Aung San Suu Kyi, leiðtogi stjórnarandstöðunnar í Búrma, er lögð af stað í heimsreisu. Hún hefur verið í stofufangelsi meira og minna í tvo áratugi.
Í næsta mánuði fer hún meðal annars til Noregs þar sem hún tekur loks formlega á móti friðar-verðlaunum Nóbels sem henni voru veitt árið 1991.
Hún kom til Taílands í gær, verður þar í nokkra daga, fer síðan aftur til Búrma en heldur svo af stað til Evrópu og kemur þá meðal annars við í Genf, London og Ósló.
