Aðstæður eru krefjandi á jöklinum
Tugir björgunarsveitamanna, lögregla og aðrir viðbragðsaðilar hafa tekið þátt í aðgerðum á Breiðamerkurjökli frá því síðdegis í gær. Aðstæður eru nokkuð krefjandi á vettvangi en veðurskilyrði með ágætum til leitar í dag. Vilhelm Gunnarsson, ljósmyndari Vísis er á vettvangi þar sem hann tók meðfylgjandi myndir og myndskeið sem sýna aðgerðir á svæðinu.
