Fengu ferðina bætta að fullu

Íslensk hjón hafa fengið bætur frá erlendu flugfélagi eftir að flugferð frá Englandi til Spánar, sem þau áttu pantaða, var aflýst. Á vef Neytendasamtakanna segir að hjónunum hafi næsta dag verið tjáð að flugfélagið myndi ekki fljúga til þessa áfangastaðar næstu tvo daga. Fyrir milligöngu Evrópsku neytendaaðstoðarinnar á Íslandi og Bretlandi féllst flugfélagið á að greiða 500 evrur í bætur auk þess sem þau fengu upphaflegan flugmiða og hótelkostnað endurgreiddan. - þj