Slys varð á fólki við aftanákeyrslu sem varð í Mosfellsbæ í dag. Þetta staðfestir Árni Friðleifsson aðalvarðstjóri hjá umferðardeild lögreglunnar á höfuðborgarsvæðinu.
Slysið varð um hálftvöleytið í dag í Þverholti í Mosfellsbæ. Að minnsta kosti einn slasaðist.
Fyrr í dag var greint frá því að tafir hefðu orðið vegna smávægilegs áreksturs sem varð á Kringlumýrarbraut. Það varð til þess að tafir urðu á umferð þar og á Hafnarfjarðarvegi.
Smávægilegur árekstur varð á Kringlumýrarbraut til norðurs, með þeim afleiðingum að tafir hafa orðið á umferð þar og á Hafnarfjarðarvegi.
