Arsenal staðfesta áhuga á Vieira

Forráðamenn Arsenal staðfestu í morgun að ítalska liðið Juventus hefði mikinn áhuga á að fá franska miðjumanninn Patrick Vieira í sínar raðir. Orðrómur þess efnis hefur staðið yfir alla síðustu viku en það var fyrst í morgun sem Peter Hill-Wood, stjórnarformaður Arsenal, staðfesti að formleg fyrirspurn hefði átt sér stað. "Við höfum sagt Vieira frá því að Juventus hefur rætt við okkur og þetta er nú komið í hans hendur. Við viljum ekki missa hann þar sem það yrði afar erfitt að leysa hann af, en þetta er spurning um hvað hann vill gera," sagði Hill-Wood.