Vikan á Vísi: Fermetrar Árna, Hundagröf og Krummi í Mínus 12. október 2014 07:00 Hér má sjá myndir sem tengdust fréttum vikunnar. Óútskýrðir fermetrar í húsi Árna Johnsen í Breiðholti, hundagröf á Akureyri, málaferli ríkisins gegn Krumma í Mínus og flugvél Loftleiða sem var breytt í lúxusvél var meðal þess sem vakti athygli lesenda Vísis í liðinni viku. Auk þess vakti gæslan í kringum Kristinn Jakobsson og aðstoðardómara leiks FH og Stjörnunnar mikla athygli, en ákveðið var að halda þeim inni í herbergi í tvær klukkustundir eftir leik, til að gæta öryggi þeirra.Árni Johnsen og óútskýrðir fermetrar í húsi hans vöktu athygli.Fermetrarnir hans Árna Auglýsing Fasteignamarkaðarsins, sem fer með sölu húss Árna Johnsen, fyrrum þingmanns Sjálfstæðisflokksins, vakti athygli í vikunni. Í henni kemur fram að hús Árna sé í raun um 100 fermetrum stærra en kemur fram á fasteignamati, „þar sem hluta neðri hæðar hússins er ekki getið,“ eins og segir í auglýsingunni. Árni Johnsen sagðist ekkert vita um málið og sagðist ekki fylgjast með svona hlutum. „Ég veit ekkert um þetta. Mér skilst að þetta sé algengt,“ var svar hans þegar hann var spurður um hvort þetta stangaðist ekki á við lög.Ármann og hundagröfin hans vöktu athygli.Heilbrigðiseftirlitið og hundagröfin Á sunnudaginn birtist viðtal á Vísi við Ármann Örn Sigursteinsson sem var ósáttur við heilrigðisteftirlit Norðurlands, eftir að honum var sagt að grafa upp hundinn sinn og fjarlægja leiði hans, tveimur vikum eftir að hann gróf hann í jörð í garðinum hjá sér. „Hundurinn minn varð fyrir bíl fyrir tveimur vikum síðan, beint fyrir framan nefið á mér. Þetta var lítill chihuahua hundur sem ég hef átt í fjögur og hálft ár,“ útskýrði Ármann þá og sagði frá því að hann væri barnlaus en sagðist hafa elskað hundinn eins og barnið sitt. Á mánudeginum sagði svo fulltrúi heilbrigðiseftirlitsins að Ármann þyrfti ekki að grafa hundinn upp, nema að aðrir íbúar í fjölbýlishúsinu sem hann býr í, krefðust þess. Fulltrúinn sagði að ekki sé gert ráð fyrir því að fólk grafi dýrin sín í eigin görðum. Hann sagðist þó meðvitaður um að smærri dýr, eins og hamstrar, kettir og jafnvel smáhundar, eins og hundur Ármanns, séu grafnir í húsagörðum. Hann sagðist hafa haft samband við Ármann eftir að hafa átt samtöl við nágranna hans. Nágrannarnir hafi sagt að ekki hafi verið haft samráð við þá áður en leiðinu var komið fyrir í garðinum. Ármann kannast þó ekki við að hafa fengið kvartanir frá nágrönnum sínum.Aðalmeðferð í máli Krumma fór fram í vikunni.Aðalmeðferð í máli Krumma Aðalmeðferð í máli ákæruvaldsins gegn Oddi Hrafni Stefáni Björgvinssyni, betur þekktum sem Krumma í Mínus, fór fram í Héraðsdómi Reykjaness á mánudagsmorgun. Söngvarinn er ákærður fyrir brot gegn valdstjórninni en honum er gert að sök að hafa sparkað í hægri fót lögreglumanns aðfaranótt 12. júní 2013 á heimili Krumma að Snorrabraut. Krummi neitaði sök fyrir dómi. Lögreglumenn bönkuðu upp á hjá Krumma og báðu hann að lækka tónlist sem barst frá íbúð hans. Lögreglumenn kváðust svo hafa fundið kannabislykt innan úr íbúðinni. Krummi bauð lögreglumönnunum inn og sagði fyrir dómi að hann hefði ekkert haft að fela. Þegar lögreglumennirnir komu inn í íbúðina sagði Krummi þá hafa verið með yfirgang og meðal annars veist með dónaskap að vinkonu hans sem nú er kærasta hans. Þeir eru með leiðindatón og spyrja hana á ensku hvort hún sé að skemmta sér, „Are you having a good time?“ Þetta fór fyrir brjóstið á mér og við byrjum að rífast, ég og lögreglumennirnir,“ sagði Krummi fyrir dómi. Söngvarinn viðurkenndi að hafa verið dónalegur við lögreglumennina en sagðist ekki muna nákvæmlega hvað hann sagði. Hann kvaðst þó sjá eftir því hvernig hann lét og sagði að hann hefði átt að sýna lögreglunni virðingu. Aðspurður um ástand sitt um nóttina sagði Krummi að hann hefði verið búinn að drekka 3-4 bjóra og hefði ekki neytt neinna fíkniefna. Krummi sagðist ekki hafa sparkað í lögreglumann, eins og honum er gert að sök. Hann sagðist hafa beðið lögreglumennina að fara. „Áður en ég veit af er ég síðan bara kominn gólfið, þeir skella mér harkalega niður, tóku mjög fast á mér og handjárnuðu mig harkalega.“ Því næst var farið með hann upp á lögreglustöð þar sem hann gisti fangageymslu. Krummi sagðist fyrir dóma halda að lögreglumennirnir þrír hafi kokkað upp sögu um hann hafi sparkað í einn þeirra til þess að réttlæta handtökuna. Ekki liggur fyrir hvenær dómur verður kveðinn upp í máli söngvarans.Kristinn Jakobsson og Kassim Doumbia voru umtalaðir um helgina og fram eftir vikunni.Kristinn Jakobsson inni í herbergi í tvo tíma Úrslitaleikur FH og Stjörnunnar í Pepsi-deild karla verður lengi í manna minnum fyrir margar sakir. Dómarar leiksins gleyma leiknum líklega seint, sérstaklega í ljósi þess að þeim var haldið í tvær klukkustundir inni í dómaraherberginu í Kaplakrika eftir leikinn. Ástandið var rosalegt eftir leikinn, við héldum dómaranum og aðstoðardómurunum í tvo tíma áður en við leyfðum þeim að yfirgefa Kaplakrika“, segir Jón Rúnar Halldórsson, formaður knattspyrnudeildar FH í samtali við fréttastofu í vikunni. Halda þurfti aftur af Kassim Doumbia, leikmanni FH, eftir leikinn en hann var afar ósáttur við störf dómarans. Þá veittust áhorfendur að dómaratríóinu og brutu flagg annars aðstoðardómarans.Flugvél Loftleiða er nú orðin lúxusvél.Þota Flugleiða verður að lúxusþotu Búrfelli, Boeing 757-200 flugvél Loftleiða, hefur verið breytt úr 183 sæta farþegarvél yfir í 50 sæta lúxusflugvél með sér innfluttum ítölskum sætum sem hægt er að breyta í rúm. Vélin lagði á þriðjudaginn síðastliðinn af stað frá Miami upp í þriggja vikna heimsreisu þar sem komið verður við á átta áfrangastöðum áður en vélin lendir í New York þann 31. október. Flugið er í dýrari kantinum þar sem hver farmiði kostar um 12,5 milljónir króna eða samanlagt um 625 milljónir miðað við 50 farþega. Vélin er leigð til bandarísku ferðaskrifstofunnar Abercrombie and Kent og er löngu uppselt í ferðina. Þetta er ekki fyrsta verkefni Loftleiða þessarar tegundar en félagið hefur tekið að sér slík lúxusverkefni síðustu 12 árin, en aldrei jafn glæsileg og umrætt verkefni. Vísir birti myndasyrpu, þar sem breytingarnar á vélinni sjást bersýnilega. Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Sendi Dönum tóninn Erlent Mátti binda barn á höndum og fótum og kitla það Innlent Prestur sakar oddvita um ólýðræðislega hallarbyltingu í veiðifélagi Innlent Stoppaður af vegfaranda sem spurði: „Hvað er þetta?“ Innlent Rannsaka dráp á sjúkraliðum en neita að þeir hafi verið teknir af lífi Erlent SFS hafi skrópað á fund ráðuneytisins Innlent Enn skjálftahrina við Trölladyngju Innlent Dregur úr skjálftavirkni í kvikugangi en hrina í Trölladyngju fannst víða Innlent Fleiri fréttir Arndís Bára lögreglustjóri næsta árið Fyrstu samtöl við Rubio lofi góðu Innan við helmingur barna segir frá kynferðisofbeldinu Gefa út ferðaleiðbeiningar fyrir hinsegin fólk Hafi fullan stuðning til að auka útgjöld til varnarmála Mátti binda barn á höndum og fótum og kitla það SFS hafi skrópað á fund ráðuneytisins Langflestir telja afsögn Ásthildar rétta ákvörðun Ný könnun um viðhorf til veiðigjalda Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Sjá meira
Óútskýrðir fermetrar í húsi Árna Johnsen í Breiðholti, hundagröf á Akureyri, málaferli ríkisins gegn Krumma í Mínus og flugvél Loftleiða sem var breytt í lúxusvél var meðal þess sem vakti athygli lesenda Vísis í liðinni viku. Auk þess vakti gæslan í kringum Kristinn Jakobsson og aðstoðardómara leiks FH og Stjörnunnar mikla athygli, en ákveðið var að halda þeim inni í herbergi í tvær klukkustundir eftir leik, til að gæta öryggi þeirra.Árni Johnsen og óútskýrðir fermetrar í húsi hans vöktu athygli.Fermetrarnir hans Árna Auglýsing Fasteignamarkaðarsins, sem fer með sölu húss Árna Johnsen, fyrrum þingmanns Sjálfstæðisflokksins, vakti athygli í vikunni. Í henni kemur fram að hús Árna sé í raun um 100 fermetrum stærra en kemur fram á fasteignamati, „þar sem hluta neðri hæðar hússins er ekki getið,“ eins og segir í auglýsingunni. Árni Johnsen sagðist ekkert vita um málið og sagðist ekki fylgjast með svona hlutum. „Ég veit ekkert um þetta. Mér skilst að þetta sé algengt,“ var svar hans þegar hann var spurður um hvort þetta stangaðist ekki á við lög.Ármann og hundagröfin hans vöktu athygli.Heilbrigðiseftirlitið og hundagröfin Á sunnudaginn birtist viðtal á Vísi við Ármann Örn Sigursteinsson sem var ósáttur við heilrigðisteftirlit Norðurlands, eftir að honum var sagt að grafa upp hundinn sinn og fjarlægja leiði hans, tveimur vikum eftir að hann gróf hann í jörð í garðinum hjá sér. „Hundurinn minn varð fyrir bíl fyrir tveimur vikum síðan, beint fyrir framan nefið á mér. Þetta var lítill chihuahua hundur sem ég hef átt í fjögur og hálft ár,“ útskýrði Ármann þá og sagði frá því að hann væri barnlaus en sagðist hafa elskað hundinn eins og barnið sitt. Á mánudeginum sagði svo fulltrúi heilbrigðiseftirlitsins að Ármann þyrfti ekki að grafa hundinn upp, nema að aðrir íbúar í fjölbýlishúsinu sem hann býr í, krefðust þess. Fulltrúinn sagði að ekki sé gert ráð fyrir því að fólk grafi dýrin sín í eigin görðum. Hann sagðist þó meðvitaður um að smærri dýr, eins og hamstrar, kettir og jafnvel smáhundar, eins og hundur Ármanns, séu grafnir í húsagörðum. Hann sagðist hafa haft samband við Ármann eftir að hafa átt samtöl við nágranna hans. Nágrannarnir hafi sagt að ekki hafi verið haft samráð við þá áður en leiðinu var komið fyrir í garðinum. Ármann kannast þó ekki við að hafa fengið kvartanir frá nágrönnum sínum.Aðalmeðferð í máli Krumma fór fram í vikunni.Aðalmeðferð í máli Krumma Aðalmeðferð í máli ákæruvaldsins gegn Oddi Hrafni Stefáni Björgvinssyni, betur þekktum sem Krumma í Mínus, fór fram í Héraðsdómi Reykjaness á mánudagsmorgun. Söngvarinn er ákærður fyrir brot gegn valdstjórninni en honum er gert að sök að hafa sparkað í hægri fót lögreglumanns aðfaranótt 12. júní 2013 á heimili Krumma að Snorrabraut. Krummi neitaði sök fyrir dómi. Lögreglumenn bönkuðu upp á hjá Krumma og báðu hann að lækka tónlist sem barst frá íbúð hans. Lögreglumenn kváðust svo hafa fundið kannabislykt innan úr íbúðinni. Krummi bauð lögreglumönnunum inn og sagði fyrir dómi að hann hefði ekkert haft að fela. Þegar lögreglumennirnir komu inn í íbúðina sagði Krummi þá hafa verið með yfirgang og meðal annars veist með dónaskap að vinkonu hans sem nú er kærasta hans. Þeir eru með leiðindatón og spyrja hana á ensku hvort hún sé að skemmta sér, „Are you having a good time?“ Þetta fór fyrir brjóstið á mér og við byrjum að rífast, ég og lögreglumennirnir,“ sagði Krummi fyrir dómi. Söngvarinn viðurkenndi að hafa verið dónalegur við lögreglumennina en sagðist ekki muna nákvæmlega hvað hann sagði. Hann kvaðst þó sjá eftir því hvernig hann lét og sagði að hann hefði átt að sýna lögreglunni virðingu. Aðspurður um ástand sitt um nóttina sagði Krummi að hann hefði verið búinn að drekka 3-4 bjóra og hefði ekki neytt neinna fíkniefna. Krummi sagðist ekki hafa sparkað í lögreglumann, eins og honum er gert að sök. Hann sagðist hafa beðið lögreglumennina að fara. „Áður en ég veit af er ég síðan bara kominn gólfið, þeir skella mér harkalega niður, tóku mjög fast á mér og handjárnuðu mig harkalega.“ Því næst var farið með hann upp á lögreglustöð þar sem hann gisti fangageymslu. Krummi sagðist fyrir dóma halda að lögreglumennirnir þrír hafi kokkað upp sögu um hann hafi sparkað í einn þeirra til þess að réttlæta handtökuna. Ekki liggur fyrir hvenær dómur verður kveðinn upp í máli söngvarans.Kristinn Jakobsson og Kassim Doumbia voru umtalaðir um helgina og fram eftir vikunni.Kristinn Jakobsson inni í herbergi í tvo tíma Úrslitaleikur FH og Stjörnunnar í Pepsi-deild karla verður lengi í manna minnum fyrir margar sakir. Dómarar leiksins gleyma leiknum líklega seint, sérstaklega í ljósi þess að þeim var haldið í tvær klukkustundir inni í dómaraherberginu í Kaplakrika eftir leikinn. Ástandið var rosalegt eftir leikinn, við héldum dómaranum og aðstoðardómurunum í tvo tíma áður en við leyfðum þeim að yfirgefa Kaplakrika“, segir Jón Rúnar Halldórsson, formaður knattspyrnudeildar FH í samtali við fréttastofu í vikunni. Halda þurfti aftur af Kassim Doumbia, leikmanni FH, eftir leikinn en hann var afar ósáttur við störf dómarans. Þá veittust áhorfendur að dómaratríóinu og brutu flagg annars aðstoðardómarans.Flugvél Loftleiða er nú orðin lúxusvél.Þota Flugleiða verður að lúxusþotu Búrfelli, Boeing 757-200 flugvél Loftleiða, hefur verið breytt úr 183 sæta farþegarvél yfir í 50 sæta lúxusflugvél með sér innfluttum ítölskum sætum sem hægt er að breyta í rúm. Vélin lagði á þriðjudaginn síðastliðinn af stað frá Miami upp í þriggja vikna heimsreisu þar sem komið verður við á átta áfrangastöðum áður en vélin lendir í New York þann 31. október. Flugið er í dýrari kantinum þar sem hver farmiði kostar um 12,5 milljónir króna eða samanlagt um 625 milljónir miðað við 50 farþega. Vélin er leigð til bandarísku ferðaskrifstofunnar Abercrombie and Kent og er löngu uppselt í ferðina. Þetta er ekki fyrsta verkefni Loftleiða þessarar tegundar en félagið hefur tekið að sér slík lúxusverkefni síðustu 12 árin, en aldrei jafn glæsileg og umrætt verkefni. Vísir birti myndasyrpu, þar sem breytingarnar á vélinni sjást bersýnilega.
Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Sendi Dönum tóninn Erlent Mátti binda barn á höndum og fótum og kitla það Innlent Prestur sakar oddvita um ólýðræðislega hallarbyltingu í veiðifélagi Innlent Stoppaður af vegfaranda sem spurði: „Hvað er þetta?“ Innlent Rannsaka dráp á sjúkraliðum en neita að þeir hafi verið teknir af lífi Erlent SFS hafi skrópað á fund ráðuneytisins Innlent Enn skjálftahrina við Trölladyngju Innlent Dregur úr skjálftavirkni í kvikugangi en hrina í Trölladyngju fannst víða Innlent Fleiri fréttir Arndís Bára lögreglustjóri næsta árið Fyrstu samtöl við Rubio lofi góðu Innan við helmingur barna segir frá kynferðisofbeldinu Gefa út ferðaleiðbeiningar fyrir hinsegin fólk Hafi fullan stuðning til að auka útgjöld til varnarmála Mátti binda barn á höndum og fótum og kitla það SFS hafi skrópað á fund ráðuneytisins Langflestir telja afsögn Ásthildar rétta ákvörðun Ný könnun um viðhorf til veiðigjalda Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Sjá meira