Kvartett Sigrúnar Eðvalds á tónleikum Kammermúsíkklúbbsins Friðrika Benónýsdóttir skrifar 27. september 2013 10:00 Sigrún Eðvaldsdóttir og Zbigniew Dubik leika á fiðlur, Ásdís Valdimarsdóttir á víólu og Bryndís Halla Gylfadóttir á selló. Fyrstu tónleikar 57. starfsárs Kammermúsíkklúbbsins eru á sunnudag. Kvartett Sigrúnar Eðvaldsdóttur flytur þrjá strengjakvartetta í Norðurljósasal Hörpu. „Ég hef leitt kvartetta fyrir Kammermúsíkklúbbinn rosalega lengi, alveg síðan á níunda áratug síðustu aldar, ég var ekki einu sinni búin að klára skólann þegar ég kom fyrst fram fyrir þá,“ segir Sigrún Eðvaldsdóttir spurð hvort kvartett undir hennar nafni sé rótgróið fyrirbæri. „Hann heitir ekkert endilega Kvartett Sigrúnar Eðvalds. Málið er að við höfum aldrei valið okkur nafn vegna þess að í gegnum tíðina hafa verið miklar mannabreytingar í kvartettinum. Það felst ákveðið hlutleysi í því að vera ekki með nafn, þá er ekki eins niðurneglt hverjir skipa hann hverju sinni.“ Kvartettinn sem leikur á sunnudaginn er auk Sigrúnar skipaður þeim Zbigniew Dubik á fiðlu, Ásdísi Valdimarsdóttur á víólu og Bryndísi Höllu Gylfadóttur á selló. Á efnisskrá tónleikanna eru þrír strengjakvartettar: síðasti kvartett Beethovens, fyrsti kvartett Brahms og einn af kvartettum spænska undrabarnsins Arriaga. „Þetta eru þrír rosalega flottir kvartettar,“ segir Sigrún og leggur áherslu á rosalega. Tónleikarnir marka upphaf 57. starfsárs Kammermúsíkklúbbsins, sem starfað hefur síðan 1957 og haldið meira en 280 tónleika. Sigrún hefur tekið þátt í þeim einu sinni á ári og segir það algjörlega nauðsynlegan lið í tónlistarárinu. „Þetta hefur verið fastur punktur í lífinu í öll þessi ár, sem er yndislegt og algjör nauðsyn fyrir mig,“ segir hún. „Þeir hafa haldið uppi frábæru starfi og gert fólki kleift að spila kammermúsík en til þess gefast ekkert svo mörg tækifæri á þessu litla landi. Það er bara stórkostlegt að fá að taka þátt í þessu.“Tónleikarnir eru í Norðurljósasal Hörpu og hefjast klukkan 19.30. Menning Mest lesið Brad Pitt stoppaði í hamborgara í Dalakofanum Lífið Frægir kynnar á ráðstefnu Demókrata Lífið Litla Melabúðin slær í gegn hjá Vesturbæingum Lífið „Þjóðarmorðið í Palestínu hefur sameinað þær“ Lífið Byrjaði í smábrotum en vatt svo upp á sig Lífið „Þetta er enginn helvítis félagskvíði, það bara þolir mig enginn“ Áskorun Heitustu hinsegin pör landsins Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Dóttir Snæfríðar og Högna komin með nafn Lífið Hefur gefið út tvö hundruð lög á fimm mánuðum Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Fyrstu tónleikar 57. starfsárs Kammermúsíkklúbbsins eru á sunnudag. Kvartett Sigrúnar Eðvaldsdóttur flytur þrjá strengjakvartetta í Norðurljósasal Hörpu. „Ég hef leitt kvartetta fyrir Kammermúsíkklúbbinn rosalega lengi, alveg síðan á níunda áratug síðustu aldar, ég var ekki einu sinni búin að klára skólann þegar ég kom fyrst fram fyrir þá,“ segir Sigrún Eðvaldsdóttir spurð hvort kvartett undir hennar nafni sé rótgróið fyrirbæri. „Hann heitir ekkert endilega Kvartett Sigrúnar Eðvalds. Málið er að við höfum aldrei valið okkur nafn vegna þess að í gegnum tíðina hafa verið miklar mannabreytingar í kvartettinum. Það felst ákveðið hlutleysi í því að vera ekki með nafn, þá er ekki eins niðurneglt hverjir skipa hann hverju sinni.“ Kvartettinn sem leikur á sunnudaginn er auk Sigrúnar skipaður þeim Zbigniew Dubik á fiðlu, Ásdísi Valdimarsdóttur á víólu og Bryndísi Höllu Gylfadóttur á selló. Á efnisskrá tónleikanna eru þrír strengjakvartettar: síðasti kvartett Beethovens, fyrsti kvartett Brahms og einn af kvartettum spænska undrabarnsins Arriaga. „Þetta eru þrír rosalega flottir kvartettar,“ segir Sigrún og leggur áherslu á rosalega. Tónleikarnir marka upphaf 57. starfsárs Kammermúsíkklúbbsins, sem starfað hefur síðan 1957 og haldið meira en 280 tónleika. Sigrún hefur tekið þátt í þeim einu sinni á ári og segir það algjörlega nauðsynlegan lið í tónlistarárinu. „Þetta hefur verið fastur punktur í lífinu í öll þessi ár, sem er yndislegt og algjör nauðsyn fyrir mig,“ segir hún. „Þeir hafa haldið uppi frábæru starfi og gert fólki kleift að spila kammermúsík en til þess gefast ekkert svo mörg tækifæri á þessu litla landi. Það er bara stórkostlegt að fá að taka þátt í þessu.“Tónleikarnir eru í Norðurljósasal Hörpu og hefjast klukkan 19.30.
Menning Mest lesið Brad Pitt stoppaði í hamborgara í Dalakofanum Lífið Frægir kynnar á ráðstefnu Demókrata Lífið Litla Melabúðin slær í gegn hjá Vesturbæingum Lífið „Þjóðarmorðið í Palestínu hefur sameinað þær“ Lífið Byrjaði í smábrotum en vatt svo upp á sig Lífið „Þetta er enginn helvítis félagskvíði, það bara þolir mig enginn“ Áskorun Heitustu hinsegin pör landsins Lífið Hleypur hálfmaraþon fyrir Sindra: „Það sem skiptir máli er að klára þetta fyrir Sindra“ Lífið Dóttir Snæfríðar og Högna komin með nafn Lífið Hefur gefið út tvö hundruð lög á fimm mánuðum Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira