Innlent

Verður meðal stærstu verkalýðsfélaga landsins

Stofnfundur nýs sameinaðs verkalýðsfélags, Félags járniðnaðarmanna og Vélstjórafélags Íslands, verður um helgina. Um fjögur þúsund manns verða í félaginu sem verður meðal stærstu verkalýðsfélaga landins.

Kristján Þór vill leiða í Norðausturkjördæmi

Kristján Þór Júlíusson, bæjarstjóri á Akureyri, sækist eftir að leiða lista Sjálfstæðisflokksins fyrir komandi kosningar í Norðausturkjördæmi. Hann er sá þriðji sem lýsir því yfir að hann vilji leiða listann. Kristján tilkynnti þetta á aðalfundi fulltrúaráðs sjálfstæðisfélaganna á Akureyri í kvöld.

Google kaupir YouTube

Netleitarfyrirtækið Google hefur keypt YouTube sem er netsíða þar sem ýmsu afþreyingar myndbandsefni er dreift. Kaupverðið er um eitt hundrað milljarðar íslenskra króna.

Sjálfstæðisflokkurinn sakaður um pólitískar njósnir

Sjálfstæðisflokkurinn var á Alþingi í dag sakaður um pólitískar njósnir. Formaður Vinstri-grænna segir að gróflega hafi verið brotin mannréttindi á friðarsinnum og vinstri mönnum af pólitískum andstæðingum þeirra og opinbert fé hafi verið misnotað í því skyni. Dómsmálaráðherra kynnti á föstudag fyrir ríkisstjórn og í dag fyrir formönnum þingflokka, tillögur um öryggislögreglu.

Íslenska ríkisstjórnin fordæmir kjarnorkutilraunir

Kim Jong-Il, leiðtogi Norður-Kóreu, virðist orðinn algerlega einangraður eftir atburði næturinnar. George Bush Bandaríkjaforseti segir ljóst að Norður-Kóreu verði refsað fyrir að hafa gengið gegn vilja alls alþjóðasamfélagins. Íslenska ríkisstjórnin hefur sent stjórnvöldum í Norður-Kóreu yfirlýsingu þar sem tilraunin er fordæmd.

Fjölga þarf plássum að Sogni

Siv Friðleifsdóttir heilbrigðisráðherra segir að bæta þurfi við þrettán plássum við Réttargeðdeildina að Sogni. Unnið er að frumhönnun nýs húss sem byggja á á svæðinu.

Breytingarnar munu skerða kjör bænda

Haraldur Benediktsson, formaður Bændasamtakanna, segir aðgerðir ríkisstjórnarinnar, til lækkunar matarverðs, ganga heldur lengra en bændur höfðu búist við. Hann segir tillögurnar skerða kjör bænda verulega.

Sjúkdómsvæðing hegðunarvandamála

Hegðunarvandi íslenskra barna hefur margfaldast á síðustu tíu árum, segir deildarstjóri Miðgarðs í Grafarvogi. Nýlegar tillögur heilbrigðisráðherra munu ýta undir sjúkdómsvæðingu hegðunarvandamála barna.

Vörugjöldin hverfa og vaskurinn lækkar í 7%

Matarreikningur heimilanna lækkar um tugi þúsunda á ári þegar tillögur ríkisstjórnarinnar um aðgerðir til að lækka matarverð taka gildi. Virðisaukaskattur á allan mat lækkar niður í sjö prósent og vörugjöld heyra sögunni til frá fyrsta mars á næsta ári.

Umhverfisstofnun getur gert betur

Meginmarkmið stjórnvalda með stofnun Umhverfisstofnunar hafa aðeins að hluta náð fram að ganga. Þetta kemur fram í stjórnsýsluúttekt Ríkisendurskoðunar á Umhverfisstofnun.

Ríkisútvarpið hættir við að stefna 365 og Góðu fólki

Ríkisútvarpið, 365 og Gott fólk hafa gert með sér sátt vegna breytinga og afbökunar á auglýsingum 365 á auglýsingum Ríkisútvarpsins. Í framhaldi af því hefur Ríkisútvarpið afturkallað stefnu sína gegn 365 og Góðu fólki.

Starfshópur telur þörf á öryggis- og greiningarþjónustu

Starfshópur um öryggismál telur að stofna þurfi öryggis- og greiningarþjónustu hjá embætti ríkislögreglustjóra. Björn Bjarnason, dóms- og kirkjumálaráðherra, kynnti ríkisstjórninni tillögur starfshópsins á föstudaginn.

Möguleg leyniþjónustustarfsemi á vegum stjórnvalda

Möguleg leyniþjónustustarfsemi á vegum stjórnvalda verður rædd utan dagskrár á Alþingi í dag. Málshefjandi er Steingrímur J. Sigfússon en dómsmálaráðherra, Björn Bjarnason, verður til andsvara. Umræðan stendur í eina og hálfa klukkustund og verður hún send beint út hér á Vísi. Útsendingin hefst klukkan 15:30

Spáir Dagsbrún sigri í dönsku fríblaðastríði

Kanar hugsuðu vel um gæludýr sín

Langtíma þjónustuáætlun fyrir geðfatlaða

Höfðu ekki undan að gifta ásatrúarfólk

16 ára með hass á Akureyrarflugvelli

Friðarsúla sem lýsir að eilífu

Myndlistarkonan og friðarsinninn Yoko Ono staðfestir í dag áform sín um friðarsúluna sem rísa á í Viðey. Áætlað er að kveikja á súlunni að ári liðnu, 9. október 2007 en dagurinn í dag er fæðingardagur Johns Lennons. Súlan mun lýsa í nafni friðar.

RÚV í viðræðum um EM 2008

Ríkisútvarpið er komið í formlegar viðræður um kaup á sýningarrétti á Evrópukeppninni í knattspyrnu 2008 sem fram fer í Sviss og Austurríki. Sýn og Skjá­sport sóttust einnig eftir réttinum, en nú stefnir allt í að RÚV hreppi hnossið.

Dómssátt ólíkleg niðurstaða

Málsaðilar í máli Jónínu Benediktsdóttur gegn 365 fjölmiðlum íhuga nú möguleika á dómsátt. Málið höfðaði Jónína vegna umfjöllunar DV um samband hennar við Styrmi Gunnarsson, ritstjóra Morgunblaðsins, með fyrirsögninni: Þau voru elskendur.

Sjálfstæðismenn stilla upp

Ákveðið hefur verið að stilla upp á lista Sjálfstæðisflokksins í Norðvesturkjördæmi fyrir alþingiskosningarnar í vor. Þetta var samþykkt á þingi kjördæmaráðs flokksins um helgina.

Aðeins lítill hluti af heildinni

Davíð Egilsson, forstjóri Umhverfisstofnunar, segir fimmtíu tonn af Hrafntinnu, sem tekin voru á friðlýstu svæði við Hrafntinnusker til þess að nota við klæðningu Þjóðleikhússins, vera aðeins lítið brot af því magni sem er að finna á Hrafntinnu við Hrafntinnusker.

Hús brann til kaldra kola

Engin slys urðu á fólki er eldur braust út í íbúðarhúsi á bænum Búlandi skammt frá Hjalteyri í Eyjafirði í gær. Fjölskyldan í húsinu vaknaði upp við hljóð í reykskynjara og tókst að koma sér út úr húsinu og varð ekki meint af.

Hrannar bar sigur úr býtum

Skákmót var haldið í Ráðhúsinu í gær í tilefni af Alþjóða geðheilbrigðisdeginum. Hrannar Baldursson bar sigur úr býtum en hann keppti fyrir hönd Hróksins. Þórður Harðarson sigraði í flokki sextíu ára og eldri, Elsa María Þorfinnsdóttir í flokki barna þrettán til átján ára og hinn ungi Dagur Ragnarsson í flokki tólf ára og yngri.

Grbavica uppgötvun ársins

Alþjóðlegri kvikmyndahátíð í Reykjavík lauk á laugardaginn með pomp og prakt og voru verðlaun veitt í hinum ýmsu flokkum. Aðalverðlaun hátíðarinnar sem nefnast „uppgötvun ársins“ gengu til bosnísku kvikmyndarinnar Grbavica eftir Jasmila Zbanic. Það var formaður dómnefndar, Niki Karimi, sem veitti verðlaunin en Grbavica heitir eftir samnefndu hverfi í Bosníu og er raunsætt drama um eftirstríðsárin í Bosníu.

Vill leiða lista

Katrín Jakobsdóttir hefur ákveðið að gefa kost á sér í fyrsta sæti vinstri grænna í Reykjavíkurkjördæmum og Suðvesturkjördæmi. Forval flokksins mun fara fram 2. desember næstkomandi og mun þá koma í ljós hvort Katrín muni leiða annan hvorn þessara lista.

Með minni háttar meiðsl

Rúmlega fertugur maður slapp lítið meiddur eftir að hafa ekið bifreið sinni út af á Reykjanesbraut í fyrrinótt. Slökkvilið höfuðborgarsvæðisins var kallað til þar sem klippa þurfti manninn út úr bifreiðinni en hún valt utan vegar.