Sarah Palin fjarlægir dauðalistann af heimasíðu sinni

Sarah Palin hefur fjarlægt riffilsigti sem beindist að Arizona á landakorti á heimasíðu hennar. Þingkonan Gabrielle Giffords sem var skotin í höfuðið um helgina var þingmaður demókrata í Arizona.

Landakortið er nú kallað Dauðalisti Söruh Palin. Auk þess að fjarlægja kortið hefur Palin sent fjölskyldu Giffords samúðarkveðjur. Árásin í Arizona hefur vakið umræðu um þá hörðu og hrottalegu umræðu sem tíðkast í bandarískum stjórnmálum.

Sex manns létu lífið og tólf særðust þegar hinn 22 ára gamli Jared Loughner skaut fyrst Giffords í höfuðið og lét svo skotin dynja á öðrum nærstöddum á kosningafundi við stórmarkað í borginni Tucson á laugardag.