Guðjón: Menn eru „signaðir“, seldir eða reknir

Bjarni Guðjónsson skrifaði í gærkvöld undir fjögurra og hálfs árs samning við KR og fer því frá uppeldisfélagi sínu fljótlega á eftir föður sínum Guðjóni sem rekinn var á dögunum.

Vísir náði tali af Guðjóni Þórðarsyni og spurði hann út í félagaskipti Bjarna.

„Ég fagna því að Bjarni skuli fara í KR sem er flott félag. Raunveruleikinn í knattspyrnuheiminum í dag er sá að menn eru „signaðir", seldir eða reknir. Þannig er það nú bara," sagði Guðjón Þórðarson.