Jónas Guðni: Gríðarlega sáttir

Jónas Guðni Sævarsson, fyrirliði KR, var kampakátur eftir 2-0 sigur liðsins á Fjölni nú í kvöld.

,,Við lögðum leikinn þannig upp að við ætluðum að mæta grimmir til leiks og pressa þá hátt. Það heppnaðist virkilega vel. Við erum langbestir þegar við höldum boltanum og látum hann ganga," sagði Jónas.

,,Við vissum að skyndisóknir Fjölnismanna eru stórhættulegar og við lögðum áherslu á að stöðva þær. Það heppnaðist vel og við erum gríðarlega sáttir við frammistöðu okkar."