Innlent

Vara við svindlurum sem líkja eftir Mbl.is

Kolbeinn Tumi Daðason skrifar
Hér má sjá eftirlíkingu af frétt á Mbl.is þar sem reynt er að selja þá sögu að grínistinn Ari Eldjárn hafi fundið fjárfestingakost sem sé ávísun á mikinn gróða. Sannarlega „sérstök frétt“.
Hér má sjá eftirlíkingu af frétt á Mbl.is þar sem reynt er að selja þá sögu að grínistinn Ari Eldjárn hafi fundið fjárfestingakost sem sé ávísun á mikinn gróða. Sannarlega „sérstök frétt“.

Lögreglan á höfuðborgarsvæðinu segir umfangsmiklar tilraunir í gangi til að svíkja peninga út úr landsmönnum á netinu. Glæpamennirnir notist við gervifréttir af vel heppnuðum fjárfestingum til að lokka fólk inn í svikamyllu.

„Stórárás á Íslendinga“ segir í færslu lögreglunnar á Facebook.

„Lögregla og aðrir sem fylgjast með netárásum hafa orðið varir við umfangsmikla tilraun til vefveiða á Íslendinga,“ segir í færslunni.

Ein slík gervifrétt.

Undirbúningur glæpamannanna sé vandaður.

„Þeir byrja með auglýsingum á Facebook þar sem þeir hafa stolið myndum af þekktum Íslendingum. Tilgangurinn er að veiða fólk inn í falska fjárfestinga svikamyllu og þannig stela af fólki peningum.“

Þrjár auglýsingar eru nefndar sem dæmi um slíkt svindl.

Dæmi um netsvik.

„Best er að tilkynna þær til Facebook sem svindl en að öðrum kosti hunsa þær alveg. Ef þið klikkið á þær þá farið þið á falska síðu sem líkir eftir mbl.is en er það alls ekki og þaðan er verið að reyna að tæla ykkur yfir á svikasíður sem líkja eftir fjárfestingasíðum en hafa þann eina tilgang að svíkja af fólki peninga, engin raunveruleg fjárfesting á sér stað.“

Jón Gnarr er notað í einu tilfelli netsvika.

Þessi glæpahópur hafi útbúið mikinn fjölda af þessu auglýsingum og jafnframt sett upp fjölda af netsíðum til að styðja við glæpinn.

„Umfangið bendir til þess að þarna sé vel skipulagður hópur glæpamanna að baki.“

Hér er látið líta út fyrir að hægt sé að sækja um bætur ef maður er á ákveðnum aldri. Andlit Bjarna Benediktssonar og útlit Mbl er notað til að auka trúverðugleika gervifréttarinnar.

Glæpamenn í sömu hugleiðingum, á eftir peningum almennings, hafa í gegnum árin birt gervifréttir á Facebook líkt og um fréttir af Vísi væri að ræða.

Netglæpir Fjölmiðlar Lögreglumál

Mest lesið


Fleiri fréttir

Sjá meira


×

Mest lesið