200 grömm af hassi í pósti

Rúmlega tvítugur maður var handtekinn eftir að hafa móttekið póstsendingu með um 200 grömmum af hassi á pósthúsinu á Flateyri í fyrradag. Fíkniefnahundur fann hassið við hefðbundið eftirlit á póstdreifingarmiðstöðinni í Reykjavík. Sendingin var merkt manninum og var henni fylgt eftir til Flateyrar. Lögreglan á Ísafirði fór fram á gæsluvarðhald yfir manninum í gær vegna rannsóknarhagmuna en dómarinn tók sér frest þar til í dag til að úrskurða um gæsluvarðhaldið.