Komdu í veg fyrir bitglaðar blóð­sugur í sumar!

Það kannast eflaust margir við það að verða bitnir af svöngum blóðsugum þegar ferðast er yfir sumartímann. Lúsmý eru afar litlar og fínlegar flugur sem getur verið erfitt að greina með berum augum en þær hafa tekið sér fótfestu víða um landið. Eftir því sem loftslag hlýnar verður mun auðveldara fyrir lúsmý að setjast að svo sem í vatni eða blautum jarðvegi, sem veldur því að fólk þarf að þola bit í kjölfarið. 

Lúsmý heldur sig yfirleitt þar sem er skjól og skuggi og á það til að finnast á mörgum útilegusvæðum landsins eða uppi í bústaðnum, sem er mörgum til mikillar ógleði. Fjölmargir verða fyrir bitum og eru illa haldnir af kláða og talsverðum óþægindum í kjölfar þeirra en í þeim tilvikum er gott að kunna góða forvörn og rétta meðhöndlun.

Hvað er til ráða gegn lúsmýi?

Flugan fer helst á stjá á kvöldin þegar kyrrt er og leitar þá mikið inn um glugga en því er meðal annars mikilvægt að reyna að koma í veg fyrir að þær komist inn með því að loka gluggum á kvöldin og nóttunni eða setja net fyrir svo þær komist ekki inn. Þar að auki er gott að hafa viftu í gangi í svefnherberginu að næturlagi til þess að koma hreyfingu á loftið sem og sofa í náttfötum. Önnur áhrifarík leið er að bera á sig öflugar flugnafælur sem og notast við armbönd sem koma í veg fyrir að flugurnar sækist í þig.

Parakito flugnafælu armbönd fyrir alla fjölskylduna

Parakito flugnafælu armböndin eru með fíngerðar plötur sem innihalda náttúrulega ilmkjarnaolíur sem fæla í burtu lúsmý, moskítóflugur og aðrar sambærilegar flugur. Armböndin eru stillanleg, létt og þægileg á úlnliðinn eða ökklann og þú þarft ekki að hafa áhyggjur af því að flugurnar leggi til árásar. Sport armböndin eru vatnsheld, þynnri og léttari og því tilvalin í hlaupin, göngurnar og á ströndina. Að auki má finna armbönd fyrir börnin sem létt er að smella á litla úlnliði eða ökkla en þau eru afar þægileg til notkunar fyrir börnin.

Parakito flugnafælusprey

Parakito spreyin eru náttúruleg flugnafæla sem virka afar vel á lúsmý og sambærilegar flugur og flær sem angra landsmenn nær og fjær. Parakito spreyin innihalda náttúrulegar olíur ásamt því að þau eru með einkaleyfisvarða tækni sem eykur virkni virku efnanna sem og ver húðina. Innihaldsefni þessarar öflugu flugnafælu eru 99% náttúruleg og eru án DEET og alkóhóls. Spreyin fást í þremur tegundum og geta því allir fundið eitthvað við sitt hæfi. Parakito sport spreyið er vatnsfráhrindandi sem hentar gríðar vel í utanlandsferðirnar, göngurnar, útihlaupin og aðra útiveru. Sport veitir vörn í allt að 8 klukkustundir og hentar börnum 3 og eldri. Family spreyið er sérstaklega þróað fyrir viðkvæma húð, veitir vörn í allt að 7 klukkustundir og hentar börnum 12 mánaða og eldri. Beauty fælan er afar rakagefandi og nærandi formúla sem veitir vörn í allt að 6 klukkustundir og hentar börnum 6 mánaða og eldri.

Moustidose áhrifarík meðferð gegn bitvörgum

Þó lúsmý sé töluvert nýtt vandamál á Íslandi hafa bitvargar lengi verið að hrella mann erlendis. Það er því gott ráð að gleyma ekki heldur flugnafælunni þegar ferðast er erlendis en þar er áreiti moskítóflugna og annarra sambærilegra flugna algengt.