Landsliðsmiðverðirnir spiluðu ekkert um helgina | Krasnodar í 3. sæti

Ragnar Sigurðsson sat allan tímann á varamannabekknum þegar Krasnodar vann 2-0 sigur á Rubin Kazan í rússnesku úrvalsdeildinni í fótbolta í dag.

Sergei Petrov og Ricardo Labotde skoruðu mörk Krasnodar sem er í 3. sæti deildarinnar með 24 stig, átta stigum á eftir toppliði Zenit frá Pétursborg.

Ragnar spilaði allan tímann þegar Krasnodar tapaði 5-1 fyrir Wolfsburg í Evrópudeildinni á fimmtudaginn og líklegt verður að teljast að Ragnar hafi verið settur á bekkinn vegna frammistöðunnar í þeim leik.

Ragnar var ekki eini landsliðsmiðvörðurinn sem spilaði ekki um helgina, en Kári Árnason missti af leik Rotherham í gær vegna támeiðsla. Hann verður þó vonandi klár fyrir leikina gegn Belgíu og Tékklandi, en Kári og Ragnar hafa myndað miðvarðapar íslenska liðsins undanfarin ár.