Um land allt - Flugdellufólkið byggir bústað við flugbraut
Kristján Már heimsækir flugáhugamenn í Fljótshlíðinni. Bóndasonurinn Árni í Múlakoti fékk flugbakteríuna fyrir sextíu árum, eignaðist flugvél og gerði eigin flugvöll. Smásaman myndaðist þar athvarf einkaflugmanna og nú er þar hverfi flugskýla og sumarbústaða þeirra sem elska að fljúga. Þar er árlega haldin ein helsta flughátíð landsins og þar sést stundum á lofti elsta fljúgandi vél íslenska flugflotans. Þar deila menn kræfum flugsögum í frístundum.
