Golf

Fréttir og úrslit úr heimi golfsins.

Tinna efst fyrir lokahring

Tinna Jóhanssdóttir úr Keili var í efsta sæti að loknum fyrsta hring á lokamóti Toyota-mótaraðarinnar sem lýkur í dag en Ragnhildur Sigurðarsdóttir úr GR hafði þegar tryggt sér titilinn og sigur í stigakeppninni. Heiðar Davíð Bragason, Íslandsmeistari úr GKJ, er í efsta sæti í karlaflokki ásamt Hlyni Geir Hjartarsyni frá Selfossi, en Heiðar Davíð og Sigurpáll Geir Sveinsson berjast um sigurinn í karlaflokki á mótaröðinni.

Sport 4. september 2005 00:01

Tiger gekk illa á öðrum degi

Tiger Woods fór illa að ráði sínu á öðrum keppnisdegi á Deutsche Bank mótinu í Boston, en hann lék annan hringinn á tveimur höggum yfir pari, en Tiger sem lék á 73 höggum var í efsta sæti á mótinu að loknum fyrsta keppnisdegi. Hann er fjórum höggum undir pari en Bandaríkjamennirnir Jeff Brehaut og Olin Brown eru efstir á níu höggum undir pari.

Sport 4. september 2005 00:01

Barist á Korpúlfsstaðavelli

Lokamótið á Toyota-mótaröðinni í golfi hófst í morgun við Korpúlfsstaði. Þar eru flestir bestu kylfingar landssins mættir til leiks. Heiðar Davíð Bragsson og Sigurpáll Geir Sveinsson, báðir úr GKJ, berjast um stigameistaratitilinn í karlaflokki en Ragnhildur Sigurðardóttir GR hefur þegar tryggt sér titilinn í kvennaflokki. Leiknar verða 36 holur, 18 í dag og 18 á morgun, sunnudag.

Sport 3. september 2005 00:01

Tiger efstur í Boston

Tiger Woods hefur forytsu að loknum fyrsta keppnisdegi á Deutshe Bank meistaramótinu í golfi sem fram fer í Boston. Hann lék fyrsta hringinn á 65 höggum og er á sex höggum undir pari. Tiger hefur eins höggs forystu á Carlos Franco, Briny Baird, Steve Lowery og Billy Andrade. Vijay Singh, sem vann mótið í fyrra, hætti við þátttöku vegna bakmeiðsla.

Sport 3. september 2005 00:01

Ólöf slapp í gegnum niðurskurðinn

Ólöf María Jónsdóttir, kylfingur úr Keili í Hafnarfirði, keppir nú á næst síðasta mótinu í Evrópumótaröð kvenna en það fer fram á Kokkedal-vellinum í Danmörku. Hún lék á 70 höggum í dag og er samtals á þremur höggum yfir pari og slapp í gegnum niðurskurðinn. Hún er í 40.-49. sæti eftir keppni dagsins en alls komust 65 kylfingar í gegnum niðurskurðinn.

Sport 2. september 2005 00:01

Ólöfu gengur illa í Danmörku

Kylfingurinn Ólöf María Jónsdóttir lék í dag fyrsta hringinn á alþjóðlega golfmótinu sem fram fer í Kokkedal í Danmörku. Ólöf lék á 5 höggum yfir pari og er sem stendur í 71-96 sæti. Mótið er liður í evrópsku mótaröðinni. Lora Fairclough frá Englandi hefur forystu eftir fyrsta hringinn á 7 höggum undir pari.

Sport 1. september 2005 00:01

Rose enn með forystu

Englendingurinn Justin Rose er enn með forystuna á Buick meistaramótinu í bandarísku mótaröðinni í golfi. Forysta Rose er aðeins eitt högg en var fjögur eftir tvo hringi. Bandararíkjamaðurinn Ben Curtis er í öðru sæti ellefu undir pari en mótinu lýkur í kvöld.

Sport 28. ágúst 2005 00:01

Donald og Rumford efstir

Englendingurinn Luke Donald og Ástralinn Brett Rumford voru efstir og jafnir á tólf höggum undir pari eftir 36 holur á sterku móti í Munchen í Þýskalandi í Evrópumótaröð kylfinga. Svíinn Niclas Fasth er sem stendur með forystuna á 13 undir eftir að hafa leikið á 64 höggum í dag.

Sport 27. ágúst 2005 00:01

Ólöf náði sér ekki á strik í gær

Kylfingurinn Ólöf María Jónsdóttir náði sér ekki nægilega vel á strik á fyrstu tveimur hringjunum á Opna finnska meistaramótinu í Helsinki um helgina, en hún lék á ellefu höggum yfir pari vallarins.

Sport 27. ágúst 2005 00:01

Ólöf María í 92-95 sæti

Ólöf María Jónsdóttir er sem stendur í 92 til 95 sæti á finnska meistaramótinu í golfi í kvennamótaröð Evrópu. Hún lauk öðrum hring sínum rétt áðan á sex yfir pari á 77 höggum en fresta varð leik í gær vegna veðurs.

Sport 27. ágúst 2005 00:01

Rose með forystu á Buick mótinu

Justin Rose frá Englandi er með fjögurra högga forystu á Buick meistaramótinu í bandarísku mótaröðinni í golfi. Rose er tólf undir pari eftir 36 holur. Bandaríkjamennir Kevin Sutherland og Ben Curtis eru jafnir í öðru sæti. Rose lék á 63 höggum í gær en þessi 25 ára Englendingur hefur ekki unnið á mótaröðinni Bandarísku.

Sport 27. ágúst 2005 00:01

Woods landaði sigri á Nec mótinu

Besti kylfingur heims, Bandaríkjamaðurinn Tiger Woods, sigraði á NEC heimsmótinu í golfi í Akron í Ohio í gærkvöldi en leikið var á Firestone vellinum.

Sport 22. ágúst 2005 00:01

Woods og Perry efstir á NEC-mótinu

Bandaríkjamennirnir Tiger Woods og Kenny Perry hafa forystu fyrir lokahringinn á NEC-mótinu í golfi í Akron í Ohio í Bandaríkjunum. Þeir eru báðir á sjö höggum undir pari. Vegna rigningar var keppni stöðvuð í þrjár klukkustundir og síðan var henni frestað. Enn hafa því ekki allir kylfingarnir lokið þriðja hring.

Sport 21. ágúst 2005 00:01

Donald og Woods efstir í Akron

Englendingurinn Luke Donald og Bandaríkjamaðurinn Tiger Woods hafa foryrstu þegar keppni er hálfnuð á NEC Invitational-mótinu í golfi í Akron í Ohio. Báðir eru á fjórum höggum undir pari. Woods tapaði tveimur höggum á síðustu holunni í gærkvöldi þegar hann skaut boltanum beint í tré.

Sport 20. ágúst 2005 00:01

Singh og Woods með forystu NEC

Tveir stigahæstur kylfingar heims, Tiger Woods og Vijay Singh, hafa forystu á NEC Invitationalmótinu í golfi í Akron í Ohio. Þeir léku á 66 höggum eða 4 undir pari. Það sama gerði sænski kylfingurinn Henrik Stenson. Stenson lék feykivel framan af og var á 6 höggum undir pari þegar 4 holur voru eftir.

Sport 19. ágúst 2005 00:01

Langt frá sínu besta

Íslensku keppendurnir á Evrópumótinu í golfi voru langt frá sínu besta á fyrsta keppnisdegi en Íslandsmeistarinn Heiðar Davíð Bragason stóð sig best og lék á tveimur höggum yfir pari og er í 45 til 58. sæti, en mótið fer fram í Belgíu.

Sport 18. ágúst 2005 00:01

PGA meistaramótið hafið á ný

PGA meistaramótið í golfi sem frestað var vegna veðurs í gær er hafið á nýjan leik og bein útsending er frá mótinu á Sýn. Phil Mickelson frá Bandaríkjunum er með forsytu  á samtals 4 höggum undir pari og er hann í síðasta hollinu ásamt Davis Love III á 14. holu. Steve Elkington frá Ástralíu og Daninn Thomas Björn koma næstir á 3 höggum undir pari.

Sport 15. ágúst 2005 00:01

Mickelson PGA meistari

Phil Mickelson sigrði rétt í þessu á PGA Meistaramótinu í golfi á fjórum höggum undir pari. Mickelson fékk fugl á síðustu holunni og tryggði sér þar með sigurinn. Daninn Thomas Bjorn og Ástralinn Steve Elkington urðu jafnir í öðru sæti, höggi á eftir Mickelson.

Sport 15. ágúst 2005 00:01

GR og GKj meistarar í sveitakeppni

Kvennalið Golfklúbbs Reykjavíkur og karlalið Golfklúbbsins Kjalar í Mosfellsbæ urðu í gær Íslandsmeistarar í sveitakeppni í golfi. GR sigraði Golfklúbinn Keili í úrslitum með tveimur vinningum gegn einum en Kjalarmenn höfðu betur í baráttu við Golfklúbb Reykjavíkur í karlaflokki, sigruðu með þremur vinningum gegn tveimur.

Sport 15. ágúst 2005 00:01

Mickelson tapar höggi.

Phil Mickelson og Steve Elkington eru jafnir og efstir á PGA mótinu í golfi á þremur höggum undir pari. Elkington á eina holu eftir en Mickelson tvær, mótið er í beinni á Sýn.

Sport 15. ágúst 2005 00:01

Keppni hætt vegna veðurs

Keppni á PGA-Meistaramótinu í golfi var frestað um klukkan ellefu í kvöld vegna þrumuveðurs á Baltusrol-vellinum í New Jersey og hefur verið ákveðið að hefja leik aftur á morgun. Sjónvarpsstöðin Sýn mun vera með beina útsendigu á morgun og hefst útsending klukkan 14:00. Þegar leik var hætt var Phil Mickelson frá Bandaríkjunum með forsytu.

Sport 14. ágúst 2005 00:01

Michelsen og Love jafnir og efstir

Það stefnir í spennandi keppni á lokadegi PGA - stórmeistaramótsins í golfi sem fram fer í New Jersey. Phil Michelson og Davis Love III eru efstir og jafnir á sex höggum undir pari.

Sport 14. ágúst 2005 00:01

Phi Mickelson efstur - Tiger slapp

Bandaríkjamaðurinn Phil Mickelson lék á 65 höggum í dag og er efstur eftir tvo hringi á  PGA-Meistaramótinu í golfi. Hann er samtals á 8 höggum undir pari og hefur þriggja högga forskot á Jerry Kelly sem er í öðru sæti. Þrír kylfingar deila þriðja sætinu, þeir Rory Sabbatini, Davis Love III og Lee Westwood, á 4 höggum undir pari.

Sport 13. ágúst 2005 00:01

Woods byrjar illa á PGA

Tiger Woods, stigahæsti kylfingur heims, byrjaði ekki vel á PGA-meistaramótinu í golfi sem hófst á Baltusrol-vellinum í New Jersey í gærkvöld. Tiger lék fyrsta hringinn á fimm höggum yfir pari og er í 113. sæti, en 97 af hundrað stigahæstu kylfingum heims taka þátt í mótinu.

Sport 12. ágúst 2005 00:01

Ragnhildur og Ottó Íslandsmeistar

Kylfingurinn Ragnhildur Sigurðardóttir sigraði Þórdísi Geirsdóttur í úrslitaleik Íslandsmótsins í holukeppni í dag og varði þar með titil sinn. Í karlaflokki sigraði Ottó Sigurðsson GKG Pétur Óskar Sigurðsson.

Sport 8. ágúst 2005 00:01

Holukeppnin hófst í morgun

Undanúrslitaleikirnir um Íslandsmeistaratitil karla og kvenna í holukeppni í golfi hófust á Hvaleyrarvelli í morgun. Í gær varð að fresta keppni vegna veðurs. Í undanúrslitum í karlaflokki mætast Stefán Már Stefánsson og Pétur Óskar Sigurðsson úr GR og þá eigast við Magnús Lárusson úr GKJ og Óttó Sigurðsson úr GKG.

Sport 8. ágúst 2005 00:01

Ólöfu Maríu gengu illa í dag

Ólöf María Jónsdóttir er í 34.-39. sæti á oOpna norræna mótinu í golfi í Barsebäck í Svíþjóð. Eftir 13 holur í dag er Ólöf María á sjö höggum yfir pari og því samtals á 16 höggum yfir pari. Annika Sörenstam hefur forystu, er á pari eftir 6 holur í dag og samtals á fjórum höggum undir pari.

Sport 7. ágúst 2005 00:01

Ólöf lék á 20 yfir pari

Ólöf María Jónsdóttir hafnaði í 45.-49. sæti á Opna norræna mótinu í golfi í Barsebäck í Svíþjóð. Ólöfu gekk afar illa í dag og lék samtals á á 20 höggum yfir pari og því samtals á 308 höggum. Hins sænska Annika Sörenstam sigraði mótið á 4 höggum undir pari og Natalie Gulbis frá Bandaríkjunum varð önnur á 3 undir pari.

Sport 7. ágúst 2005 00:01

Beckman með forystu í Colorado

Bandaríkjamaðurinn Cameron Beckman hefur forystu á Internacional-mótinu í golfi í Castle Rock í Colorado. Spilað er eftir Stableford-fyrirkomulagi og er Beckman með 23 punkta en jafnir einum punkti á eftir eru landar hans Billy Mayfair, Charles Howell og Brand Jobe. Spilaðar verða 36 holur í dag. Sýnt verður beint frá mótinu á Sýn í kvöld.

Sport 7. ágúst 2005 00:01

Holukeppni frestað vegna roks

Vegna hvassviðris var undanúrslitum um Íslandsmeistaratitilinn í holukeppni í golfi frestað í morgun. Ávörðun verður tekin í hádeginu um framhaldið. Pétur Óskar Sigurðsson og Stefán Már Stefánsson, báðir úr GR, og Magnús Lárusson, GKJ, og Ottó Sigurðsson, GKG, keppa í undanúrslitum í karlaflokki. Í kvennaflokki mætir Ragnhildur Sigurðardóttir, GR, Nínu Björku Geirsdóttur, GKJ, og Þórdís Geirsdóttir, Keili, keppir við Önnu Lísu Jóhannsdóttur.

Sport 7. ágúst 2005 00:01

Mest lesið