Tveir gistu fangageymslur á Akureyri

Tveir fengu að gista fangageymslur lögreglunnar á Akureyri í nótt en þar fór fram Akureyrarvaka um helgina. Hátíðin tókst með eindæmum vel að sögn lögreglu og eru þeir sáttir við helgina.

Það breytir því ekki að nokkur ölvun var eftir að formlegri dagskrá lauk. Þannig gistu tveir geymslur lögreglu vegna ölvunar en annar þeirra reyndist einnig vera með lítilræði af kannabisefnum á sér.

Þá var eitthvað um pústra manna á milli en engar kærur hafa borist.