Leigubíll ók inn á bensínstöð

Leigubíll ók inn í verslun N1 við Hringbraut um klukkan sex í morgun með þeim afleiðingum að glerbrotum ringdi inn í verslunina og yfir bílinn. Leigubíllinn braut margra metra háa rúðu og staðnæmdist á rammgerðum standi undir borði, rétt innan við gluggan. Tveir viðskiptavinur voru í versluninni, ásamt starfsfólki, en engin meiðsl urðu á fólki. Bílstjórinn er einnig óslasaður. Eftir því sem næst verður komist steig hann óvart á bensíngjöfina í stað bremsu þegar hann ætlaði að nema staðar við bensínstöðina.