Geta styrkt WikiLeaks með kortum

Korthafar Visa og Mastercard geta nú aftur greitt styrki til WikiLeaks með greiðslukortum sínum í gegnum gagnafyrirtækið DataCell. Þetta kemur fram á DataCell í dag. Fyrir um sjö mánuðum síðan ákváðu forsvarsmenn Visa og Mastercard að koma í veg fyrir allar greiðslur til WikiLeaks vegna harðrar gagnrýni á starfsemi þeirra. Á vefsíðu DataCell kemur fram að þessi ákvörðun hafi verið tekin eftir að hótanir bárust um lögsókn gegn fyrirtækjunum fyrir aðgerðir þeirra.