Íþróttir

Fréttamynd

Celtic afhentur bikarinn í dag

Skotlandsmeisturum Glasgow Celtic var í dag afhentur meistarabikarinn í skosku úrvalsdeildinni eftir jafntefli á heimavelli gegn Hibernian. Celtic hafði reyndar tryggt sér titilinn í umferðinni á undan en það vantaði þó ekki að væri mikið um dýrðir á heimavelli liðsins þegar flautað var til leiksloka í dag.

Sport
Fréttamynd

Real niður í fjórða sætið

Stórlið Real Madrid er komið niður í fjórða sætið í spænsku úrvalsdeildinni eftir leiki dagsins. Helstu keppinautar Real um Meistaradeildarsætið, Osasuna og Valencia, héldu sínu striki um helgina - en Real varða að láta sér nægja jafntefli gegn spútnikliði Getafe í kvöld. Það var Julio Baptista sem kom Real yfir í leiknum sem sýndur var á Sýn, en heimamenn jöfnuðu metin undir lokin.

Sport
Fréttamynd

Valur tapaði stórt í Rúmeníu

Valsstúlkur töpuðu fyrri leik sínum við Tomis Constanta frá Rúmeníu stórt í dag 37-25 í Áskorendakeppni Evrópu í handknattleik. Síðari leikurinn verður hér heima um næstu helgi og ljóst að Valur á erfitt verkefni fyrir höndum ef liðið ætlar sér áfram í keppninni.

Sport
Fréttamynd

Enn skorar Fowler

Robbie Fowler skoraði fjórða mark sitt í fimm leikjum fyrir Liverpool í dag þegar liðið marði sigur á Blackburn á Ewood Park 1-0. Markið kom á 29. mínútu leiksins og voru leikmenn Blackburn ósáttir því þeim þótti markið ekki hafa átt að standa vegna rangstöðu. Þetta var sjöundi sigur Liverpool í röð í deildinni og nú vantar liðið aðeins eitt stig úr síðustu leikjunum til að tryggja sæti sitt í Meistaradeildinni á næstu leiktíð.

Sport
Fréttamynd

Útlitið dökknar enn hjá Birmingham

Aston Villa lagði granna sína í Birmingham 3-1 í ensku úrvalsdeildinni í dag og því er útlitið hjá lærisveinum Steve Bruce orðið heldur dökkt í fallbaráttunni. Milan Baros skoraði tvö mörk fyrir Aston Villa og Gary Cahill bætti við glæsilegu marki, en það var Chris Sutton sem minnkaði muninn fyrir Birmingham sem er enn þremur stigum frá því að bjarga sér frá falli í fyrstu deild.

Sport
Fréttamynd

Þorvaldur og Blíða sigra Þeir allra sterkustu

Þorvaldur Árni og Blíða frá Flögu sigruðu keppnina "þeir allra sterkustu" sem haldin var í Skautahöllinni í Laugardal í gærkveldi. Bergir Jónsson og Tjörvi frá Ketilsstöðum sigruðu stóðhestakeppnina.

Sport
Fréttamynd

Við erum ekki sloppnir enn

Harry Redknapp var hógvær eftir sigur sinna manna í Portsmouth á Middlesbrough í dag, en liðið komst með sigrinum þremur stigum frá fallsvæðinu. Portsmouth hefur unnið fjóra af sex síðustu leikjum sínum og virðist sannarlega líklegra til að bjarga sér frá falli en Birmingham eða West Brom eins og staðan er í dag.

Sport
Fréttamynd

Fimmti titill Lyon í röð

Frönsku meistararnir Lyon tryggðu sér í dag fimmta meistaratitil sinn í röð þegar helstu keppinautar þeirra Bordeaux töpuðu 3-2 fyrir Lille. Lyon er í efsta sæti deildarinnar með 75 stig eftir 33 leiki, en Bordeaux hefur spilað 34 leiki og hefur aðeins 61 stig. Lærisveinar Gerard Houllier eru því franskir meistarar enn eina ferðina.

Sport
Fréttamynd

Öruggur sigur Njarðvíkinga

Njarðvíkingar burstuðu Skallagrím 107-76 í dag og hafa því náð 2-1 forystu í einvíginu um Íslandsmeistaratitilinn. Brenton Birmingham var stigahæsti leikmaður vallarins og skoraði 32 stig fyrir Njarðvíkinga, þar af 8 þriggja stiga körfur, og Jeb Ivey kom næstur með 24 stig. Hjá Skallagrími var Jovan Zdravevski stigahæstur með 17 stig og George Byrd skoraði 16 stig. Næsti leikur er í Borgarnesi á mánudagskvöldið, en sá leikur verður einnig sýndur í beinni útsendingu á Sýn.

Sport
Fréttamynd

Miklir yfirburðir Njarðvíkinga

Njarðvíkingar eru að valta yfir Borgnesinga í þriðja leik liðanna um Íslandsmeistaratitilinn í körfubolta, en staðan í Njarðvík eftir þrjá leikhluta er 87-64. Það má því væntanlega fara að slá því föstu að Njarðvíkingar fari með sigur af hólmi í dag og geti því tryggt sér titilinn í Borgarnesi á mánudagskvöldið.

Sport
Fréttamynd

Wenger hrósaði Bergkamp

Arsene Wenger var mjög sáttur við frammistöðu sinna manna í sigrinum á West Brom í dag, en liðið náði að yfirvinna jöfnunarmark örvæntingarfullra gestanna seint í leiknum og vinna með tveggja marka mun. Hollendingurinn fljúgandi, Dennis Bergkamp, sýndi að hann er ekki dauður úr öllum æðum og skoraði glæsilegt mark sem innsiglaði sigur heimamanna rétt fyrir leikslok.

Sport
Fréttamynd

Við erum ekki farnir að dansa ennþá

Jose Mourinho er enn með báða fætur á jörðinni þrátt fyrir að hans menn þurfi aðeins fjögur stig úr síðustu fjórum leikjum sínum til að tryggja sér annan Englandsmeistaratitilinn í röð, en hann tók sér þó tíma til að hrósa fyrirliða sínum eftir sigurinn á Bolton í dag.

Sport
Fréttamynd

Sheffield United í úrvalsdeild

Sheffield United tryggði sér í dag veru í ensku úrvalsdeildinni á næsta tímabili og það án þess að stíga inn á völlinn. Leeds náði aðeins jafntefli við Reading og það þýðir að Sheffield United fer beint upp í úrvalsdeild, en Leeds þarf í umspil. Sheffield United lék síðast á meðal þeirra bestu fyrir tólf árum síðan. Ívar Ingimarsson spilaði allan tímann með Reading og Brynar Björn Gunnarsson kom inn í lið Reading á síðustu mínútunum sem varamaður.

Sport
Fréttamynd

Njarðvík með örugga forystu

Njarðvíkingar eru heldur betur í stuði á heimavelli sínum gegn Skallagrími í þriðja leik liðanna í úrslitaeinvíginu um Íslandsmeistaratitilinn í körfuknattleik. Njarðvík hefur yfir 60-37 í hálfleik og fram að þessu er eins og aðeins eitt lið sé á vellinum. Þeir Brenton Birmingham (23 stig) og Jeb Ivey hafa til að mynda skorað samtals 10 þriggja stiga körfur í hálfleiknum og fátt í stöðunni sem bendir til annars en að Njarðvíkingar séu að ná yfirhöndinni í einvíginu. Leikurinn er sýndur beint á Sýn.

Sport
Fréttamynd

Barátta Lundúnaliðanna heldur áfram

Nú stefnir í æsilegan lokasprett milli erkifjendanna í norðurhluta Lundúna, Arsenal og Tottenham um sæti í Meistaradeildinni á næsta keppnistímabili. Bæði lið unnu leiki sína í dag og eiga eftir að mætast innbyrðis á lokasprettinum. Þá vann Portsmouth gríðarlega mikilvægan sigur í botnbaráttunni.

Sport
Fréttamynd

Lyon hyggst fá Drogba í sumar

Franska knattspyrnufélagið Lyon er á höttunum eftir Didier Drogba, sóknarmanni Chelsea og ætlar að freista þess að fá hann til liðs við sig í sumar. Jean-Michel Aulas, forseti Lyon segir í viðtali við The Sun í dag að það sé ýmislegt sem gefi til kynna félaginu takist að fá Drogba í sumar.

Sport
Fréttamynd

Biður stuðningsmennina afsökunar

Bob Murray, stjórnarformaður Sunderland, hefur beðið stuðningsmenn liðsins afsökunar á afleitu gengi þess í vetur. Sunderland féll formlega úr úrvalsdeildinni í gær þegar það gerði jafntefli við Manchester United, en örlög félagsins voru í raun ráðin fyrir óralöngu því Sunderland var með áberandi lakastan árangur allra liða í deildinni í vetur.

Sport
Fréttamynd

Chelsea með aðra höndina á titlinum

Chelsea tók enn eitt skrefið í dag og er nú með aðra höndina á enska meistaratitlinum í fótbolta eftir 0-2 útisigur á Bolton í í dag. John Terry og Frank Lampard skoruðu mörk Chelsea á 44. mínútu og 59 mínútu. Chelsea er nú með 9 stiga forskot á toppi deildarinnar þegar fjórar umferðir eru eftir og getur tryggt sér titilinn á mánudaginn með sigri á Everton. Eiður Smári Guðjohnsen var ekki í leikmannahópi Chelsea í dag, annan leikinn í röð.

Sport
Fréttamynd

Mark Hughes hefur áhuga á Fowler

Mark Hughes, knattspyrnustjóri Blackburn hefur látið í ljós áhuga sinn á að næla í framherjann Robbie Fowler frá Liverpool ef hann nær ekki að krækja sér í áframhaldandi samning við þá rauðu.

Sport
Fréttamynd

Silja sigraði í grindahlaupi á móti í USA

Hlaupagarpurinn og frjálsíþróttakonan úr FH, Silja Úlfarsdóttir vann sigur í 400 metra grindahlaupi sem fram fór í Knoxville í Tennessee í Bandaríkjunum í gærkvöldi. Silja hljóp á 57.93 sekúndum sem er 1.31 sek frá persónulegu meti hennar í greininni.

Sport
Fréttamynd

Eiður ekki með gegn Bolton

Eiður Smári Guðjohnsen er ekki í leikmannahópi Chelsea sem heimsækir Bolton í ensku úrvalsdeildinni í knattspyrnu í dag en leikur liðanna hófst á Rebook stadium nú fyrir hádegið. Þetta er annar leikurinn í röð hjá Chelsea þar sem Eiður er ekki í hópnum hans Jose Mourinho en ekki er sérstaklega vitað til þess að um veikindi eða meiðsli sé að ræða í tilfelli Eiðs.

Sport
Fréttamynd

Ásthildur Helgadóttir situr fyrir svörum

Ein besta knattspyrnukona sem Ísland hefur alið situr fyrir svörum hjá Fréttablaðinu og á Vísir.is í dag. Á forsíðu Vísis hefur verið hægt að senda spurningar á Ásthildi sem hún hefur nú svarað og afraksturinn má lesa hér á Vísi og í Fréttablaðinu í dag.

Sport
Fréttamynd

Óraunhæfar væntingar á Rooney

Sir Alex Ferguson hjá Manchester United var ekki í góðu skapi eftir jafnteflið dýra við Sunderland í gærkvöldi, en það þýddi að vonir United um að ná Chelsea eru orðnar mjög litlar, rétt eins og vonir Sunderland um að halda sér í úrvalsdeildinni. Ferguson benti á að leikurinn í gær hefði undirstrikað að Englendingar gætu ekki hengt vonir sínar um að sigra á HM í herðarnar á tvítugum pilti.

Sport
Fréttamynd

Barcelona með aðra höndina á titlinum

Barcelona hélt sínu striki í titilvörninni á Spáni með góðum 1-0 sigri á Villareal í gær og hefur því 14 stiga forystu á Valencia og Real Madrid, sem þó eiga leik til góða. Aðeins fimm umferðir eru eftir í spænsku úrvalsdeildinni. Það var Kamerúninn Samuel Eto´o sem skoraði sigurmark Barcelona á 11. mínútu leiksins í gær, hans 24. í vetur.

Sport
Fréttamynd

Ben Gordon skaut Washington í kaf

Chicago Bulls heldur dauðahaldi í áttunda sætið í Austurdeildinni í NBA eftir nauman en gríðarlega mikilvægan sigur á Washington Wizards í nótt 103-101. Ben Gordon var maðurinn á bak við sigur Chicago, en hann skoraði 32 stig í leiknum og hitti úr öllum níu þriggja stiga skotum sínum sem er jöfnun á NBA meti Latrell Sprewell frá árinu 2003.

Sport
Fréttamynd

Skeifudagur á Hvanneyri

Þann 22. apríl verður haldinn hinn árlegi Skeifudagur við Landbúnaðarháskóla Íslands á Hvanneyri. Þennan dag, eins og verið hefur um áratuga skeið, kynna nemendur í hrossarækt árangur vetrarstarfsins. Morgunblaðsskeifan verður afhend þennan dag en hún er veitt fyrir bestan árangur í tamninga- og reiðkennslunámi vetrarins.

Sport
Fréttamynd

Þetta var ekki gáfulegt hjá honum

Harry Redknapp var mjög ánægður með að ná jafntefli við Arsenal í ensku úrvalsdeildinni í kvöld eftir að hans menn lentu undir snemma leiks, en hann var ekki jafn hrifinn af markaskorara sínum Lomana Lua Lua, sem sneri sig á ökkla og þurfti að fara meiddur af velli eftir heljarstökkin sín frægu í fangaðarlátunum.

Sport
Fréttamynd

Óvæntur stórsigur Espanyol

Espanyol varð í kvöld spænskur bikarmeistari eftir að liðið vann stórsigur á Real Zaragoza 4-1 á Santiago Bernabeu vellinum í Madrid. Espanyol komst yfir strax á annari mínútu leiksins og sigur liðsins var í raun aldrei í hættu eftir það, þó ekki hefði liðið áberandi yfirburði á vellinum. Sigurinn tryggir Espanyol sæti í Evrópukeppni félagsliða á næstu leiktíð. Leikurinn var sýndur beint á Sýn Extra.

Sport
Fréttamynd

Roma mætir Inter í úrslitum

Roma tryggði sér í kvöld sæti í úrslitum ítölsku bikarkeppninnar þegar liðið lagði Palermo 1-0 á heimavelli sínum. Það var gamla kempan Damiano Tommasi sem skoraði sigurmark Rómverja á 30. mínútu. Roma tapaði fyrri leiknum 2-1 en kemst áfram á marki skoruðu á útivelli. Liðið mætir Inter Milan í úrslitum keppninnar.

Sport
Fréttamynd

Yao Ming gæti misst úr hálft ár

Carroll Dawson, framkvæmdastjóri Houston Rockets, segir að kínverski miðherjinn Yao Ming þurfi að gangast undir uppskurð eftir að hann fótbrotnaði í leik gegn Utah Jazz í fyrrinótt og verði væntanlega frá keppni í fjóra til sex mánuði í kjölfarið. Þetta þýðir að Ming verður varla kominn almennilega í gang með liði Houston á ný fyrr en halla tekur í næstu jól.

Sport

Mest lesið