Edwards vinælasta varaforsetaefnið 30. júní 2004 00:01 Fjórir mánuðir eru til forsetakosninga í Bandaríkjunum. George W. Bush og John Kerry eru nánast hnífjafnir samkvæmt skoðanakönnunum. Mikið veltur á vali frambjóðendanna á varaforsetaefni. Rúmlega sjötíu prósent aðspurðra í könnun CNN, USA Today og Gallup vildu fá Edwards sem varaforsetaefni en næstur kom fulltrúadeildarþingmaður Dick Gephardt með 64% fylgi. Landsþing Demókrataflokksins verður haldið í Boston í júlílok og þar mun John Kerry formlega taka við útnefningu flokksins sem forsetaframbjóðandi. Eigi síðar en þá mun verða ljóst hver verður varaforsetaefni Kerrys. Þeir Edwards og Gephardt sóttust báðir eftir útnefningu Demókrataflokksins í forkosningum síðastliðinn vetur og veitti Edwards Kerry harða keppni lengst af. Kerry hefur verið fámáll um val sitt á varaforsetaefni en þeir Edwards munu hafa átt einkafund um málið í Washington í síðustu viku. Forsetakosningar verða haldnar vestanhafs laugardaginn 6. nóvember og allt útlit er fyrir að þær verði álíka tvísýnar og kosningarnar fyrir fjórum árum er George W. Bush bar sigurorð af Al Gore. Samkvæmt nýjustu fylgiskönnunum eru þeir Bush og Kerry nánast hnífjafnir meðal þeirra sem líklegir eru til að kjósa. Mælist Bush nú með 49 prósenta fylgi en Kerry 48 prósent. Framboð neytendafrömuðarins Ralphs Nader virðist taka fylgi frá báðum frambjóðendum, þótt fréttaskýrendur séu flestir á einu máli um að framboð hans bitni meira á Kerry. Á síðustu vikum hefur Kerry náð nokkru forskoti á Bush þegar kemur að persónulegum vinsældum. Nú segjast 58 prósent kunna vel við Kerry en vinsældir Bush hafa dvínað verulega að undanförnu og segjast 53 prósent kunna vel við hann. Utanríkismál hafa sjaldan skipt verulegu máli í forsetakosningum í Bandaríkjunum en vegna baráttunnar gegn alþjóðlegum hryðjuverkum og stríðsins í Írak er talið að utanríkismál muni hafa meira vægi en oft áður. Sex af hverjum tíu segjast treysta Kerry sem yfirmanni bandaríska heraflans en samanburðurinn við Bush er Kerry þó óhagstæður, því 51 prósent treystir Bush betur á meðan 43 prósent treysta Kerry betur en Bush. Þátttakendur í skoðanakönnunum telja að Kerry muni hafa betri stjórn á efnahagsmálum en Bush og nýtur Kerry þar trausts 53 prósenta á meðan einungis 40 prósent treysta forsetanum í þeim efnum. Þessi mikli munur er sérstaklega athyglisverður í ljósi þess að flestir kjósendur segjast leggja mesta áherslu á efnahagsmálin þegar kemur að vali forsetaefnis. Í ljósi þess hve mjótt er á mununum milli frambjóðendanna í skoðanakönnunum mun val þeirra á varaforseta skipta verulega miklu máli. Kerry þarf nauðsynlega að bæta stöðu sína meðal hvítra Suðurríkjamanna, sem hafa stutt demókrata lengst af þrátt fyrir landlæga íhaldssemi. Bush tókst vel upp á þessum slóðum í síðustu kosningum, þar sem Al Gore þótt of frjálslyndur fyrir þennan kjósendahóp. Það sem talið er vinna á móti Kerry við að ná þessum hópi er að hann er frjálslyndur yfirstéttardemókrati frá Nýja-Englandi, eins og Michael Dukakis sem keppti við George Bush eldri árið 1988 og tapaði. Suðurríkjamaðurinn John Edwards nýtur hins vegar mikil fylgis í Suðurríkjunum og hafði í sumum ríkjunum meira fylgi en Kerry í forkosningunum. Segja má að baráttan um forsetaembættið milli Bush og Kerrys hefjist af fullum þunga að loknu landsþingi Demókrataflokksins sem hefst í Boston 26. júlí. Kerry hefur tuttugu og sex daga til að velja sér varaforsetaefni. Á því vali kann að velta hvort hann verður 44. forseti Bandaríkjanna. Samkvæmt skoðanakönnunum í Bandaríkjunum nýtur öldungadeildarþingmaðurinn John Edwards mestrar hylli sem varaforsetaefni Johns Kerry, frambjóðanda demókrata í forsetakosningunum, sem fram fara í nóvember. Erlent Fréttir Stj.mál Mest lesið „Mér að mæta“ ef krossar yrðu fjarlægðir Innlent Hlé vegna gagna frá ChatGPT Innlent Trump gerði lítið úr æðstu heiðursorðu bandarískra hermanna Erlent „Það er komið að skuldadögum“ Innlent Sérsveitin kölluð til í Urriðaholti Innlent Óttast að tapa bestu flúðum landsins í virkjun Innlent Katrín gerir upp framboðið og safnar heitum Innlent Pétur Jökull hljóti að vera einstaklega óheppinn Innlent Þriggja daga heitavatnsleysi í næstu viku Innlent Segir verkfræðinga á villigötum Innlent Fleiri fréttir Trump gerði lítið úr æðstu heiðursorðu bandarískra hermanna Rússar saka Nató og Vesturlönd um aðild að áhlaupi Úkraínumanna Landtökumenn á Vesturbakkanum kveiktu í húsum og bifreiðum Dóttir Thaksin verður yngsti forsætisráðherra Taílands Apabóla greinist í Svíþjóð Úkraínumenn hafa náð valdi yfir Súdsja Gæsluvarðhald yfir Paul Watson framlengt Tólf ára fangelsi fyrir að styrkja Úkraínu um þúsundkalla Sagðir hafa lagt á ráðin um skemmdarverkin á Nord Stream í ölæði Óttast aukna útbreiðslu sýklalyfjaónæmra lekandabaktería Gena Rowlands er látin Neyðarástandi lýst yfir vegna apabólu í hluta Afríku Rannsaka innbrot og mögulega vatnsmengun á herstöð í Þýskalandi Nýfæddir tvíburar létust í sprengjuárás á meðan faðirinn brá sér frá Úkraínumenn halda sókn sinni handan landamæranna áfram Fjögurra daga gamlir tvíburar drepnir í árás Ísraela Segja sjónvarpsáskrift koma í veg fyrir lögsókn vegna dauðsfalls SÞ fordæma ógegnsæi í kosningunum í Venesúela Erlendir þrjótar reyna að brjótast inn til Harris og Trump „Hélt ég væri að fara að drepast. Þú heyrir i sprengjunni koma“ Forsætisráðherra Japan sækist ekki eftir endurkjöri Handtökuskipun gefin út vegna Nord Stream skemmdarverkanna Hamas segjast ekki munu senda fulltrúa til viðræðna á morgun Hafa ekki í hyggju að halda Kúrsk Tugir þúsunda létust af völdum hita í Evrópu Mannréttindastjóri gagnrýnir óhóflega beitingu valds í Venesúela Gera sér ekki mat úr lekanum úr framboði Trump Netanyahu og Gallant í hár saman undir hótunum frá Íran Maður ákærður fyrir stunguárás á ellefu ára stúlku í Lundúnum í gær Fyrsta dauðfallið staðfest í eldunum á Grikklandi Sjá meira
Fjórir mánuðir eru til forsetakosninga í Bandaríkjunum. George W. Bush og John Kerry eru nánast hnífjafnir samkvæmt skoðanakönnunum. Mikið veltur á vali frambjóðendanna á varaforsetaefni. Rúmlega sjötíu prósent aðspurðra í könnun CNN, USA Today og Gallup vildu fá Edwards sem varaforsetaefni en næstur kom fulltrúadeildarþingmaður Dick Gephardt með 64% fylgi. Landsþing Demókrataflokksins verður haldið í Boston í júlílok og þar mun John Kerry formlega taka við útnefningu flokksins sem forsetaframbjóðandi. Eigi síðar en þá mun verða ljóst hver verður varaforsetaefni Kerrys. Þeir Edwards og Gephardt sóttust báðir eftir útnefningu Demókrataflokksins í forkosningum síðastliðinn vetur og veitti Edwards Kerry harða keppni lengst af. Kerry hefur verið fámáll um val sitt á varaforsetaefni en þeir Edwards munu hafa átt einkafund um málið í Washington í síðustu viku. Forsetakosningar verða haldnar vestanhafs laugardaginn 6. nóvember og allt útlit er fyrir að þær verði álíka tvísýnar og kosningarnar fyrir fjórum árum er George W. Bush bar sigurorð af Al Gore. Samkvæmt nýjustu fylgiskönnunum eru þeir Bush og Kerry nánast hnífjafnir meðal þeirra sem líklegir eru til að kjósa. Mælist Bush nú með 49 prósenta fylgi en Kerry 48 prósent. Framboð neytendafrömuðarins Ralphs Nader virðist taka fylgi frá báðum frambjóðendum, þótt fréttaskýrendur séu flestir á einu máli um að framboð hans bitni meira á Kerry. Á síðustu vikum hefur Kerry náð nokkru forskoti á Bush þegar kemur að persónulegum vinsældum. Nú segjast 58 prósent kunna vel við Kerry en vinsældir Bush hafa dvínað verulega að undanförnu og segjast 53 prósent kunna vel við hann. Utanríkismál hafa sjaldan skipt verulegu máli í forsetakosningum í Bandaríkjunum en vegna baráttunnar gegn alþjóðlegum hryðjuverkum og stríðsins í Írak er talið að utanríkismál muni hafa meira vægi en oft áður. Sex af hverjum tíu segjast treysta Kerry sem yfirmanni bandaríska heraflans en samanburðurinn við Bush er Kerry þó óhagstæður, því 51 prósent treystir Bush betur á meðan 43 prósent treysta Kerry betur en Bush. Þátttakendur í skoðanakönnunum telja að Kerry muni hafa betri stjórn á efnahagsmálum en Bush og nýtur Kerry þar trausts 53 prósenta á meðan einungis 40 prósent treysta forsetanum í þeim efnum. Þessi mikli munur er sérstaklega athyglisverður í ljósi þess að flestir kjósendur segjast leggja mesta áherslu á efnahagsmálin þegar kemur að vali forsetaefnis. Í ljósi þess hve mjótt er á mununum milli frambjóðendanna í skoðanakönnunum mun val þeirra á varaforseta skipta verulega miklu máli. Kerry þarf nauðsynlega að bæta stöðu sína meðal hvítra Suðurríkjamanna, sem hafa stutt demókrata lengst af þrátt fyrir landlæga íhaldssemi. Bush tókst vel upp á þessum slóðum í síðustu kosningum, þar sem Al Gore þótt of frjálslyndur fyrir þennan kjósendahóp. Það sem talið er vinna á móti Kerry við að ná þessum hópi er að hann er frjálslyndur yfirstéttardemókrati frá Nýja-Englandi, eins og Michael Dukakis sem keppti við George Bush eldri árið 1988 og tapaði. Suðurríkjamaðurinn John Edwards nýtur hins vegar mikil fylgis í Suðurríkjunum og hafði í sumum ríkjunum meira fylgi en Kerry í forkosningunum. Segja má að baráttan um forsetaembættið milli Bush og Kerrys hefjist af fullum þunga að loknu landsþingi Demókrataflokksins sem hefst í Boston 26. júlí. Kerry hefur tuttugu og sex daga til að velja sér varaforsetaefni. Á því vali kann að velta hvort hann verður 44. forseti Bandaríkjanna. Samkvæmt skoðanakönnunum í Bandaríkjunum nýtur öldungadeildarþingmaðurinn John Edwards mestrar hylli sem varaforsetaefni Johns Kerry, frambjóðanda demókrata í forsetakosningunum, sem fram fara í nóvember.
Erlent Fréttir Stj.mál Mest lesið „Mér að mæta“ ef krossar yrðu fjarlægðir Innlent Hlé vegna gagna frá ChatGPT Innlent Trump gerði lítið úr æðstu heiðursorðu bandarískra hermanna Erlent „Það er komið að skuldadögum“ Innlent Sérsveitin kölluð til í Urriðaholti Innlent Óttast að tapa bestu flúðum landsins í virkjun Innlent Katrín gerir upp framboðið og safnar heitum Innlent Pétur Jökull hljóti að vera einstaklega óheppinn Innlent Þriggja daga heitavatnsleysi í næstu viku Innlent Segir verkfræðinga á villigötum Innlent Fleiri fréttir Trump gerði lítið úr æðstu heiðursorðu bandarískra hermanna Rússar saka Nató og Vesturlönd um aðild að áhlaupi Úkraínumanna Landtökumenn á Vesturbakkanum kveiktu í húsum og bifreiðum Dóttir Thaksin verður yngsti forsætisráðherra Taílands Apabóla greinist í Svíþjóð Úkraínumenn hafa náð valdi yfir Súdsja Gæsluvarðhald yfir Paul Watson framlengt Tólf ára fangelsi fyrir að styrkja Úkraínu um þúsundkalla Sagðir hafa lagt á ráðin um skemmdarverkin á Nord Stream í ölæði Óttast aukna útbreiðslu sýklalyfjaónæmra lekandabaktería Gena Rowlands er látin Neyðarástandi lýst yfir vegna apabólu í hluta Afríku Rannsaka innbrot og mögulega vatnsmengun á herstöð í Þýskalandi Nýfæddir tvíburar létust í sprengjuárás á meðan faðirinn brá sér frá Úkraínumenn halda sókn sinni handan landamæranna áfram Fjögurra daga gamlir tvíburar drepnir í árás Ísraela Segja sjónvarpsáskrift koma í veg fyrir lögsókn vegna dauðsfalls SÞ fordæma ógegnsæi í kosningunum í Venesúela Erlendir þrjótar reyna að brjótast inn til Harris og Trump „Hélt ég væri að fara að drepast. Þú heyrir i sprengjunni koma“ Forsætisráðherra Japan sækist ekki eftir endurkjöri Handtökuskipun gefin út vegna Nord Stream skemmdarverkanna Hamas segjast ekki munu senda fulltrúa til viðræðna á morgun Hafa ekki í hyggju að halda Kúrsk Tugir þúsunda létust af völdum hita í Evrópu Mannréttindastjóri gagnrýnir óhóflega beitingu valds í Venesúela Gera sér ekki mat úr lekanum úr framboði Trump Netanyahu og Gallant í hár saman undir hótunum frá Íran Maður ákærður fyrir stunguárás á ellefu ára stúlku í Lundúnum í gær Fyrsta dauðfallið staðfest í eldunum á Grikklandi Sjá meira