Kar fullt af fiski axlarbraut konu

Kona axlarbrotnaði þegar á hana féllu kör full af fiski í fiskvinnslu í Vogum á mánudag.

Að sögn lögreglu á Suðurnesjum, hafði konan verið með annarri konu að flokka keilu þegar full fiskikör sem staflað hafði verið upp hrundu á hana.

Konan kastaðist á vinnuborðið, sem kastaðist aftur á hina konuna sem vann á móti henni. Þær voru báðar fluttar með sjúkrabifreið á bráðamóttöku Landspítalans í Fossvogi. Meiðsli hinnar konunnar reyndust minni háttar. - óká