Meðaltal leiðréttingarinnar um 1.350 þúsund

Um 70 prósent samþykktra umsókna um leiðréttingu renna til einstaklinga sem skulda minna en 15 milljónir króna og heimila sem skulda minna en 30 milljónir króna. Stærstur hluti fer til einstaklinga sem skulda 10-20 milljónir króna og hjóna sem skulda 20-30 milljónir króna. Þá mun ríflega helmingur eða 55 prósent renna til einstaklinga sem eiga 4 milljónir króna í eigin fé í húsnæði sínu og hjóna sem eiga minna en 13 milljónir króna. Þá fær fólk sem var yngra en 50 ára við forsendubrestinn árið 2009 stærsta hluta leiðréttingarinnar, eða um 68 prósent. Það er fólk sem er með lágar tekjur og skulda á bilinu 15-30 milljónir króna. Hæsta fjárhæðin fer til hjóna þar sem eldri aðilinn var orðinn 35 ára við forsendubrestinn.
Um 91 þúsund sóttu um niðurfærsluna og býr meginþorri þeirra á höfuðborgarsvæðinu. Þó er ekki búið að skipta umsóknunum niður eftir búsetu, að sögn Bjarna Benediktssonar fjármála- og efnahagsráðherra. Greint var frá því í Fréttablaðinu í dag að um 15 þúsund umsóknum hafi verið hafnað en Bjarni segir þær tölur ekki liggja fyrir. „Það er ekki endanlega komið í ljós. Við erum með um 90 þúsund lán sem búið er að reikna. Síðan er um 10 prósent af heildarumsóknum sem enn eru til frekari úrvinnslu út af einhverju viðbótarflækjustigi,“ sagði Bjarni í samtali við Vísi.
Tengdar fréttir

Twitter logar vegna leiðréttingarinnar
"Af hverju er Ingvi Hrafn ekki að stýra þessu?“ og "Leiðréttingin! Til hamingju," er meðal þess sem skrifað hefur verið á samskiptamiðilinn Twitter um aðgerðir ríkisstjórnarinnar.

Bein útsending frá blaðamannafundinum: Ráðherrar kynna leiðréttingu ríkisstjórnarinnar
Fréttamannafundur um höfuðstólsleiðréttingu verðtryggðra húsnæðislána fer fram í Kaldalóni, sal í Hörpu klukkan 13:30.

Ætla að hraða skuldaniðurfærslunni
Bjarni Benediktsson fjármálaráðherra ætlar að leggja fram tillögu til að breyta fjáraukalögum ársins.

Blendin viðbrögð við skuldakynningu ríkisstjórnarinnar
Skuldaniðurfellingar ríkisstjórnarinnar leggjast misjafnlega vel í landsmenn, svo vægt sé til orða tekið.

Svona sérðu hvað stjórnvöld ætla að færa lánið þitt mikið niður
Ríkisstjórnin hefur látið búa til myndband sem sýnir fólki hvernig það getur séð hversu margar krónur það fær niðurfært af fasteignaveðlánum sínum.

Leigjendur gefa lítið fyrir skuldaniðurfærslurnar
Skuldaniðurfærslur ríkisstjórnarinnar verða kynntar í dag og eru menn mjög misjafnlega spenntir; leigjendur tala um "blekkingaprump“.

Synja 15.000 um leiðréttingu húsnæðislána
Skuldaleiðrétting ríkisstjórnarinnar verður kynnt í Hörpu eftir hádegi í dag. Höfuðstóll verðtryggðs húsnæðisláns lækkar um 1,5 milljónir að meðaltali. Af 105.000 manns sem sóttu um fá 90.000 manns leiðréttingu.

Gleðidagur fyrir heimilin og ríkisstjórnina að mati forsætisráðherra
Forsætisráðherra og fjármálaráðherra kynna niðurfærslu verðtryggðra húsnæðislána í dag. Umsækjendur fá sínar niðurstöður á morgun.