Pantaðu sól og gleði með Úr­val Út­sýn

Hópferðir sem munað er eftir

Úrval Útsýn hefur lengi sérhæft sig í skipulagningu ferða fyrir hópa af öllu tagi, t.d. fyrirtækjahópa og ýmis konar vinahópa. Starfsfólk ferðaskrifstofunnar hefur áratuga reynslu og mikla þekkingu og leggur mikinn metnað í skipulag slíkra ferða að sögn Kristins Ferdinandssonar, deildarstjóri hópferða hjá Úrval Útsýn.

„Við bjóðum upp á breitt úrval ferða fyrir hópa út um allan heim, hvort sem það eru árshátíðaferðir fyrir ólíkar stærðir fyrirtækja eða vinahópar og saumaklúbbar. Þá sjáum við um að bóka hótel, veislusali, veitingar, veislustjóra, skemmtiatriði, fararstjóra, skoðunarferðir og rútur, allt eftir þörfum hópsins hverju sinni. Einnig höfum við tekið að okkur að skipuleggja sérferðir fyrir íþróttahópa, t.d. hjólahópa og jógahópa. Persónuleg og góð þjónusta er alltaf í fyrirrúm hjá okkur.“

Úrval Útsýn hefur m.a. þá sérstöðu að vera með samninga við fjölmörg flugfélög um allan heim og getur fyrir vikið boðið hópum framandi áfangastaði sem standa Íslendingum að öllu jöfnu ekki til boða.

Suður Evrópa hefur verið mjög vinsæl undanfarið að sögn Kristins og næsta vor verður m.a. boðið upp á mjög spennandi ferðir til Bari, Lecce, Porto og Zagreb í beinu flugi með flugfélaginu Neos. „Við verðum síðan með flug til Verona allar helgar í sumar sem hentar sérlega vel í helgarferðir fyrir fyrirtæki og vinahópa. Helstu dagsetningar sem eru í boði eru: Bari, 16.-20. apríl, Porto 23.-27. apríl, Zagreb 1.-5. maí og Lecce, Puglia 29. maí til 2. júní.“

Að ýmsu þarf að huga þegar ferð fyrir hóp er skipulögð enda inniheldur hann oft ólíka einstaklinga. „Fyrst og fremst þarf að finna réttan áfangastað. Í samvinnu við hópinn vinnum við að því að finna áfangastað sem að hentar hópnum og fellur að áhugasviði og þörfum þeirra sem skipa hann. Síðan sjáum við alltaf til þess að allir í hópnum fái þá þjónustu sem að hver og einn farþegi þarfnast svo að ferðalagið verði áhyggjulaust og eftirminnilegt.“

Nánari upplýsingar um hópferðir má finna á vef Úrvals útsýnar.

Spennandi strendur, skíðabrekkur og siglingar

Það er fátt dásamlegra en að flýja kaldan og dimman veturinn og skella sér í hressandi ferðalag sem inniheldur sól og strönd, stórkostlegar skíðabrekkur eða siglingu í fagurbláum sjónum.

Úrval Útsýn býður upp á fjölda skemmtilegra ferða í vetur þar sem landsmenn geta skipt um umhverfi og notið lífsins út í ystu æsar. „Í vetur bjóðum við upp á flug til Tenerife, Kanarí og Alicante sem er alltaf vinsælt hjá Íslendingum sem vilja flýja dimman íslenskan veturinn,“ segir Hjördís Hildur Jóhannsdóttir, deildarstjóri söluvers Úrvals Útsýnar. „Flugtímarnir eru mjög góðir og svo erum við með frábæra þjónustufulltrúa á staðnum sem hægt er að leita til.“

Einnig eru mjög spennandi ferðir í boði í beinu flugi til Punta Cana sem er á mótum Karíbahafs og Atlantshafs og er þekkt fyrir hvítar sandstrendur, túrkísblátt haf og heilsulindir. „Þetta er algjör paradís og farþegar okkar sem hafa farið í þessa ferð eru alveg í skýjunum. Í vetur bjóðum við upp á ferð 22. nóvember þar sem gist er í níu nætur.“

Boðið er upp á 4 og 5 stjörnu gistingar þar sem allt er innifalið. Þar er einnig íslenskur fararstjóri og stutt er í næsta golfvöll. „Veðrið er nokkuð stöðugt allt árið og meðalhitinn er um 26 gráður. Frá nóvember til mars er hitastig á kvöldin um 20° sem er notalegt fyrir okkur Íslendinga.“

Skíðaferðir njóta sífellt meiri vinsælda meðal landsmanna og býður Úrval Útsýn upp á nokkur mjög spennandi skíðasvæði. „Madonna di Campiglio er alltaf vinsælt hjá Íslendingum enda er þetta mjög gott skíðasvæði með frábærum fararstjórum. Það er ekkert sem toppar geggjaðan skíðadag með nokkrum „pit“stoppum í brekkunum.“

Madonna er einn þekktasti skíðabær Ítalíu, fallegt fjallaþorp í ríflega 1.500 metra hæð yfir sjávarmáli. „Þessi þúsund manna bær státar af fjölbreyttu skíðasvæði við allra hæfi, fallegum hótelum, glæsilegum veitingastöðum, verslunum og fallegu umhverfi. Sex mismunandi skíðasvæði eru aðgengileg frá Madonna di Campiglio.“

Einnig eru í boði ferðir til Vald di Fassa, Arabba og Canazei þar sem er að finna frábæra skíðasvæðið Sella Ronda.

Úrval Útsýn býður einnig upp á nokkrar skemmtilega siglingar um páskana og í maí 2025. „Þá er siglt um gríska Eyjahafið frá Feneyjum og um páskana er siglt frá Barcelona og Feneyjum. Í siglingunum er stoppað á helstu stöðum þar sem hægt er að fara í land og skoða sig um. Um borð njóta farþegar allra helstu þæginda og nóg er um að velja í mat, drykk og skemmtun. Ef að keyptur er dýrari pakki er hægt að vera á svæði sem er í rólegra umhverfi og inniheldur meiri lúxus.“

Fagmannlega þjónusta og öryggi allan sólarhringinn

Góð þjónusta og öryggi skiptir öllu máli þegar utanlandsferðir eru skipulagðar. Flugdeild Úrvals Útsýnar er með samninga við öll helstu flugfélög heims sem þýðir að farþegar geta bókað ferðir hjá Úrval Útsýn hvert sem er, þar sem boðið er upp á fagmannlega þjónustu og öryggi allan sólarhringinn sjö daga vikunnar.

„Samningar okkar ná til flestra af helstu flugfélögum heims og hjálpa farþegum okkar að ferðast örugglega á einum farseðli alla leið, allt frá innritun í Keflavík til áfangastaðar þar sem ekki þarf að sækja farangur fyrr en lent er þar,“ segir Guðný Lára Jóhannsdóttir, deildarstjóri viðskipta- og flugdeildar Úrvals Útsýnar.

Að mörgu er að hyggja þegar lagt er af stað í ferðalag og þá er gott að vita af sérfræðingum Úrvals Útsýnar sem aðstoða farþega sína eins vel og kostur er. „Við erum sérfræðingarnir með okkar frábæru samninga, beinu tengingar, áratuga reynslu og yfirsýn yfir alla ferðamögulega, hvort sem er í bókunum á flugi, hóteli, bílaleigum, lestum eða flestu því sem tilheyrir ferðalagi. Í okkar sérhæfðu og persónulegu þjónustu felst mikill tímasparnaður og mikið hagræði fyrir viðskiptavininn enda finnum við alltaf bestu leiðina á hagkvæmasta verðinu.“

Öryggi skiptir eðlilega miklu máli á ferðalögum en Úrval Útsýn býður upp á vaktsíma utan hefðbundins skrifstofutíma. „Við erum með vaktsíma fyrir neyðartilvik sem við svörum utan skrifstofutíma enda eru farþegar okkar að ferðast á öllum tímum sólarhringsins. Ef einhver röskun er á flugi eða aðstæður breytast þá er gott að nýta sér áralanga þjónustu sérfræðinga okkar.“

Þar sem flugdeild Úrvals Útsýnar er í raun bæði viðskiptadeild og flugdeild þá bókar starfsfólk hennar ferðir út um allan heim að sögn Guðnýjar. „Mikið er um viðskiptaferðir innan Evrópu en það er að aukast aftur eftir COVID að fyrirtæki eru að senda starfsfólk sitt út fyrir Evrópu. Við fáum einnig töluvert af viðskiptavinum sem vilja ferðast til framandi slóða eða eru að heimsækja fjölskyldur og leita þá í þjónustu okkar því það skiptir miklu máli að þurfa ekki að hafa áhyggjur af næsta tengiflugi eða farangri á svo löngum ferðalögum. Það má því segja að heimurinn sé okkar vinsælasti áfangastaður.“

Kíktu á vef Úrvals Útsýnar og kynntu þér málið!