferð bíla. „Því miður þá er það bara þannig.“ Þá segir hann að kostir þess að taka upp regluna yrðu tímasparnaður og greiðari umferð. Að auki myndi hún reynast umhverfisvæn vegna þess að bílar næmu ekki jafn oft staðar og tækju af stað að óþörfu. Ökumenn hægi á sér í níutíu gráðu beygju Til þess að hægt yrði að setja regluna í framkvæmd þyrfti málið að fara í gegn um skipulagsyfirvöld og vilja hjá veghöldurum til staðar. Ef að þessu yrði, hvernig gengi þetta fyrir sig? „Á tímabili var þetta gert þannig að þar sem þetta var talið augljóst fór Vegagerðin í það að setja beygjuvasa, þannig að þú gast beygt til hægri fram hjá ljósunum,“ segir Vilhjálmur. Síðar hafi slíkum vösum fækkað. „Ef þetta væri almennt leyft í umferðarlögunum, að það mætti taka hægri beygju á [rauðu] umferðarljósi, þá þarf ekki þennan beygjuvasa og þá geturðu bara tekið þessa níutíu gráðu beygju. Og ég tel alveg fullt umferðaröryggi í því af því að ef þú ert að taka níutíu gráðu beygju, það hægir það mikið á þér að þú lítur til beggja hliða áður en þú ferð á götuna,“ segir Vilhjálmur. Íslendingar eftir á Hann segir að best færi á því að taka upp blandaða leið að því að innleiða regluna í umferðarlög. „Að ef það er ekki þessi beygjurein til hliðar við ljósin þá megirðu taka níutíu gráðu beygju til hægri á rauðu ljósi þar sem þú ert á T-gatnamótum eða á gatnamótum.“ Vilhjálmur segir margar lausnir mögulegar til þess að greiða úr umferð sem Íslendingar séu ekki að nýta sér. Hann vekur athygli á leiðum sem Danir hafa farið í þeim málum, þeir hafi góða umferðaljósastýringu og að gangbrautir séu stækkaðar í takt við fjölgun á gangandi vegfarendum. „Það er margt sem við getum gert betur í umferðinni til þess að láta alla samgöngumáta ganga betur svo fólk hafi augljóst val um samgöngumáta,“ segir Vilhjálmur. Snjallljósavæðing meira áríðandi Þú nefndir að þetta myndi greiða fyrir umferð, myndi þetta hafa teljandi áhrif? „Þetta myndi kannski ekki hafa mikil áhrif á að greiða mesta umferðarálaginu, heldur er það þannig að þú ert á gatnamótum þar sem er ekki mikil umferð en það eru kannski þrír fjórir bílar stopp sem að þyrftu ekki að vera það. Þannig að þetta greiðir fyrir umferðinni í venjulegri umferð en í mestu traffíkinni þá er fátt sem greiðir fyrr umferðinni heldur en mislæg gatnamót og annað slíkt. Eða göng. Þannig að það er meira að segja erfitt fyrir ljósastýringu þegar allar götur eru fullar.“ Vilhjálmur hyggst halda því opnu að endurflytja áður flutt frumvarp um upptöku reglunnar en segir snjallljósavæðingu á höfuðborgarsvæðinu meira áríðandi. „Ég held að það skipti gríðarlega miklu máli og að hafa þetta þá í huga varðandi byggingu hjóla- og göngustíga, sem er lögð gríðarlega mikil áhersla á í samgöngusáttmálanum. Að það sé hægt að láta þetta spila saman,“ Hér er aðeins stikað á stóru en hægt er að hlusta á viðtalið í heild sinni hér að neðan. Sjálfstæðisflokkurinn Samgöngur Umhverfismál Umferð Umferðaröryggi Mest lesið Hafi verið látinn fljúga þrátt fyrir þekkt andleg veikindi Innlent Umfangsmiklar og óútskýrðar rafmagnstruflanir á Íberíuskaga Erlent Ráðist að fólki við Breiðholtsskóla um hábjartan dag Innlent Rafmagnsleysið „fordæmalaust“ en engar vísbendingar um tölvuárás Erlent Benedikt telur undanbrögð útvarpsstjóra grátleg Innlent Allt á áætlun en Spánarfarar beðnir um að fylgjast með Innlent Engin hópnauðgun um páskana á borði lögreglu Innlent Réðust á tvo menn á göngu Innlent Vissu ekki að þeir væru að ræna Kim Kardashian Erlent Saka Ingu um metnaðarleysi eftir skipun flokksmanna í stjórn Innlent Fleiri fréttir Vilja láta rannsaka aðild flóttateymis í máli Oscars Fangelsi oft eina úrræðið Allt á áætlun en Spánarfarar beðnir um að fylgjast með Björn tekur við af Helga Ráðist að fólki við Breiðholtsskóla um hábjartan dag Um níutíu hælisleitendur setið í fangesli síðustu mánuði fyrir brottvísun Kryfja mál Ásthildar Lóu fyrir opnum tjöldum Saka Ingu um metnaðarleysi eftir skipun flokksmanna í stjórn Engin hópnauðgun um páskana á borði lögreglu Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Hafi verið látinn fljúga þrátt fyrir þekkt andleg veikindi Alþingi kemur saman á ný eftir páskafrí Réðust á tvo menn á göngu Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Höllu dreymir um að fá gróðurhús á Bessastaði Bogi les sinn síðasta fréttatíma á morgun Hælisleitendur í einangrun: Versta úrræðið sem hægt er að beita Geðheilbrigði í fangelsum og fækkun lóu og spóa Áætlun Trump gangi engan veginn upp Vill selja bílastæðahús borgarinnar og Iðnó Ráðamenn hneykslast á Exit-auglýsingu SFS Mikill viðsnúningur hjá Árborg í fjármálum sveitarfélagsins Amman handleggsbrotin eftir hundsbit með barnabarnið í göngutúr Kvenkyns ökumönnum fækkað: Áhyggjuefni ef almenningur treystir ekki leigubílstjórum Áhyggjur leigubílstjóra og kólnandi hagkerfi Óvissa um heimshagkerfið og úrsögn Sólveigar Önnu Sjá meira
„Það var þá nafni minn og frændi sem þá var á þingi, Vilhjálmur Elísson, sem lagði þetta ítrekað til á sínum þingmannsferli að það mætti taka hægri beygju [á rauðu ljósi],“ segir Vilhjálmur Árnason, annar varaformaður umhverfis- og samgöngunefndar Alþingis. Vilhjálmur ræddi möguleikann að leyfa hægri beygjur á rauðu umferðarljósi í Reykjavík síðdegis í dag. Þar segist hann oft hafa íhugað að endurflytja frumvarp frænda síns. Meiri áhersla á umferð reiðhjóla Vilhjálmur segir að ástæða þess að reglan hafi ekki verið tekið upp hér á landi sé aukin áhersla á hjólreiðar. Reglan hafi verið talin skapa mikla hættu fyrir hjólreiðafólk, sem hefði lagst gegn henni. „Ég hefði nú viljað sjá það að hægt væri að láta bæði þessi atriði ganga upp. Með auknum hjólastígum og auknum hjólreiðum er alveg hægt að taka hægri beygju ef við gerum viðeigandi ráðstafanir til þess og forvarnir,“ segir Vilhjálmur. Hann segir borgaryfirvöld hafa lagt miklu meiri áherslu á umferð reiðhjóla en að greiða fyrir umferð bíla. „Því miður þá er það bara þannig.“ Þá segir hann að kostir þess að taka upp regluna yrðu tímasparnaður og greiðari umferð. Að auki myndi hún reynast umhverfisvæn vegna þess að bílar næmu ekki jafn oft staðar og tækju af stað að óþörfu. Ökumenn hægi á sér í níutíu gráðu beygju Til þess að hægt yrði að setja regluna í framkvæmd þyrfti málið að fara í gegn um skipulagsyfirvöld og vilja hjá veghöldurum til staðar. Ef að þessu yrði, hvernig gengi þetta fyrir sig? „Á tímabili var þetta gert þannig að þar sem þetta var talið augljóst fór Vegagerðin í það að setja beygjuvasa, þannig að þú gast beygt til hægri fram hjá ljósunum,“ segir Vilhjálmur. Síðar hafi slíkum vösum fækkað. „Ef þetta væri almennt leyft í umferðarlögunum, að það mætti taka hægri beygju á [rauðu] umferðarljósi, þá þarf ekki þennan beygjuvasa og þá geturðu bara tekið þessa níutíu gráðu beygju. Og ég tel alveg fullt umferðaröryggi í því af því að ef þú ert að taka níutíu gráðu beygju, það hægir það mikið á þér að þú lítur til beggja hliða áður en þú ferð á götuna,“ segir Vilhjálmur. Íslendingar eftir á Hann segir að best færi á því að taka upp blandaða leið að því að innleiða regluna í umferðarlög. „Að ef það er ekki þessi beygjurein til hliðar við ljósin þá megirðu taka níutíu gráðu beygju til hægri á rauðu ljósi þar sem þú ert á T-gatnamótum eða á gatnamótum.“ Vilhjálmur segir margar lausnir mögulegar til þess að greiða úr umferð sem Íslendingar séu ekki að nýta sér. Hann vekur athygli á leiðum sem Danir hafa farið í þeim málum, þeir hafi góða umferðaljósastýringu og að gangbrautir séu stækkaðar í takt við fjölgun á gangandi vegfarendum. „Það er margt sem við getum gert betur í umferðinni til þess að láta alla samgöngumáta ganga betur svo fólk hafi augljóst val um samgöngumáta,“ segir Vilhjálmur. Snjallljósavæðing meira áríðandi Þú nefndir að þetta myndi greiða fyrir umferð, myndi þetta hafa teljandi áhrif? „Þetta myndi kannski ekki hafa mikil áhrif á að greiða mesta umferðarálaginu, heldur er það þannig að þú ert á gatnamótum þar sem er ekki mikil umferð en það eru kannski þrír fjórir bílar stopp sem að þyrftu ekki að vera það. Þannig að þetta greiðir fyrir umferðinni í venjulegri umferð en í mestu traffíkinni þá er fátt sem greiðir fyrr umferðinni heldur en mislæg gatnamót og annað slíkt. Eða göng. Þannig að það er meira að segja erfitt fyrir ljósastýringu þegar allar götur eru fullar.“ Vilhjálmur hyggst halda því opnu að endurflytja áður flutt frumvarp um upptöku reglunnar en segir snjallljósavæðingu á höfuðborgarsvæðinu meira áríðandi. „Ég held að það skipti gríðarlega miklu máli og að hafa þetta þá í huga varðandi byggingu hjóla- og göngustíga, sem er lögð gríðarlega mikil áhersla á í samgöngusáttmálanum. Að það sé hægt að láta þetta spila saman,“ Hér er aðeins stikað á stóru en hægt er að hlusta á viðtalið í heild sinni hér að neðan.
Sjálfstæðisflokkurinn Samgöngur Umhverfismál Umferð Umferðaröryggi Mest lesið Hafi verið látinn fljúga þrátt fyrir þekkt andleg veikindi Innlent Umfangsmiklar og óútskýrðar rafmagnstruflanir á Íberíuskaga Erlent Ráðist að fólki við Breiðholtsskóla um hábjartan dag Innlent Rafmagnsleysið „fordæmalaust“ en engar vísbendingar um tölvuárás Erlent Benedikt telur undanbrögð útvarpsstjóra grátleg Innlent Allt á áætlun en Spánarfarar beðnir um að fylgjast með Innlent Engin hópnauðgun um páskana á borði lögreglu Innlent Réðust á tvo menn á göngu Innlent Vissu ekki að þeir væru að ræna Kim Kardashian Erlent Saka Ingu um metnaðarleysi eftir skipun flokksmanna í stjórn Innlent Fleiri fréttir Vilja láta rannsaka aðild flóttateymis í máli Oscars Fangelsi oft eina úrræðið Allt á áætlun en Spánarfarar beðnir um að fylgjast með Björn tekur við af Helga Ráðist að fólki við Breiðholtsskóla um hábjartan dag Um níutíu hælisleitendur setið í fangesli síðustu mánuði fyrir brottvísun Kryfja mál Ásthildar Lóu fyrir opnum tjöldum Saka Ingu um metnaðarleysi eftir skipun flokksmanna í stjórn Engin hópnauðgun um páskana á borði lögreglu Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Hafi verið látinn fljúga þrátt fyrir þekkt andleg veikindi Alþingi kemur saman á ný eftir páskafrí Réðust á tvo menn á göngu Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Höllu dreymir um að fá gróðurhús á Bessastaði Bogi les sinn síðasta fréttatíma á morgun Hælisleitendur í einangrun: Versta úrræðið sem hægt er að beita Geðheilbrigði í fangelsum og fækkun lóu og spóa Áætlun Trump gangi engan veginn upp Vill selja bílastæðahús borgarinnar og Iðnó Ráðamenn hneykslast á Exit-auglýsingu SFS Mikill viðsnúningur hjá Árborg í fjármálum sveitarfélagsins Amman handleggsbrotin eftir hundsbit með barnabarnið í göngutúr Kvenkyns ökumönnum fækkað: Áhyggjuefni ef almenningur treystir ekki leigubílstjórum Áhyggjur leigubílstjóra og kólnandi hagkerfi Óvissa um heimshagkerfið og úrsögn Sólveigar Önnu Sjá meira