Skáldastígur verði verndaður

Skipulagsráð Reykjavíkur hefur samþykkt að breyta deiliskipulagi og setja kvöð á lóðirnar Mjóstræti 4 og Garðastræti 15 til að tryggja umferð um svokallaðan Skáldastíg sem liggur að hinu sögufræga Unuhúsi.

Eigendur lóðanna hafa um langt árabil leyft umferð um stíginn en leitað samvinnu við borgaryfirvöld um framtíð hans.

„Einnig er lagt til að stígurinn verði merktur báðum megin frá, til dæmis með skiltum þannig að sagan glatist ekki,“ segir í tillögu sem samþykkt var. - gar