„Andlitið á mér var afmyndað“ Sindri Sverrisson skrifar 25. september 2024 08:02 Viðar Ari Jónsson margbrotnaði í andlitinu og á erfitt með að tala. Hann verður á fljótandi fæði næstu sex vikurnar og treystir á góðar súpur frá kærustu sinni, Örnu Jónsdóttur. Samsett mynd „Ég er bara mjög feginn að ekki fór verr, þó að ég finni til. Það er góð tilfinning að finna að allt sé aftur á réttum stað, annað en síðustu daga. Andlitið á mér var afmyndað,“ segir Viðar Ari Jónsson sem margbrotnaði í andliti í leik í norsku úrvalsdeildinni í fótbolta um helgina. Eins og sjá má á myndbandinu hér að neðan átti Viðar flotta fyrirgjöf í fyrsta marki HamKam í 5-0 sigri gegn Lilleström á sunnudaginn. Skömmu síðar lenti hann hins vegar í hörðum árekstri, steinrotaðist og skall illa með höfuðið í jörðina. Í roti þegar hann féll til jarðar „Það síðasta sem að ég man er að það kemur löng sending og ég er að bakka til að skalla boltann í innkast eða eitthvað. Svo kemur hann [leikmaður Lilleström] á blindu hliðina hjá mér, og öxlin hefur farið beint í andlitið á mér. Þannig brotna ég fyrst, í hægra kinnbeini, og dett bara alveg út í loftinu og lendi hreinlega á andlitinu. Þannig braut ég á mér kjálkann og missti tönn og eitthvað. Þetta var opið kjálkabrot,“ segir Viðar í samtali við Vísi. Klippa: Viðar kjálkabrotnaði illa Ótrúlegt en satt gat Viðar gengið út af vellinum með sjúkraþjálfara HamKam, eins og sjá má á myndbandinu hér að ofan, en hann man sjálfur ekkert eftir því. „Svo datt ég bara inn og út þarna, og var fluttur með sjúkrabíl til Elverum. Þar var tekin heilamyndataka sem kom vel út. Síðan var ekið með mig til Oslóar í aðgerð sem ég átti að þurfa að bíða eftir í tvo daga, en læknirinn náði að troða mér að. Þvílíkur kóngur! Ég var alveg að missa vitið,“ segir Viðar. Aðgerðin var síður en svo einföld enda var Viðari tjáð að brotið í kjálkanum hefði verið mjög ljótt. Með fjórar plötur í andlitinu og missti tönn „Ég var svæfður og svo var skorið neðst í kinnina, til að laga brotið undir eyranu hægra megin. Svo voru tvær plötur og sex skrúfur settar þar. Síðan var hitt brotið í miðjum kjálkanum, í neðri gómnum. Tannholdið var því skorið frá neðri gómnum, og þarna voru líka settar tvær plötur. Svo var eitthvað annað brot rétt hjá nefinu en það var ekkert gert í því. Þar að auki missti ég eina tönn sem hékk bara á einhverju tannkjöti, svo það var ekki hægt að bjarga henni,“ segir Viðar sem lætur samt engan bilbug á sér finna, þrátt fyrir að geta varla hreyft munninn til að tala. Viðar Ari Jónsson segist feginn að finna að hann sé núna kominn aftur með rétt bit, þó að hann verði að bíða með að bíta í mat næstu vikurnar.Mynd/Aðsend „Guði sé lof að konan mín er mjög flink í súpugerð“ „Þetta er búinn að vera heljarinnar helgi. Ég er bara þakklátur fyrir að þetta hafi ekki farið verr. Ég er á einhverjum lyfjakokteil núna og það tekur svo 5-6 vikur fyrir þetta að gróa. Ég stefni því bara á síðasta leik tímabilsins sem er 1. desember. Ég get ekki mikið opnað munninn og svo verð ég á fljótandi fæði næstu sex vikurnar. Guði sé lof að konan mín er mjög flink í súpugerð og smoothie-um. Það þarf að fara djúpt í uppskriftabókina hjá henni næstu vikurnar,“ segir Viðar léttur, feginn yfir því að vera á batavegi: „Ég fæ sjálfsagt einhvern minni háttar skurð en annars á allt að verða eins og það var. Andlitið á mér verður samt þrefalt næstu vikurnar,“ segir Viðar en hægt er að sjá hve bólginn hann er á myndbandinu að ofan, þar sem hann tekur léttan dans í lokin eftir aðgerðina. Gæti hafa verið síðasti leikurinn fyrir HamKam Viðar, sem er þrítugur, hefur staðið sig vel með HamKam í ár en gæti verið á förum frá félaginu. Hann lék um skamman tíma með FH hér á landi á síðasta ári, og var þar einnig 2018, en hefur annars spilað í Noregi og Ungverjalandi frá því að hann fór frá Fjölni eftir tímabilið 2016. „Þetta er búið að vera fínt tímabil í ár. Auðvitað er eitthvað sem maður vill gera betur en heilt yfir er þetta gott. Þrjú mörk og tvær stoðsendingar, og liðið hefur litið vel út. Samningurinn minn hérna rennur út í desember og maður er byrjaður að þreifa fyrir sér, hjá HamKam og öðrum, en það eru engin svör með það enn þá,“ segir Viðar sem lætur eflaust nægja að jafna sig af höfuðhögginu næstu daga, áður en hann ákveður sig varðandi framtíðina. Norski boltinn Mest lesið Bein útsending: Íslenska ofurfólkið keppir við þau bestu í heimi Sport „Gæti verið minn síðasti leikur á laugardaginn“ Íslenski boltinn Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Uppgjörið : FH - Valur 1-1 | Gylfi klúðraði víti og FH stal stigi í uppbótartíma Íslenski boltinn Langþráð og laglegt mark Höjlund tryggði Man. Utd sigurinn Enski boltinn Í beinni: Breiðablik - Stjarnan | Blikar verða að vinna Íslenski boltinn Íslenskur ökumaður fagnaði sigri í Le Mans keppninni Sport Fleiri fréttir Í beinni: Celta Vigo - Real Madrid | Madrídingar geta jafnað Börsunga á toppnum „Þarft að vinna uppi á Skaga til þess að verða Íslandsmeistari“ Sjáðu sigurmarkið sem dæmt var af Skagamönnum Birkir kom inn á og skoraði sárabótarmark „Óskiljanlegt að setja Erlend í þetta verkefni" „Gæti verið minn síðasti leikur á laugardaginn“ Everton vann og endurkomusigrar hjá Leicester og Villa Í beinni: Breiðablik - Stjarnan | Blikar verða að vinna Þrjú stig í sarpinn en Orri leitar að markaskónum Í beinni: Bournemouth - Arsenal | Skytturnar geta komist á toppinn Langþráð og laglegt mark Höjlund tryggði Man. Utd sigurinn Willum Þór með mikilvægt mark í endurkomusigri Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Uppgjörið KA - Vestri 2-1| Elfar Árni afgreiddi Vestra Bætti fyrir vítaklúðrið með því að skora sigurmarkið Þrjú mörk á sjö mínútum í sannfærandi sigri Spurs Uppgjörið : FH - Valur 1-1 | Gylfi klúðraði víti og FH stal stigi í uppbótartíma Ísak reiddist dómaranum og lagði þá bara upp mark í staðinn Eigandinn þuklaði á fyrirliða kvennaliðsins Fannst Inter besti kosturinn: „Ekkert að því að búa í Mílanó“ Í leyfi eftir að hafa misst fjögurra mánaða afabarn „Ævintýri og lygar í boði sumra ykkar“ Fanney seld fyrir upphæð sem „ekki hefur sést“ og Tinna kemur í staðinn Jón Dagur út í hálfleik en upp um þrjú sæti Sara öflug og komst áfram í bikarnum Mainoo frá í nokkrar vikur Fanney sögð á leið til Svíþjóðar Nýir þjálfarar drepi alla sköpun Ræddu við tíu en fáir kannast við símtal Tvær breytingar á Bandaríkjahópnum Sjá meira
Eins og sjá má á myndbandinu hér að neðan átti Viðar flotta fyrirgjöf í fyrsta marki HamKam í 5-0 sigri gegn Lilleström á sunnudaginn. Skömmu síðar lenti hann hins vegar í hörðum árekstri, steinrotaðist og skall illa með höfuðið í jörðina. Í roti þegar hann féll til jarðar „Það síðasta sem að ég man er að það kemur löng sending og ég er að bakka til að skalla boltann í innkast eða eitthvað. Svo kemur hann [leikmaður Lilleström] á blindu hliðina hjá mér, og öxlin hefur farið beint í andlitið á mér. Þannig brotna ég fyrst, í hægra kinnbeini, og dett bara alveg út í loftinu og lendi hreinlega á andlitinu. Þannig braut ég á mér kjálkann og missti tönn og eitthvað. Þetta var opið kjálkabrot,“ segir Viðar í samtali við Vísi. Klippa: Viðar kjálkabrotnaði illa Ótrúlegt en satt gat Viðar gengið út af vellinum með sjúkraþjálfara HamKam, eins og sjá má á myndbandinu hér að ofan, en hann man sjálfur ekkert eftir því. „Svo datt ég bara inn og út þarna, og var fluttur með sjúkrabíl til Elverum. Þar var tekin heilamyndataka sem kom vel út. Síðan var ekið með mig til Oslóar í aðgerð sem ég átti að þurfa að bíða eftir í tvo daga, en læknirinn náði að troða mér að. Þvílíkur kóngur! Ég var alveg að missa vitið,“ segir Viðar. Aðgerðin var síður en svo einföld enda var Viðari tjáð að brotið í kjálkanum hefði verið mjög ljótt. Með fjórar plötur í andlitinu og missti tönn „Ég var svæfður og svo var skorið neðst í kinnina, til að laga brotið undir eyranu hægra megin. Svo voru tvær plötur og sex skrúfur settar þar. Síðan var hitt brotið í miðjum kjálkanum, í neðri gómnum. Tannholdið var því skorið frá neðri gómnum, og þarna voru líka settar tvær plötur. Svo var eitthvað annað brot rétt hjá nefinu en það var ekkert gert í því. Þar að auki missti ég eina tönn sem hékk bara á einhverju tannkjöti, svo það var ekki hægt að bjarga henni,“ segir Viðar sem lætur samt engan bilbug á sér finna, þrátt fyrir að geta varla hreyft munninn til að tala. Viðar Ari Jónsson segist feginn að finna að hann sé núna kominn aftur með rétt bit, þó að hann verði að bíða með að bíta í mat næstu vikurnar.Mynd/Aðsend „Guði sé lof að konan mín er mjög flink í súpugerð“ „Þetta er búinn að vera heljarinnar helgi. Ég er bara þakklátur fyrir að þetta hafi ekki farið verr. Ég er á einhverjum lyfjakokteil núna og það tekur svo 5-6 vikur fyrir þetta að gróa. Ég stefni því bara á síðasta leik tímabilsins sem er 1. desember. Ég get ekki mikið opnað munninn og svo verð ég á fljótandi fæði næstu sex vikurnar. Guði sé lof að konan mín er mjög flink í súpugerð og smoothie-um. Það þarf að fara djúpt í uppskriftabókina hjá henni næstu vikurnar,“ segir Viðar léttur, feginn yfir því að vera á batavegi: „Ég fæ sjálfsagt einhvern minni háttar skurð en annars á allt að verða eins og það var. Andlitið á mér verður samt þrefalt næstu vikurnar,“ segir Viðar en hægt er að sjá hve bólginn hann er á myndbandinu að ofan, þar sem hann tekur léttan dans í lokin eftir aðgerðina. Gæti hafa verið síðasti leikurinn fyrir HamKam Viðar, sem er þrítugur, hefur staðið sig vel með HamKam í ár en gæti verið á förum frá félaginu. Hann lék um skamman tíma með FH hér á landi á síðasta ári, og var þar einnig 2018, en hefur annars spilað í Noregi og Ungverjalandi frá því að hann fór frá Fjölni eftir tímabilið 2016. „Þetta er búið að vera fínt tímabil í ár. Auðvitað er eitthvað sem maður vill gera betur en heilt yfir er þetta gott. Þrjú mörk og tvær stoðsendingar, og liðið hefur litið vel út. Samningurinn minn hérna rennur út í desember og maður er byrjaður að þreifa fyrir sér, hjá HamKam og öðrum, en það eru engin svör með það enn þá,“ segir Viðar sem lætur eflaust nægja að jafna sig af höfuðhögginu næstu daga, áður en hann ákveður sig varðandi framtíðina.
Norski boltinn Mest lesið Bein útsending: Íslenska ofurfólkið keppir við þau bestu í heimi Sport „Gæti verið minn síðasti leikur á laugardaginn“ Íslenski boltinn Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Uppgjörið : FH - Valur 1-1 | Gylfi klúðraði víti og FH stal stigi í uppbótartíma Íslenski boltinn Langþráð og laglegt mark Höjlund tryggði Man. Utd sigurinn Enski boltinn Í beinni: Breiðablik - Stjarnan | Blikar verða að vinna Íslenski boltinn Íslenskur ökumaður fagnaði sigri í Le Mans keppninni Sport Fleiri fréttir Í beinni: Celta Vigo - Real Madrid | Madrídingar geta jafnað Börsunga á toppnum „Þarft að vinna uppi á Skaga til þess að verða Íslandsmeistari“ Sjáðu sigurmarkið sem dæmt var af Skagamönnum Birkir kom inn á og skoraði sárabótarmark „Óskiljanlegt að setja Erlend í þetta verkefni" „Gæti verið minn síðasti leikur á laugardaginn“ Everton vann og endurkomusigrar hjá Leicester og Villa Í beinni: Breiðablik - Stjarnan | Blikar verða að vinna Þrjú stig í sarpinn en Orri leitar að markaskónum Í beinni: Bournemouth - Arsenal | Skytturnar geta komist á toppinn Langþráð og laglegt mark Höjlund tryggði Man. Utd sigurinn Willum Þór með mikilvægt mark í endurkomusigri Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Uppgjörið KA - Vestri 2-1| Elfar Árni afgreiddi Vestra Bætti fyrir vítaklúðrið með því að skora sigurmarkið Þrjú mörk á sjö mínútum í sannfærandi sigri Spurs Uppgjörið : FH - Valur 1-1 | Gylfi klúðraði víti og FH stal stigi í uppbótartíma Ísak reiddist dómaranum og lagði þá bara upp mark í staðinn Eigandinn þuklaði á fyrirliða kvennaliðsins Fannst Inter besti kosturinn: „Ekkert að því að búa í Mílanó“ Í leyfi eftir að hafa misst fjögurra mánaða afabarn „Ævintýri og lygar í boði sumra ykkar“ Fanney seld fyrir upphæð sem „ekki hefur sést“ og Tinna kemur í staðinn Jón Dagur út í hálfleik en upp um þrjú sæti Sara öflug og komst áfram í bikarnum Mainoo frá í nokkrar vikur Fanney sögð á leið til Svíþjóðar Nýir þjálfarar drepi alla sköpun Ræddu við tíu en fáir kannast við símtal Tvær breytingar á Bandaríkjahópnum Sjá meira
Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn
Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn