Íþróttir

Watford yfir í háfleik gegn Leeds

Watford er yfir gegn Leeds, 1-0 þegar flautað hefur verið til hálfleiks í viðureign liðanna um laust sæti í ensku úrvalsdeildinni í knattspyrnu. Jay DeMerit skoraði eina mark leiksins á 25. mínútu en leikið er á Þúsaldarvellinum í Cardiff undir lokuðu þaki.

Sport 21.5.2006 14:50

Etoo markakóngur á Spáni

Kamerúninn Samúel Etoo varð markakóngurinn í spænska fótboltanum. Evrópu og Spánarmeistarar Barcelona máttu þola ósigur, 3-1 fyrir Athletic Bilbao í síðasta leiknum í spænsku úrvalsdeildinni.

Sport 21.5.2006 14:31

Nýr golfvöllur tekinn í notkun

Golfklúbbur Kópavogs og Garðabæjar tók í dag formlega í notkun nýjan golfvöll í Leirdal sem er 9 holu viðbót við golfvöll klúbbsins við Vífilsstaði. Bæjarstjórar Kópavogs og Garðabæjar afhentu Golfklúbbi GKG völlinn til afnota og undirrituðu í leiðinni viljayfirlýsingu um áframhaldandi stuðning við golfklúbbinn.

Sport 21.5.2006 14:19

Watford eða Leeds í úrvalsdeildina

Leeds og Watford keppa í dag um réttinn til þess að spila í ensku úrvalsdeildinni á næstu leiktíð en úrslitaleikur liðanna hófst nú kl 14. Leikurinn fer fram á Þúsaldarvellinum í Cardiff og er sýndur beint á Sýn. Gylfi Einarsson er ekki í leikmannahópi Leeds.

Sport 21.5.2006 14:12

Eiður Smári í skiptum fyrir Nistelrooy?

Enska dagblaðið News of the World greinir frá því í dag að fótboltaliðin Chelsea og Manchester United skipti hugsanlega á leikmönnum. Samkvæmt blaðinu er Eiður Smári Guðjohnsen á leið til Manchester United en hollenski sóknarmaðurinn hjá United, Ruud van Nistelrooy fer í staðinn til Chelsea.

Sport 21.5.2006 12:36

Jafnt á Skaganum

Nú stendur yfir leikur Skagamanna og KR-inga á Akranesi. Leikurinn hófst klukkan 16. Staðan er 1-1.. Guðmundur Gunnarsson kom KR yfir skömmu fyrir miðjan hálfleikinn en skömmu síðar jafnaði Arnar Gunnlaugsson metin úr vítaspyrnu. Leikurinn er sýndur beint á Sýn.

Sport 20.5.2006 16:32

Blikar burstuðu Eyjamenn

Breiðablik vann ÍBV 4-1 í Landsbankadeild karla í knattspyrnu í Kópavoginum í dag. Eyjamenn náðu forystu á 21. mínútu þegar Johan Long skoraði beint úr hornspyrnu.

Sport 20.5.2006 16:30

Glæsimark Grétars tryggði KR sigur

Grétar Hjartarson skoraði sigurmark KR í 1-2 útisigri Vesturbæjarliðsins á ÍA í Landsbankadeild karla í knattspyrnu.

Sport 21.5.2006 02:53

Samkomulag um framtíð F1 í höfn

Bernie Ecclestone skrifaði í dag undir samkomulag við lið Renault, BMW, Mercedes, Honda og Toyota um að halda áfram keppni í heimsmeistaramótinu á næstu árum, en þessi lið höfðu hótað að draga sig úr keppni og stofna nýtt mót vegna almennrar óánægju með fyrirkomulag mótsins í núverandi mynd og vildu stærri hluta af innkomunni.

Sport 19.5.2006 20:29

Keflvíkingar stálu sigrinum í lokin

Keflvíkingar lögðu nýliða Víkings 2-1 á heimavelli sínum í Keflavík í kvöld og það var Stefán Örn Arnarson sem skoraði sigurmark liðsins í blálokin. Hólmar Örn Rúnarsson skoraði fyrsta mark leiksins á 40. mínútu, en Davíð Þór Rúnarsson jafnaði fyrir Víking á þeirri 69. Víkingur hefur því tapað tveimur fyrstu leikjum sínum í deildinni.

Sport 19.5.2006 21:25

Christiansen tryggði Fylki öll stigin

Það var mikil dramatík í Árbænum í kvöld þegar Fylkir lagði Grindavík 2-1 í Landsbankadeild karla í knattspyrnu. Grindvíkingar voru yfir í leikhléi, en Sævar Þór Gíslason jafnaði metin fyrir heimamenn úr víti á 86. mínútu og lagði svo upp sigurmarkið fyrir Christian Christiansen þegar þrjár mínútur voru komnar fram yfir venjulegan leiktíma. Grindvíkingar léku manni færri frá 65. mínútu.

Sport 19.5.2006 21:11

Grindavík hefur yfir í Árbænum

Nú er kominn hálfleikur í leikjunum tveimur sem standa yfir í annari umferð Landsbankadeildar karla í knattspyrnu. Grindvíkingar hafa yfir 1-0 gegn Fylki í Árbænum, þar sem Jóhann Þórhallsson skoraði mark gestanna á 32. mínútu og þar með sitt þriðja mark í sumar. Keflvíkingar hafa náð 1-0 forystu gegn nýliðum Víkings með marki frá Hólmari Erni Rúnarssyni á 40. mínútu.

Sport 19.5.2006 20:00

Tveir leikir í kvöld

Nú klukkan 19:15 hefjast fyrstu tveir leikirnir í annari umferð Landsbankadeildar karla í knattspyrnu og hægt er að fylgjast náið með gangi mála á Boltavaktinni hér á Vísi þar sem nýjustu tíðindi af leikjunum eru uppfærð um leið og þau gerast. Fylkir tekur á móti Grindavík í Árbænum og Keflvíkingar mæta nýliðum Víkings suður með sjó.

Sport 19.5.2006 19:09

Ernir í Val

Handknattleiksmaðurinn efnilegi Ernir Hrafn Arnarsson úr Aftureldingu í Mosfellsbæ er genginn til liðs við Valsmenn. Ernir skrifaði í dag undir þriggja ára samning við Reykjavíkurliðið, sem ætlar sér stóra hluti næsta vetur og lofuðu forráðamenn liðsins frekari liðsstyrk á næstunni á blaðamannafundi sem haldinn var af þessu tilefni í dag.

Sport 19.5.2006 19:00

Eiður Smári er til sölu

Jose Mouriho gaf það út í samtali við Sky-sjónvarpsstöðina í dag að Chelsea væri tilbúið að taka við kauptilboðum í landsliðsfyrirliðann Eið Smára Guðjohnsen. Mourinho segir Chelsea áfram hafa not fyrir hann, en segir að félagið muni þó athuga málið ef gott tilboð fæst í hann.

Sport 19.5.2006 18:22

Birgir Leifur á pari í Belgíu

Birgir Leifur Hafþórsson úr GKG er að leika samtals á pari á áskorendamótinu í Belgíu eftir að hann lauk keppni í dag á einu höggi undir pari í dag, 71 höggi og er kominn í gegn um niðurskurðin á mótinu. Birgir kláraði á 73 höggum í gær eða einu höggi yfir pari.

Sport 19.5.2006 18:03

Ólöf náði sér ekki á strik

Ólöf María Jónsdóttir náði sér ekki á strik á öðrum degi opna svissneska meistaramótsins í golfi í dag, en eftir að hafa leikið á tveimur höggum undir pari í gær, lauk hún keppni á sjö höggum yfir pari í dag. Ólöf komst fyrir vikið ekki í gegn um niðurskurðinn á mótinu.

Sport 19.5.2006 18:00

Grönholm í forystu

Finnski ökuþórinn Marcus Grönholm á Ford hefur forystu eftir fyrstu 6 sérleiðirnar í Sardínurallinu á Ítalíu sem hófst í dag. Grönholm hefur rúmrar hálfrar mínútu forskot á heimsmeistarann Sebastien Loeb á Citroen eftir að hafa unnið fjórar af sex fyrstu leiðunum á fyrsta keppnisdeginum.

Sport 19.5.2006 16:58

Danny Williams kemur inn fyrir Harrison

Þungavigtarhnefaleikarinn Danny Williams hefur samþykkt að koma í stað Scott Harrison á hnefaleikakvöldinu í Belfast á annað kvöld, en Harrison hætti við að keppa til að fara í áfengismeðferð. Williams mun hita upp fyrir annan bardaga sinn við Matt Skelton með því að berjast við lítt þekktan Þjóðverja.

Sport 19.5.2006 16:35

Slegist um Andy Johnson

Nú er útlit fyrir að nokkur úrvalsdeildarfélög muni há harða baráttu um að landa framherjanum Andy Johnson frá Crystal Palace í sumar eftir að liði hans tókst ekki að vinna sér sæti í úrvalsdeildinni á næstu leiktíð eins og til stóð. Everton hefur nú bæst í hóp Bolton og Wigan, sem talin eru ætla að bjóða allt að 7 milljónir punda í Johnson.

Sport 19.5.2006 15:51

Stórleikir í beinni á Sýn og NBA TV

Tveir leikir fara fram í úrslitakeppni NBA í kvöld og gefst íslenskum körfuboltaáhugamönnum tækifæri til að sjá þá báða í beinni útsendingu. Sjötti leikur Detroit og Cleveland verður í beinni á NBATV um miðnættið og sjötti leikur San Antonio og Dallas á Sýn klukkan 1:30.

Sport 19.5.2006 15:57

Ákvörðun Henry lykillinn að framtíðinni

Arsene Wenger segist hafa sett sér tvö markmið í vikunni og í dag náði hann öðru þeirra. Arsenal tókst ekki að vinna Barcelona í úrslitum meistaradeildarinnar, en Wenger segir að ákvörðun Thierry Henry um að framlengja samning sinn í dag hafi verið mikilvægari en að vinna meistaradeildina.

Sport 19.5.2006 15:24

Drogba verður ekki seldur

Jose Mourinho segir að ekki komi til greina að selja Fílabeinsstrandarmanninn Didier Drogba frá Chelsea, en framherjinn hefur látið það í ljós að undanförnu að hann vilji fara frá félaginu.

Sport 19.5.2006 13:09

Bruce verður áfram stjóri

Steve Bruce verður áfram knattspyrnustjóri Birmingham, þrátt fyrir að liðið hafi fallið í fyrstu deildina í vor. Þetta var staðfest á blaðamannafundi í Birmingham í dag og þar á bæ eru menn staðráðnir í að dvelja ekki nema eitt tímabil í næstefstu deild.

Sport 19.5.2006 13:01

Sigur hjá Napoli

Napoli, lið Jóns Arnórs Stefánssonar í ítölsku A-deildinni í körfuknattleik, vann í gær auðveldan sigur á Udine 107-87 í fyrsta leik liðanna í úrslitakeppninni þar í landi. Jón Arnór skoraði 8 stig í leiknum, en það lið sem fyrr vinnur þrjá leiki í einvíginu kemst áfram í næstu umferð.

Sport 19.5.2006 13:16

Thierry Henry semur við Arsenal

Thierry Henry hefur skrifað undir nýjan fjögurra ára samning við Arsenal og hefur þar með bundið enda á allar sögusagnir um að hann sé á leið til Barcelona á Spáni. Henry sagði að hjartað hefði ráðið ferðinni hjá sér og að hjartað hefði sagt honum að vera áfram hjá Arsenal.

Sport 19.5.2006 12:11

Oddaleikur hjá Phoenx og LA Clippers

Los Angeles Clippers knúði í nótt fram oddaleik í undanúrslitaeinvígi liðanna í Vesturdeildinni með 118-106 sigri á heimavelli sínum í sjötta leiknum í nótt. Bæði lið hafa því unnið þrjá leiki í einvíginu og hreinn úrslitaleikur verður í Phoenix á mánudagskvöldið.

Sport 19.5.2006 04:45

Jason Terry í eins leiks bann

Leikstjórnandinn Jason Terry hjá Dallas Mavericks missir af sjötta leik liðsins í einvíginu við meistara San Antonio á föstudagskvöld, eftir að hann var dæmdur í eins leiks bann fyrir að kýla fyrrum félaga sinn Michael Finley hjá San Antonio undir lok fimmta leiksins í fyrrinótt.

Sport 19.5.2006 01:24

Taylor dregur sig út úr viðræðum

Peter Taylor, knattspyrnustjóri Hull City og U-21 árs liðs Englendinga, hefur dregið sig út úr viðræðum við úrvalsdeildarliðið Charlton og því er ljóst að hann verður ekki næsti stjóri Lundúnaliðsins eins og margir höfðu spáð. Taylor sagðist ekki finna að það væri rétt ákvörðun að sækjast eftir starfinu og nú hefur Mick McCarthy, fyrrum stjóri Sunderland, verið orðaður við stöðuna.

Sport 18.5.2006 19:13

Terry lenti í átökum við Ballack

John Terry segist fagna komu þýska miðjumannsins Michael Ballack til Chelsea, en viðurkenndi í dag að þeir hefðu lent í riskingum fyrir leik Chelsea og Bayern Munchen í meistaradeildinni.

Sport 18.5.2006 16:57