Steingrímur komst ekki til eyja vegna veðurs

Steingrímur J. Sigfússon þurfti frá að hverfa þegar flugvél, sem hann var farþegi í, gat ekki lent á flugvellinum í Vestmannaeyjum í morgun vegna veðurs. Þetta kemur fram á vefsíðu Eyjafrétta.

Steingrímur hugðist mæta á almennan félagsfund VG í Vestmannaeyjum sem hófst klukkan tólf á Kaffi Kró. Formaður flokksins ætlaði að mæta og ræða við félagsmenn en eins og fyrr segir, þurfti hann frá að hverfa.

Búist er við stormi á svæðinu í dag samkvæmt upplýsingum frá Veðurstofu Íslands.