Segjast hafa fundið orsökina fyrir skalla hjá karlmönnum

Bandarískir sérfræðingar telja að þeir hafi fundið orsökina fyrir skalla hjá karlmönnum.

Skalli sé ekki tilkominn vegna skorts á hári heldur vegna vandamála við myndun nýs hárs. Vandamálið hefur í för með sér að nýju hárin sem myndast eru svo smá að þau eru ósýnileg berum augum.

Sérfræðingarnir telja að vandinn liggi í stofnfrumunum sem framleiða nýtt hár. Þeir vonast til þess að finna leið til að leysa þetta vandamál og þar með ættu sköllóttir menn að heyra sögunni til.