Tímabilið búið hjá Joe Cole

Nánast engar líkur eru á að enski landsliðsmaðurinn Joe Cole komi við sögu hjá Chelsea það sem eftir lifir tímabilsins. Þetta staðfesti Jose Mourinho, stjóri liðsins, eftir jafnteflið gegn Fulham í gær.

"Joe Cole á við nánast endalaus meiðsli að stríða, hann verður örugglega frá það sem eftir er vetrar. Hann þarf að taka ákvörðun um hvort hann vill fara í aðgerð eða ekki. Læknirinn okkar mælir með aðgerð en ákvörðunin er undir honum komin," sagði Mourinho.