Verðbólga minnkaði fyrir utan Noreg 13. október 2006 11:45 Verðbólga í Svíþjóð, sem er stærsta hagkerfi Norðurlandanna, minnkaði í september og mælist nú 1 prósent. Þetta er fjórði mánuðurinn í röð sem dregur úr verðbólgu þar í landi. Verðbólgan minnkaði sömuleiðis í Danmörku en jókst í Noregi. Greiningardeild Glitnis segir í Morgunkorni sínu í dag að meginástæðan minni verðbólgu í Svíþjóð sé lækkun olíuverðs. Kostnaður við samgöngur hafi lækkað verulega samhliða lækkun á olíuverði undanfarna mánuði. Seðlabankinn í Svíþjóð hefur hækkað vexti fjórum sinnum á þessu ári og eru stýrivextir nú 2,5 prósent. Talsmenn bankans hafa gefið í skyn að vextir verði hækkaðir frekar á þessu ári. Alþjóðagjaldeyrissjóðurinn spáir því að hagvöxtur verði 4 prósent í Svíþjóð á næsta ári. Verðbólga í Danmörku minnkaði einnig í september og mælist 1,5 prósent. Olíuverð á hlut að máli en einnig jókst framleiðni. Greiningardeildin segir minni líkur nú en áður taldar á ofhitnun danska hagkerfisins þrátt fyrir að atvinnuleysi hafi ekki mælst minna í um 30 ár. Þá hefur innflutningur á ódýrum vörum frá Kína aukist og kemur það í veg fyrir hækkun á neysluvörum. Danski seðlabankinn hækkaði vexti nýlega og eru þeir nú 3,5 prósent í samræmi við hækkun stýrivaxta hjá evrópska seðlabankanum. Búist er við frekari vaxtahækkun á Evrusvæðinu og má því gera ráð fyrir hækkun í Danmörku fyrir árslok. Alþjóðagjaldeyrissjóðurinn spáir 2,3 prósenta hagvexti í landinu á þessu ári en 0,4 prósentustiga minni hagvexti á næsta ári. Á sama tíma jókst verðbólga í Noregi og er hún nú 2,6 prósent. Norski seðlabankinn hélt stýrivöxtum óbreyttum í síðasta mánuði eftir fimm hækkanir frá því í júní í fyrra en stýrivextir bankans eru nú 3 prósent. Alþjóðagjaldeyrissjóðurinn spáir 2,4 prósenta hagvexti í Noregi á þessu ári en 2,8 prósenta hagvexti á því næsta og er þetta eina landið í Evrópu sem sjóðurinn spáir auknum hagvexti á milli ára. Fjármálaráðuneytið í Noregi spáir hagvexti fyrir hagkerfið fyrir utan olíuiðnaðinn og skipaiðnaðinn. Ný spá frá þeim sem kom út í síðustu viku gerir ráð fyrir 3,4 prósenta hagvexti á þessu ári og 2,9 prósenta hagvexti á næsta ári. Erlent Fréttir Viðskipti Mest lesið Sér ekki vaxtalækkun í kortunum fyrr en í nóvember Viðskipti innlent Ritúalið verður að Skjóli Viðskipti innlent Kaupum meira og meira þrátt fyrir mikla verðbólgu Neytendur Reiknar með því að Bónus sjái Prís sem áskorun Neytendur Lágvöruverðsverslunin Prís opnar í dag Neytendur Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Verðstríð að hefjast á matvörumarkaði Neytendur Engin hópuppsögn í júlí Viðskipti innlent Öllu starfsfólki kollagenvinnslu í Grindavík sagt upp Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Verðbólga í Svíþjóð, sem er stærsta hagkerfi Norðurlandanna, minnkaði í september og mælist nú 1 prósent. Þetta er fjórði mánuðurinn í röð sem dregur úr verðbólgu þar í landi. Verðbólgan minnkaði sömuleiðis í Danmörku en jókst í Noregi. Greiningardeild Glitnis segir í Morgunkorni sínu í dag að meginástæðan minni verðbólgu í Svíþjóð sé lækkun olíuverðs. Kostnaður við samgöngur hafi lækkað verulega samhliða lækkun á olíuverði undanfarna mánuði. Seðlabankinn í Svíþjóð hefur hækkað vexti fjórum sinnum á þessu ári og eru stýrivextir nú 2,5 prósent. Talsmenn bankans hafa gefið í skyn að vextir verði hækkaðir frekar á þessu ári. Alþjóðagjaldeyrissjóðurinn spáir því að hagvöxtur verði 4 prósent í Svíþjóð á næsta ári. Verðbólga í Danmörku minnkaði einnig í september og mælist 1,5 prósent. Olíuverð á hlut að máli en einnig jókst framleiðni. Greiningardeildin segir minni líkur nú en áður taldar á ofhitnun danska hagkerfisins þrátt fyrir að atvinnuleysi hafi ekki mælst minna í um 30 ár. Þá hefur innflutningur á ódýrum vörum frá Kína aukist og kemur það í veg fyrir hækkun á neysluvörum. Danski seðlabankinn hækkaði vexti nýlega og eru þeir nú 3,5 prósent í samræmi við hækkun stýrivaxta hjá evrópska seðlabankanum. Búist er við frekari vaxtahækkun á Evrusvæðinu og má því gera ráð fyrir hækkun í Danmörku fyrir árslok. Alþjóðagjaldeyrissjóðurinn spáir 2,3 prósenta hagvexti í landinu á þessu ári en 0,4 prósentustiga minni hagvexti á næsta ári. Á sama tíma jókst verðbólga í Noregi og er hún nú 2,6 prósent. Norski seðlabankinn hélt stýrivöxtum óbreyttum í síðasta mánuði eftir fimm hækkanir frá því í júní í fyrra en stýrivextir bankans eru nú 3 prósent. Alþjóðagjaldeyrissjóðurinn spáir 2,4 prósenta hagvexti í Noregi á þessu ári en 2,8 prósenta hagvexti á því næsta og er þetta eina landið í Evrópu sem sjóðurinn spáir auknum hagvexti á milli ára. Fjármálaráðuneytið í Noregi spáir hagvexti fyrir hagkerfið fyrir utan olíuiðnaðinn og skipaiðnaðinn. Ný spá frá þeim sem kom út í síðustu viku gerir ráð fyrir 3,4 prósenta hagvexti á þessu ári og 2,9 prósenta hagvexti á næsta ári.
Erlent Fréttir Viðskipti Mest lesið Sér ekki vaxtalækkun í kortunum fyrr en í nóvember Viðskipti innlent Ritúalið verður að Skjóli Viðskipti innlent Kaupum meira og meira þrátt fyrir mikla verðbólgu Neytendur Reiknar með því að Bónus sjái Prís sem áskorun Neytendur Lágvöruverðsverslunin Prís opnar í dag Neytendur Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Verðstríð að hefjast á matvörumarkaði Neytendur Engin hópuppsögn í júlí Viðskipti innlent Öllu starfsfólki kollagenvinnslu í Grindavík sagt upp Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira