Egyptar standi saman gegn hryðjuverkamönnum

Hosni Mubarak, forseti Egyptalands, hvetur Egypta til að standa saman gegn hryðjuverkamönnum. 21 lét lífið og tugir særðust þegar bílsprengja sprakk á sama tíma og kristnir Egyptir, sem eru 10% þjóðarinnar, gengu út úr kirkju í borginni Alexandríu að lokinni fjölmennri miðnæturmessu í nótt.

Eftir árásina unnu kristnir menn skemmdir á moskum í borginni og veittust að múslimum. Lögregla þurfti að beita táragasi til að dreifa mannfjöldanum.

Mubarak fullyrti í egypska ríkissjónvarpinu að erlendir aðilar bæru ábyrgð árásinni. Talið er að liðsmenn hryðjuverkasamtökin al-Kaída hafi skipulagt árásina.