Opnuðu kaffihús fyrir hunda og ketti – Einn Puppaccino takk! Dýrheimar 7. ágúst 2024 11:30 Jóhanna Líf Halldórsdóttir er umsjónaraðili Kaffihúss Dýrheima. Hún segir alla velkomna í kaffihúsið, með eða án gæludýra. Hér er hún með hundinum Emmu. Við Víkurhvarf 5 er huggulegt kaffihús þar sem flóra gesta er þó dálítið óvenjuleg. Þar geta gestir komið með hundana eða kettina sína með sér. Kaffihús Dýrheima nýtur vinsælda meðal hundaeigenda en er einnig spennandi kostur fyrir þá sem eiga ekki gæludýr. „Við opnuðum kaffihúsið í febrúar 2023 og eru bæði hundar og kettir velkomnir með eigendum sínum. Almennt eru færri kattareigendur sem taka köttinn sinn með enda eru þeir oft heimakærari en hundar. Við eigum orðið þónokkra fastagesti sem koma reglulega, fara jafnvel fyrst í göngutúr með hundinn og kíkja svo inn í kaffi og með því. Meðal annars frábæran hóp af Cavalier hundum og eigendum þeirra sem koma nánast hvern einasta laugardag. Við erum afar þakklát fyrir þessar heimsóknir. Hingað eru allir velkomnir, með eða án gæludýra,“ segir Jóhanna Líf Halldórsdóttir, umsjónaraðili Kaffihúss Dýrheima. Þessir fallegu hundar nutu sín vel á kaffihúsi Dýrheima. Kræsingar á matseðlinum Jóhanna segir fjölbreyttar veitingar vera í boði á matseðli kaffihússins. Á virkum dögum er hægt að fá sér ýmsa kalda og heita drykki sem og fjölbreytt úrval af sætum bitum en kaffihúsið nýtur krafta bakarans Rakelar Sjafnar Hjartardóttur. Rakel Sjöfn Hjartardóttir bakari sérhæfir sig í kökuskreytingum. Á laugardögum er svo einnig matur á boðstólnum, til að mynda samlokur, þeytingur og pizzur en kaffihúsið er opið milli tólf og fjögur mánudaga til laugardaga. Fjölbreyttar veitingar eru í boði á matseðli kaffihússins. Einn Puppaccino takk En hvað skyldi vera í boði fyrir hunda og ketti á kaffihúsi Dýrheima? Jóhanna segir Dýrheima leggja mikla áherslu á heilbrigði dýra og rétta næringu og ekki fari það sama á diskinn þeirra og hjá eigendum dýranna. Meðan eigandinn fær sér Cappuccino getur hundurinn til dæmis fengið „Puppaccino“. „Puppaccino er hundvæn útgáfa af hinum vinsæla Cappuccino og er í grunninn flóuð mjólk sérstaklega ætluð hundum, en ekki rjómi eins og víða er notað erlendis. Þar sem við leggjum ríka áherslu á að raska sem minnst næringu dýranna er lögð meiri áhersla á afþreyingu á borð við hundapúsl, til að skapa ró og auka vellíðan dýranna á kaffihúsinu“ útskýrir Jóhanna. Klaki gæðir sér á Puppaccino sem er hundvæn útgáfa af hinum vinsæla Cappuccino. Vöntun á öruggu umhverfi kveikjan að kaffihúsinu Jóhanna segir hunda og ketti ekki endilega velkomna hvar sem er í samfélaginu og eigendur veigri sér mögulega við að taka dýrin með á opinbera staði. Íslensk gæludýr verji almennt meiri tíma innan heimilisins en tíðkast víða erlendis og það hafi í för með sér að þau læri síður að halda ró við ólíkar og krefjandi aðstæður. Hún segir Dýrheima öruggt umhverfi fyrir bæði eigendur og dýr til að æfa sig að takast á við slíkar aðstæður. „Við vonumst til að fleiri staðir bjóði gæludýr velkomin enda er það lítið mál ef þeir eru með leyfi og eigendur passa vel upp á að vera búnir að láta hundana gera stykki sín áður en þeir koma inn á kaffihús eða almenningsstaði.“ Í Kaffihúsi Dýrheima má finna ýmsa afþreyingu fyrir tví- og ferfætta, til dæmis heilaþrautir fyrir hundinn, fræðslublöð og spil fyrir eigendur. „Hundar fá almennt ekki tækifæri á því að fylgja eigendum sínum í daglegu lífi eins og maður sér mikið erlendis. Enn eru miklar takmarkanir í samfélaginu þó að þeim stöðum sem leyfa gæludýr fari rólega fjölgandi. Við brennum fyrir bættu hunda- og kattahaldi almennt og okkur fannst vöntun á miðstöð fyrir gæludýraunnendur þar sem þau geta sest niður og slakað á með dýrin með sér eða innan um þau. Við leggjum mikið upp úr góðum „kaffihúsasiðum“ þar sem dýrin eru í stuttum taum og nálægt eigendum sínum. Með því leggjum við grunn að því að þau geti svo heimsótt önnur kaffihús og fjölfarnari staði án þess að valda truflun í umhverfi sínu. Fyrir utan kaffihúsið verður svo hundagerði von bráðar svo hægt verður að kíkja út og leyfa hundinum að leika sér,“ útskýrir Jóhanna. Kisan Alba heimsótti kaffihúsið nýlega og átti góðan dag. Hún segir kaffihúsið hafa gengið vel og ekki hafi komið upp tilfelli þar sem allt hafi farið „í hund og kött“. „Eigendur eru almennt meðvitaðir um streitu og streituþröskuld dýrsins síns og fara því gjarnan á smá rölt út ef hundurinn verður t.d. órólegur. Við viljum hvetja eigendur áfram til þess að æfa þessa ró sem við viljum eiga á hefðbundnu kaffihúsi,“ segir hún. Þá sé kaffihúsið frábær staður til að kynnast fleiri dýrum og dýraeigendum. Boðið er upp á fjölbreyttar veitingar, heita og kalda drykki auk úrvals af sætum bitum. „Kaffihúsið er hluti af samfélagi Dýrheima sem leggur áherslu á að auka samveru og tengslanet og hér má bæði finna ýmsa afþreyingu fyrir tví- og ferfætta, til dæmis heilaþrautir fyrir hundinn, fræðslublöð og spil fyrir eigendur. Margir koma á kaffihúsið einir og vilja einbeita sér að sínu dýri í rólegheitum en þetta er líka tilvalinn staður fyrir t.d. hundaeigendur eða áhugasama að hittast með hundana, kynnast ólíkum tegundum og læra meira um áhugamálið og þann lífsstíl sem fylgir því að vera með hund- og/eða kött á heimilinu. Það er auðvelt að brjóta ísinn, það hafa allir gaman af að tala um dýrin sín,“ segir Jóhanna. Gæludýr Hundar Kettir Veitingastaðir Mest lesið Aðkomumaður ráfaði inn í hús á Þjóðhátíð og lýsti eftir húsráðanda Lífið Frumsýning á Vísi: „Þetta er alveg ný hlið á mér“ Tónlist Myndaveisla: Playboy lopapeysa og drulluskítugir regnjakkar Lífið Ari Ólafs tekur stórt stökk: „Þetta er draumur að rætast“ Lífið Segir föður sínum til syndanna Lífið Upplifir sig niðurlægða Lífið Myndaveisla: Loksins lét sú gula sjá sig Lífið Skemmtilegur golfvöllur í einstaklega fallegu umhverfi Lífið samstarf Opnuðu kaffihús fyrir hunda og ketti – Einn Puppaccino takk! Lífið samstarf Konur á bakvið glansmyndina sem líður alveg ofsalega illa Lífið Fleiri fréttir Opnuðu kaffihús fyrir hunda og ketti – Einn Puppaccino takk! Skemmtilegur golfvöllur í einstaklega fallegu umhverfi Þrítugasta Síldarævintýrið haldið um verslunarmannahelgina Bylgjulestin endaði sumarið í Hafnarfirði Aukið öryggi og lífsgæði með bættri samgöngumenningu Ein af földu perlum Vestfjarða Slepptu við þynnkuna og vertu hress alla helgina! Bylgjulestin klárar ferðalagið í Hafnarfirði á laugardag Einn glæsilegasti 9 holu völlur landsins Myndaveisla frá Götubitahátíðinni þar sem Bylgjulestin var í beinni Bylgjulestin á Götubitahátíðinni Má augnskugginn þinn fara í kringum augun? Myndaveisla frá Kótilettunni þar sem Bylgjulestin var í beinni Spennandi ferðir til Taílands og Balí í haust Bylgjulestin á Kótelettunni Komdu í veg fyrir bitglaðar blóðsugur í sumar! Rómantísk bylgja í lestri með hækkandi sól Einstök upplifun í sveitasælu Óbrjótanleg lúxusglös í útileguna Myndaveisla frá Akureyri þar sem Bylgjulestin var í beinni Bylgjulestin verður í beinni frá Akureyri Nova klippir kaffiverðið Bylgjulestin var í beinni frá Humarhátíðinni Nýjar merkjavörur í hverri viku á Pop up markaði Optical Studio Nú set ég mig í fyrsta, annað og þriðja sætið Sjá meira
„Við opnuðum kaffihúsið í febrúar 2023 og eru bæði hundar og kettir velkomnir með eigendum sínum. Almennt eru færri kattareigendur sem taka köttinn sinn með enda eru þeir oft heimakærari en hundar. Við eigum orðið þónokkra fastagesti sem koma reglulega, fara jafnvel fyrst í göngutúr með hundinn og kíkja svo inn í kaffi og með því. Meðal annars frábæran hóp af Cavalier hundum og eigendum þeirra sem koma nánast hvern einasta laugardag. Við erum afar þakklát fyrir þessar heimsóknir. Hingað eru allir velkomnir, með eða án gæludýra,“ segir Jóhanna Líf Halldórsdóttir, umsjónaraðili Kaffihúss Dýrheima. Þessir fallegu hundar nutu sín vel á kaffihúsi Dýrheima. Kræsingar á matseðlinum Jóhanna segir fjölbreyttar veitingar vera í boði á matseðli kaffihússins. Á virkum dögum er hægt að fá sér ýmsa kalda og heita drykki sem og fjölbreytt úrval af sætum bitum en kaffihúsið nýtur krafta bakarans Rakelar Sjafnar Hjartardóttur. Rakel Sjöfn Hjartardóttir bakari sérhæfir sig í kökuskreytingum. Á laugardögum er svo einnig matur á boðstólnum, til að mynda samlokur, þeytingur og pizzur en kaffihúsið er opið milli tólf og fjögur mánudaga til laugardaga. Fjölbreyttar veitingar eru í boði á matseðli kaffihússins. Einn Puppaccino takk En hvað skyldi vera í boði fyrir hunda og ketti á kaffihúsi Dýrheima? Jóhanna segir Dýrheima leggja mikla áherslu á heilbrigði dýra og rétta næringu og ekki fari það sama á diskinn þeirra og hjá eigendum dýranna. Meðan eigandinn fær sér Cappuccino getur hundurinn til dæmis fengið „Puppaccino“. „Puppaccino er hundvæn útgáfa af hinum vinsæla Cappuccino og er í grunninn flóuð mjólk sérstaklega ætluð hundum, en ekki rjómi eins og víða er notað erlendis. Þar sem við leggjum ríka áherslu á að raska sem minnst næringu dýranna er lögð meiri áhersla á afþreyingu á borð við hundapúsl, til að skapa ró og auka vellíðan dýranna á kaffihúsinu“ útskýrir Jóhanna. Klaki gæðir sér á Puppaccino sem er hundvæn útgáfa af hinum vinsæla Cappuccino. Vöntun á öruggu umhverfi kveikjan að kaffihúsinu Jóhanna segir hunda og ketti ekki endilega velkomna hvar sem er í samfélaginu og eigendur veigri sér mögulega við að taka dýrin með á opinbera staði. Íslensk gæludýr verji almennt meiri tíma innan heimilisins en tíðkast víða erlendis og það hafi í för með sér að þau læri síður að halda ró við ólíkar og krefjandi aðstæður. Hún segir Dýrheima öruggt umhverfi fyrir bæði eigendur og dýr til að æfa sig að takast á við slíkar aðstæður. „Við vonumst til að fleiri staðir bjóði gæludýr velkomin enda er það lítið mál ef þeir eru með leyfi og eigendur passa vel upp á að vera búnir að láta hundana gera stykki sín áður en þeir koma inn á kaffihús eða almenningsstaði.“ Í Kaffihúsi Dýrheima má finna ýmsa afþreyingu fyrir tví- og ferfætta, til dæmis heilaþrautir fyrir hundinn, fræðslublöð og spil fyrir eigendur. „Hundar fá almennt ekki tækifæri á því að fylgja eigendum sínum í daglegu lífi eins og maður sér mikið erlendis. Enn eru miklar takmarkanir í samfélaginu þó að þeim stöðum sem leyfa gæludýr fari rólega fjölgandi. Við brennum fyrir bættu hunda- og kattahaldi almennt og okkur fannst vöntun á miðstöð fyrir gæludýraunnendur þar sem þau geta sest niður og slakað á með dýrin með sér eða innan um þau. Við leggjum mikið upp úr góðum „kaffihúsasiðum“ þar sem dýrin eru í stuttum taum og nálægt eigendum sínum. Með því leggjum við grunn að því að þau geti svo heimsótt önnur kaffihús og fjölfarnari staði án þess að valda truflun í umhverfi sínu. Fyrir utan kaffihúsið verður svo hundagerði von bráðar svo hægt verður að kíkja út og leyfa hundinum að leika sér,“ útskýrir Jóhanna. Kisan Alba heimsótti kaffihúsið nýlega og átti góðan dag. Hún segir kaffihúsið hafa gengið vel og ekki hafi komið upp tilfelli þar sem allt hafi farið „í hund og kött“. „Eigendur eru almennt meðvitaðir um streitu og streituþröskuld dýrsins síns og fara því gjarnan á smá rölt út ef hundurinn verður t.d. órólegur. Við viljum hvetja eigendur áfram til þess að æfa þessa ró sem við viljum eiga á hefðbundnu kaffihúsi,“ segir hún. Þá sé kaffihúsið frábær staður til að kynnast fleiri dýrum og dýraeigendum. Boðið er upp á fjölbreyttar veitingar, heita og kalda drykki auk úrvals af sætum bitum. „Kaffihúsið er hluti af samfélagi Dýrheima sem leggur áherslu á að auka samveru og tengslanet og hér má bæði finna ýmsa afþreyingu fyrir tví- og ferfætta, til dæmis heilaþrautir fyrir hundinn, fræðslublöð og spil fyrir eigendur. Margir koma á kaffihúsið einir og vilja einbeita sér að sínu dýri í rólegheitum en þetta er líka tilvalinn staður fyrir t.d. hundaeigendur eða áhugasama að hittast með hundana, kynnast ólíkum tegundum og læra meira um áhugamálið og þann lífsstíl sem fylgir því að vera með hund- og/eða kött á heimilinu. Það er auðvelt að brjóta ísinn, það hafa allir gaman af að tala um dýrin sín,“ segir Jóhanna.
Gæludýr Hundar Kettir Veitingastaðir Mest lesið Aðkomumaður ráfaði inn í hús á Þjóðhátíð og lýsti eftir húsráðanda Lífið Frumsýning á Vísi: „Þetta er alveg ný hlið á mér“ Tónlist Myndaveisla: Playboy lopapeysa og drulluskítugir regnjakkar Lífið Ari Ólafs tekur stórt stökk: „Þetta er draumur að rætast“ Lífið Segir föður sínum til syndanna Lífið Upplifir sig niðurlægða Lífið Myndaveisla: Loksins lét sú gula sjá sig Lífið Skemmtilegur golfvöllur í einstaklega fallegu umhverfi Lífið samstarf Opnuðu kaffihús fyrir hunda og ketti – Einn Puppaccino takk! Lífið samstarf Konur á bakvið glansmyndina sem líður alveg ofsalega illa Lífið Fleiri fréttir Opnuðu kaffihús fyrir hunda og ketti – Einn Puppaccino takk! Skemmtilegur golfvöllur í einstaklega fallegu umhverfi Þrítugasta Síldarævintýrið haldið um verslunarmannahelgina Bylgjulestin endaði sumarið í Hafnarfirði Aukið öryggi og lífsgæði með bættri samgöngumenningu Ein af földu perlum Vestfjarða Slepptu við þynnkuna og vertu hress alla helgina! Bylgjulestin klárar ferðalagið í Hafnarfirði á laugardag Einn glæsilegasti 9 holu völlur landsins Myndaveisla frá Götubitahátíðinni þar sem Bylgjulestin var í beinni Bylgjulestin á Götubitahátíðinni Má augnskugginn þinn fara í kringum augun? Myndaveisla frá Kótilettunni þar sem Bylgjulestin var í beinni Spennandi ferðir til Taílands og Balí í haust Bylgjulestin á Kótelettunni Komdu í veg fyrir bitglaðar blóðsugur í sumar! Rómantísk bylgja í lestri með hækkandi sól Einstök upplifun í sveitasælu Óbrjótanleg lúxusglös í útileguna Myndaveisla frá Akureyri þar sem Bylgjulestin var í beinni Bylgjulestin verður í beinni frá Akureyri Nova klippir kaffiverðið Bylgjulestin var í beinni frá Humarhátíðinni Nýjar merkjavörur í hverri viku á Pop up markaði Optical Studio Nú set ég mig í fyrsta, annað og þriðja sætið Sjá meira