Porsche hlýtur Gullstýrið í ár

Evrópsku bílaverðlaunin „Gullstýrið 2010“ komu nýverið í hlut sportjeppans Porsche Cayenne í flokki jepplinga.

250 þúsund lesendur kusu á milli tilnefndra bíla í vali útgáfufélagsins Springer-Verlag. Nýjasta útgáfa þessa vinsæla sportjeppa er sögð hafa heillað lesendur með fagurri hönnun og miklu notagildi, að ótöldu hámarksafli og þeirri akstursánægju sem hafa má af bílum Porsche.

Um 40 milljón lesendum Auto Bild, Bild am Sonntag og 26 annarra evrópskra bílablaða var boðið að taka þátt í valinu. - óká