Ræða Jóns Gnarr: Þjóðin er eins og fjölskylda alkóhólista 15. desember 2010 09:07 Jón Gnarr hélt tilfinningaþrungna ræðu við aðra umræðu um fjárlög borgarinnar í gær „Það má líkja þjóðinni við fjölskyldu alkóhólista sem búinn var að vera fullur samfleytt í mörg ár. Hann var stórhuga, sérstaklega þegar hann var búinn að fá sér nokkra," sagði Jón Gnarr borgarstjóri í ræðu sem hann hélt í gær þar sem fjárhagsáætlun Reykjavíkurborgar fyrir næsta ár var til umræðu. Þar blasir við gríðarlegur niðurskurður eins og annars staðar á landsvísu. Jón heldur áfram með líkinguna: „Hann hafði kjaftinn fyrir neðan nefið og var óhræddur við að segja mönnum til syndanna. Menn báru óttablandna virðingu fyrir honum. Hann keypti hesta á fæti og flaug til útlanda til að borða kvöldmat, bara ef honum langaði til þess. Hann var víkingur og hraustmenni. "Ég hlusta ekki á neitt helvítis kjaftæði!" voru hans einkunnarorð. Og fjölskyldan treysti honum. Að hluta til vegna þess að flestum fannst vænt um hann þrátt fyrir drykkjuna og brestina, (hann var svo líkur pabba sínum) og að hluta til vegna þess að margir voru einfaldlega hræddir við að mótmæla honum, hræddir við að vera teknir á teppið. Svo voru nokkrir í fjölskyldunni sem voru hreinlega farnir að velta því fyrir sér að kannski væri hann bara einhverskonar snillingur, ekki geðveikur alkohólisti heldur hreinlega algjörlega brilljant og sæi eitthvað sem venjulegt almúgafólk hefði ekki gáfur til að koma auga á. Það reyndist leiðinlegur misskilningur. Allt veldi hans var byggt á kjaftagangi, klækjum og blekkingum. Hann faldi gluggaumslögin. Hann tók lán hjá okurlánurum þegar annað brást. Í örvæntingu sinni fór hann meira að segja með sparifé fjölskyldunnar í spilavíti til að reyna að dobbla það. Á endanum gat hann ekki meira og játaði andlegt, líkamlegt og fjárhagslegt hrun. Og svo fór hann í meðferð. En eftir sat fjölskyldan ráðvillt, ringluð og reið. Gluggaumslögin byrjuðu að hrúgast innum lúguna, rukkararnir fóru að hringja bjöllunni og allar hryllilegu afleiðingar drykkjunnar komu betur og betur í ljós. Mjög ósanngjarnt. Allur tíminn, allar vonirnar, öll athyglin sem hann saug til sín. Allt til einskis. Alkóhólistinn er ennþá í meðferð. Við vitum ekki hvort hann verður breyttur maður þegar hann kemur tilbaka. Við vitum ekki hvort hann hefur látið af hrokanum. Kannski er honum ekki viðbjargandi. Við vitum það ekki. Við vonum það auðvitað. En við getum ekki hugsað endalaust bara um hann. Við þurfum líka að hugsa um okkur. Ætlum við að halda áfram að vera reið? Ætlum við að halda áfram að ásaka hvert annað hás og finna okkar einu huggun í að tala um HANN og hvað HANN sé mikið helvítis fífl? Ætlum við að halda áfram að vera sjúkir aðstandendur og fórnarlömb? Ætlum við að halda áfram að tína það til sem aðskilur okkur, blása upp ágreininginn á milli okkar og sá tortryggni og misskilningi? Ætlum við að leyfa fortíðinni að stjórna lífi okkar? Erum við tilbúin til að hætta ásökunum? Erum við tilbúin til að hætta að sitja með krosslagðar hendur, samanherptar varir og heift í augunum? Ég held að flestir séu tilbúnir til þess. Ég held að flestir séu uppgefnir á þessu. Reiði brennir upp orku og skilur mann eftir örmagna. Sorg og vonleysi leiða til aðgerðarleysis og stöðnunar. Ótti lamar og telur manni trú um að maður geti ekki gert hluti sem maður færi annars létt með. Reiði er mannleg og lífsnauðsynleg á stundum, en ef hún safnast upp í manni verður hún að banvænu eitri sem sýkir hugann. Að hata er eins og að drekka eitur og bíða svo eftir því að einhver annar drepist." Ræða Jóns var mun lengri en hann verður heldur bjartsýnni þegar nær dregur lokum: „Ungfrú Reykjavík á framtíðina fyrir sér. Pabbi hennar var kannski alkohólisti og mamma hennar alltaf þreytt. En hún lætur það ekki á sig fá. Hún fyrirgefur allt, umber allt og teygir sig til ljóssins. Reykjavík hefur alla burði til að verða hreinasta, fallegasta, friðsamlegasta og skemmtilegasta borg í heimi; heimsþekkt fyrir mannúð, menningu, náttúru og frið; demantur sem okkur var falið að slípa og fægja." Ræðuna má lesa í heild sinni í Dagbók borgarstjóra. Mest lesið Geir Örn lést á Stuðlum Innlent Kosningavaktin: Íslendingar ganga að kjörborðinu Innlent Hafnað vegna of margra lækna og miðaldra karla Innlent Skoða hvort lög hafi verið brotin við rannsókn lögreglu Innlent Sonurinn áður stungið föður sinn í bakið Innlent Loka hjúkrunarheimilinu Roðasölum: „Ég er miður mín að lesa þetta“ Innlent Rósa Björk snýr aftur og Katrín á lista VG Innlent Ákærður fyrir ítrekuð brot gegn nákomnu stúlkubarni Innlent Ógnarstór loftsteinaárekstur eins og áburður fyrir líf á jörðinni Erlent Valdníðsla og hneyksli Innlent Fleiri fréttir Ásókn karla á lista Samfylkingarinnar geti reynst flokknum erfið Með í maganum og stígur út fyrir þægindarammann Fleiri vilja sjá Þórdísi eða Guðlaug leiða í stað Bjarna Augljóslega veikir einstaklingar verði veikari í fangelsi Aldrei fleiri manndráp á einu ári: „Þetta er uggvænleg þróun“ Ákærður fyrir ítrekuð brot gegn nákomnu stúlkubarni Tæplega þrjátíu börn í virku eftirliti Valdníðsla og hneyksli Kunnugleg andlit á lista Framsóknar í Norðvesturkjördæmi Metfjöldi manndrápsmála, æsispennandi kosningar og tónlist í beinni Rósa Björk snýr aftur og Katrín á lista VG Gerir engar kröfur um ráðherrastól Gerði ekki kröfu um oddvitasæti og fær annað sætið Hafnað vegna of margra lækna og miðaldra karla Dæmdur fyrir hatursorðræðu gegn Samtökunum '78 Dagur mun ekki skipa oddvitasæti í Reykjavík Ragna fær annað sætið í Reykjavík suður Viðgerðin á flugvél Gæslunnar kostaði 350 milljónir króna Þrúgandi þögn fyrir stóru ákvörðun Kristrúnar „Hættan af þessum mönnum var þekkt” Kynferðisofbeldi gegn börnum með notkun gervigreindar Fleiri dæmi um alvarlega árás á móður sína Gagnlegt að sjá hvernig Sjálfstæðisflokkurinn umgengst völd Páll leitar til ríkissaksóknara Beiðni um leyfi til hvalveiða liggur þegar fyrir Skoðaði hvað fólk gerði á Facebook án samþykkis Umsókn frá Kristjáni á borði Jóns og Bjarna Árásarmaðurinn á Dubliner fær ekki áheyrn í Hæstarétti Geir Örn lést á Stuðlum Loka Fjölskyldulandi í næstu viku Sjá meira
„Það má líkja þjóðinni við fjölskyldu alkóhólista sem búinn var að vera fullur samfleytt í mörg ár. Hann var stórhuga, sérstaklega þegar hann var búinn að fá sér nokkra," sagði Jón Gnarr borgarstjóri í ræðu sem hann hélt í gær þar sem fjárhagsáætlun Reykjavíkurborgar fyrir næsta ár var til umræðu. Þar blasir við gríðarlegur niðurskurður eins og annars staðar á landsvísu. Jón heldur áfram með líkinguna: „Hann hafði kjaftinn fyrir neðan nefið og var óhræddur við að segja mönnum til syndanna. Menn báru óttablandna virðingu fyrir honum. Hann keypti hesta á fæti og flaug til útlanda til að borða kvöldmat, bara ef honum langaði til þess. Hann var víkingur og hraustmenni. "Ég hlusta ekki á neitt helvítis kjaftæði!" voru hans einkunnarorð. Og fjölskyldan treysti honum. Að hluta til vegna þess að flestum fannst vænt um hann þrátt fyrir drykkjuna og brestina, (hann var svo líkur pabba sínum) og að hluta til vegna þess að margir voru einfaldlega hræddir við að mótmæla honum, hræddir við að vera teknir á teppið. Svo voru nokkrir í fjölskyldunni sem voru hreinlega farnir að velta því fyrir sér að kannski væri hann bara einhverskonar snillingur, ekki geðveikur alkohólisti heldur hreinlega algjörlega brilljant og sæi eitthvað sem venjulegt almúgafólk hefði ekki gáfur til að koma auga á. Það reyndist leiðinlegur misskilningur. Allt veldi hans var byggt á kjaftagangi, klækjum og blekkingum. Hann faldi gluggaumslögin. Hann tók lán hjá okurlánurum þegar annað brást. Í örvæntingu sinni fór hann meira að segja með sparifé fjölskyldunnar í spilavíti til að reyna að dobbla það. Á endanum gat hann ekki meira og játaði andlegt, líkamlegt og fjárhagslegt hrun. Og svo fór hann í meðferð. En eftir sat fjölskyldan ráðvillt, ringluð og reið. Gluggaumslögin byrjuðu að hrúgast innum lúguna, rukkararnir fóru að hringja bjöllunni og allar hryllilegu afleiðingar drykkjunnar komu betur og betur í ljós. Mjög ósanngjarnt. Allur tíminn, allar vonirnar, öll athyglin sem hann saug til sín. Allt til einskis. Alkóhólistinn er ennþá í meðferð. Við vitum ekki hvort hann verður breyttur maður þegar hann kemur tilbaka. Við vitum ekki hvort hann hefur látið af hrokanum. Kannski er honum ekki viðbjargandi. Við vitum það ekki. Við vonum það auðvitað. En við getum ekki hugsað endalaust bara um hann. Við þurfum líka að hugsa um okkur. Ætlum við að halda áfram að vera reið? Ætlum við að halda áfram að ásaka hvert annað hás og finna okkar einu huggun í að tala um HANN og hvað HANN sé mikið helvítis fífl? Ætlum við að halda áfram að vera sjúkir aðstandendur og fórnarlömb? Ætlum við að halda áfram að tína það til sem aðskilur okkur, blása upp ágreininginn á milli okkar og sá tortryggni og misskilningi? Ætlum við að leyfa fortíðinni að stjórna lífi okkar? Erum við tilbúin til að hætta ásökunum? Erum við tilbúin til að hætta að sitja með krosslagðar hendur, samanherptar varir og heift í augunum? Ég held að flestir séu tilbúnir til þess. Ég held að flestir séu uppgefnir á þessu. Reiði brennir upp orku og skilur mann eftir örmagna. Sorg og vonleysi leiða til aðgerðarleysis og stöðnunar. Ótti lamar og telur manni trú um að maður geti ekki gert hluti sem maður færi annars létt með. Reiði er mannleg og lífsnauðsynleg á stundum, en ef hún safnast upp í manni verður hún að banvænu eitri sem sýkir hugann. Að hata er eins og að drekka eitur og bíða svo eftir því að einhver annar drepist." Ræða Jóns var mun lengri en hann verður heldur bjartsýnni þegar nær dregur lokum: „Ungfrú Reykjavík á framtíðina fyrir sér. Pabbi hennar var kannski alkohólisti og mamma hennar alltaf þreytt. En hún lætur það ekki á sig fá. Hún fyrirgefur allt, umber allt og teygir sig til ljóssins. Reykjavík hefur alla burði til að verða hreinasta, fallegasta, friðsamlegasta og skemmtilegasta borg í heimi; heimsþekkt fyrir mannúð, menningu, náttúru og frið; demantur sem okkur var falið að slípa og fægja." Ræðuna má lesa í heild sinni í Dagbók borgarstjóra.
Mest lesið Geir Örn lést á Stuðlum Innlent Kosningavaktin: Íslendingar ganga að kjörborðinu Innlent Hafnað vegna of margra lækna og miðaldra karla Innlent Skoða hvort lög hafi verið brotin við rannsókn lögreglu Innlent Sonurinn áður stungið föður sinn í bakið Innlent Loka hjúkrunarheimilinu Roðasölum: „Ég er miður mín að lesa þetta“ Innlent Rósa Björk snýr aftur og Katrín á lista VG Innlent Ákærður fyrir ítrekuð brot gegn nákomnu stúlkubarni Innlent Ógnarstór loftsteinaárekstur eins og áburður fyrir líf á jörðinni Erlent Valdníðsla og hneyksli Innlent Fleiri fréttir Ásókn karla á lista Samfylkingarinnar geti reynst flokknum erfið Með í maganum og stígur út fyrir þægindarammann Fleiri vilja sjá Þórdísi eða Guðlaug leiða í stað Bjarna Augljóslega veikir einstaklingar verði veikari í fangelsi Aldrei fleiri manndráp á einu ári: „Þetta er uggvænleg þróun“ Ákærður fyrir ítrekuð brot gegn nákomnu stúlkubarni Tæplega þrjátíu börn í virku eftirliti Valdníðsla og hneyksli Kunnugleg andlit á lista Framsóknar í Norðvesturkjördæmi Metfjöldi manndrápsmála, æsispennandi kosningar og tónlist í beinni Rósa Björk snýr aftur og Katrín á lista VG Gerir engar kröfur um ráðherrastól Gerði ekki kröfu um oddvitasæti og fær annað sætið Hafnað vegna of margra lækna og miðaldra karla Dæmdur fyrir hatursorðræðu gegn Samtökunum '78 Dagur mun ekki skipa oddvitasæti í Reykjavík Ragna fær annað sætið í Reykjavík suður Viðgerðin á flugvél Gæslunnar kostaði 350 milljónir króna Þrúgandi þögn fyrir stóru ákvörðun Kristrúnar „Hættan af þessum mönnum var þekkt” Kynferðisofbeldi gegn börnum með notkun gervigreindar Fleiri dæmi um alvarlega árás á móður sína Gagnlegt að sjá hvernig Sjálfstæðisflokkurinn umgengst völd Páll leitar til ríkissaksóknara Beiðni um leyfi til hvalveiða liggur þegar fyrir Skoðaði hvað fólk gerði á Facebook án samþykkis Umsókn frá Kristjáni á borði Jóns og Bjarna Árásarmaðurinn á Dubliner fær ekki áheyrn í Hæstarétti Geir Örn lést á Stuðlum Loka Fjölskyldulandi í næstu viku Sjá meira