Sao Paulo S-Ameríkumeistari

Sao Paulo, frá Brasilíu, sigraði í gær í Suður Ameríku keppni félagsliða eða Copa Libertadores keppninni í knattspyrnu. Þeir sigruðu Atletico Parananense,sem einnig eru frá Brasilíu , 4-0 í seinni leik liðanna en Sao Paulo vann einnig fyrri leik liðanna. Markvörður Sao Paulo, Rogerio Ceni, skoraði enn eina ferðina og í þetta skipið skoraði hann fyrsta mark liðsins beint úr aukaspyrnu af 30 metra færi. Ceni var markahæsti leikmaður liðsins í keppninni með fimm mörk, þar af þrjú beint úr aukaspyrnum og tvö úr vítum.