Ísland í dag - Fæðingarbletturinn var húðkrabbamein
Næringarfræðingurinn Elísabet Reynisdóttir lenti í því í sumar að fyrir rælni tók hún eftir dökkum fæðingarbletti á bakinu og í staðinn fyrir að láta hann í friði lét hún skoða hann og í ljós kom húðkrabbamein á byrjunarstigi. Beta Reynis eins og hún er oftast kölluð segir að það hafi bjargað lífi hennar að þetta uppgötvaðist svona snemma á fyrsta stigi. En hún þurfti að fara í skurðaðgerð þar sem æxlið var fjarlægt. Hún vill segja frá þessari reynslu til þess að minna fólk á að vera vakandi fyrir dökkum blettum á húðinni sem geti reynst æxli. Vala Matt fór og heyrði þessa reynslusögu Betu og einnig hvernig hún notar hollan mat og sérstök vítamín til að styrkja sig eftir aðgerðina.
