Verður Suárez bitlaus eftir bannið? Tómas Þór Þórðarson skrifar 25. október 2014 09:00 Luis Suárez Vísir/Getty Knattspyrnuleikir í Evrópu gerast ekki stærri en El Clásico. Þar mætast tvö af stærstu og bestu liðum heims; Real Madrid og Barcelona. Fyrsta viðureign þessara fornu erkifjenda fer fram á laugardaginn klukkan 16.00 og verður í beinni útsendingu á Stöð 2 Sport. „Þetta er bara knattspyrnuveisla. Þetta er það geggjaðasta sem sést í fótboltanum á hverju tímabili,“ segir Guðmundur Benediktsson, knattspyrnulýsandi á Stöð 2 Sport, um leikinn við Fréttablaðið, en Gummi Ben mun að sjálfsögðu lýsa þessum stórleik. Sálfræðistríðið hefur verið í fullum gangi fyrir leikinn; Börsungar þar duglegri að láta gamminn geisa en óvinir þeirra úr höfuðborginni. Fréttum fyrir leikinn fækkaði reyndar alveg um 30 prósent eða svo þegar José Mourinho lét af störfum sem þjálfari Real. Honum leiddist aldrei að skjóta á Börsunga, reyndar leiðist honum bara ekkert að tala yfirhöfuð. Forseti brasilíska félagsins Santos lét heyra í sér í vikunni og sagði að Neymar hefði kosið sjálfur að spila fyrir Barcelona frekar en Real Madrid. Hjálp í sálfræðihernaðinum úr óvæntri átt en vel þegin.Suárez, Suárez, Suárez Allt í kringum El Clásico að þessu sinni snýr að úrúgvæska framherjanum Luis Suárez sem Barcelona keypti fyrir fúlgur fjár frá Liverpool í sumar. Það vissi að þar væri á ferð strákur sem á við erfiðleika að stríða, en það bjóst nú væntanlega við að hann væri búinn að spila leik fyrir félagið áður en hann gerði endanlega allt vitlaust í knattspyrnuheiminum. Þeir sem eru með módem heima hjá sér og hafa internet-aðgang eða lesa dagblöð vita vel að Luis Suárez hefur verið í löngu keppnisbanni eftir að smakka ítalskt á HM í Brasilíu í sumar. Luis Enrique, þjálfari Barcelona, er búinn að gefa það út að Suárez muni koma við sögu í leiknum. Ekki vænkast hagur mótherja Barcelona þegar Messi, Neymar og Suárez verða komnir á fullt, en það er einmitt spurningin. Hversu mikið getur Luis Suárez gefið af sér í leiknum? Það er ekkert grín að spila alvöru fótboltaleik eftir fjögurra mánaða frí og hvað þá einn stærsta leik ársins. Munurinn er vissulega sá að hann er ekki að koma úr meiðslum og þurfti enga endurhæfinu; Suárez hefur verið að æfa og spila æfingaleiki allan tímann. Deilt hefur verið um í hversu góðu formi Suárez er, en hann var úthrópaður silakeppur af spænskum fjölmiðlum þegar hann spilaði fyrsta æfingaleikinn. „Suárez er ekki í yfirvigt. Alls ekki. Þetta eru bara þið, fjölmiðlarnir. Hann er í eðlilegri þyngd eins og hjá Liverpool,“ sagði Enrique, sem var ekki skemmt.Cristiano Ronaldo fagnar marki á móti Liverpool.Vísir/GettyAuðveldari vika hjá Barca Bæði Barcelona og Real Madrid spiluðu í Meistaradeildinni í vikunni, og hefur Cristiano Ronaldo látið óánægju sína í ljós með að El Clásico-fari fram á laugardegi þegar Real spilaði á miðvikudegi. Vikan var nefnilega öllu auðveldari fyrir Barcelona sem mætti Ajax á þriðjudaginn og það á heimavelli. Luis Enrique vildi ekki viðurkenna að hann væri að hvíla menn fyrir El Clásico, en samt voru Jérémy Mathieu, Sergio Busquets og Gerard Pique hvíldir. Þá tók Enrique Messi, Neymar og Iniesta út af við fyrsta tækifæri. Real Madrid þurfti að spila stórleik í sínum riðli gegn Liverpool á Englandi. Það vann auðveldan sigur, en fékk degi minna í hvíld, þurfti að fljúga aftur heim og spila á sínu besta liði.Múrað fyrir – skora mikið Bæði Barcelona og Real Madrid hafa verið þekkt fyrir öflugan sóknarleik undanfarin ár og það hefur ekki breyst. Luis Enrique hefur aftur á móti látið sína menn í Barcelona prófa nýjan hlut; að fá ekki á sig mark. Þegar átta umferðum er lokið í deildinni er Barcelona búið að vinna sjö leiki, gera eitt jafntefli, skora 22 mörk og fá ekki á sig eitt einasta. Þar munar mikið um komu franska varnarmannsins Jérémy Mathieu frá Valencia; miðvörður af gamla skólanum sem gerir þetta einfalt. Engar krúsídúllur; bara stendur sína vakt og sparkar boltanum burt ef það eru vandræði. Hann og Javier Mascherano mynda öflugt miðvarðapar.Luis Suarez.Vísir/GettyReal Madrid hefur aðeins fengið á sig rétt rúmt mark í leik að meðaltali, en skorar eins og enginn sé morgundagurinn. Þrjátíu mörk komin í átta leikjum og er annað hægt með svona stormsveit fyrir framan miðlínuna? Ronaldo skorar í hverjum leik og hinn gríðarlega vanmetni Karim Benzema blómstrar með aðstoð Toni Kroos og James Rodríguez.Barca vinnur með Suárez „Ég myndi láta Luis Suárez byrja leikinn,“ segir Guðmundur Benediktsson, beðinn um að spá í spilin fyrir þennan stórleik. „Ég myndi vera með Messi í holunni, Suárez frammi með Neymar vinstra megin og Ivan Rakitic hægra megin. Busquets og Iniesta á miðjunni, Xavi er búinn,“ segir Guðmundur sem vill sjá Real-liðið óbreytt fyrir utan að Frakkinn ungi Rafael Varanë þarf að víkja fyrir Sergio Ramos í vörninni.Lionel Messi fær góða þjónustu á æfingu Barcelona.Vísir/GettyGuðmundur telur Barcelona sigurstranglegra þrátt fyrir að vera á útivelli. Það hefur reyndar unnið níu af síðustu sautján leikjum á Bernabéu og þekkir því vel að vinna í Madríd. Möguleikar Barcelona liggja þó í því að spila Suárez sem mest. „Barcelona vinnur með Suárez í byrjunarliðinu. Ég held að pressan fremst á vellinum verði bara of góð með hann þarna því hann getur hlaupið endalaust. Þarna er Barcelona líka komið með mann sem getur leitt línuna. Hann býr til pláss fyrir Messi sem hefur verið í erfiðleikum með að finna það undanfarið. Varnarmennirnir geta bara hópað sig í kringum hann,“ segir Guðmundur, en Real-liðið segir hann sterkara á miðjunni. „Eftir komu Toni Kroos er Real með sterkari miðju. Hann er alveg frábær, en hann og Modric spila mjög vel saman með Isco og James eiginlega á köntunum í 4-4-2 eins og á Anfield. Þar fékk Ronaldo bara að leika lausum hala. Það hentar honum líka ágætlega,“ segir Guðmundur Benediktsson. Spænski boltinn Mest lesið Telur að Valsmenn nenni ekki að dansa tangóinn hans Túfa til lengdar Íslenski boltinn Íslenskt hugvit á að umbylta golfheiminum Golf Stúkan: Óvenju miklar árásir eða viðkvæmari en aðrir Íslenski boltinn Svona var fundurinn fyrir tugmilljóna leikinn í Laugardal Íslenski boltinn Keane: „Arsenal er með hugarfar smáliðs“ Enski boltinn Birkir á leið til Vals á nýjan leik Íslenski boltinn Neyddir í eina stystu rútuferð sögunnar Fótbolti Engin vandræði þrátt fyrir að vera manni færri nær allan leikinn Fótbolti Ten Hag neitaði að kenna Eriksen um jöfnunarmarkið Fótbolti Stjóri West Ham meiddist gegn Liverpool og yfirgaf völlinn á hækjum Enski boltinn Fleiri fréttir Engin vandræði þrátt fyrir að vera manni færri nær allan leikinn Andri Lucas lagði upp í óvæntu tapi Arsenal sneri dæminu sér í vil Amanda lagði upp á leið sinni í riðlakeppni Meistaradeildar Evrópu Birkir á leið til Vals á nýjan leik Kroos ætlaði að fara til United en svo var Moyes rekinn Afleitur Evrópuárangur Ten Hags upp á síðkastið Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Keane: „Arsenal er með hugarfar smáliðs“ Telur sig geta fyllt skarð Rodri Telur að Valsmenn nenni ekki að dansa tangóinn hans Túfa til lengdar Stjóri West Ham meiddist gegn Liverpool og yfirgaf völlinn á hækjum Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Neyddir í eina stystu rútuferð sögunnar Stefán fær Arsenal í heimsókn Sjáðu glæsimörk táninga og Helga koma Víkingi á toppinn Hvern gæti Man City sótt í stað Rodri? Ten Hag neitaði að kenna Eriksen um jöfnunarmarkið Heimir „hæstánægður með FH-liðið“ eftir 3-0 tap „Eina sem gerir mann betri er að vinna“ Barcelona jók forskot sitt með herkjum Uppgjörið: Víkingur - FH 3-0 | Meistararnir ekki í vandræðum í Víkinni Bragðdauft á Old Trafford Liverpool kom til baka eftir að lenda undir Skytturnar skoruðu fimm „Draumur að spila fyrir uppeldisfélagið“ Sveindís Jane og Sædís Rún í riðlakeppni Meistaradeildar Evrópu Uppgjörið: KA - HK 3-3 | Bikarþynnka í heimamönnum Sjá meira
Knattspyrnuleikir í Evrópu gerast ekki stærri en El Clásico. Þar mætast tvö af stærstu og bestu liðum heims; Real Madrid og Barcelona. Fyrsta viðureign þessara fornu erkifjenda fer fram á laugardaginn klukkan 16.00 og verður í beinni útsendingu á Stöð 2 Sport. „Þetta er bara knattspyrnuveisla. Þetta er það geggjaðasta sem sést í fótboltanum á hverju tímabili,“ segir Guðmundur Benediktsson, knattspyrnulýsandi á Stöð 2 Sport, um leikinn við Fréttablaðið, en Gummi Ben mun að sjálfsögðu lýsa þessum stórleik. Sálfræðistríðið hefur verið í fullum gangi fyrir leikinn; Börsungar þar duglegri að láta gamminn geisa en óvinir þeirra úr höfuðborginni. Fréttum fyrir leikinn fækkaði reyndar alveg um 30 prósent eða svo þegar José Mourinho lét af störfum sem þjálfari Real. Honum leiddist aldrei að skjóta á Börsunga, reyndar leiðist honum bara ekkert að tala yfirhöfuð. Forseti brasilíska félagsins Santos lét heyra í sér í vikunni og sagði að Neymar hefði kosið sjálfur að spila fyrir Barcelona frekar en Real Madrid. Hjálp í sálfræðihernaðinum úr óvæntri átt en vel þegin.Suárez, Suárez, Suárez Allt í kringum El Clásico að þessu sinni snýr að úrúgvæska framherjanum Luis Suárez sem Barcelona keypti fyrir fúlgur fjár frá Liverpool í sumar. Það vissi að þar væri á ferð strákur sem á við erfiðleika að stríða, en það bjóst nú væntanlega við að hann væri búinn að spila leik fyrir félagið áður en hann gerði endanlega allt vitlaust í knattspyrnuheiminum. Þeir sem eru með módem heima hjá sér og hafa internet-aðgang eða lesa dagblöð vita vel að Luis Suárez hefur verið í löngu keppnisbanni eftir að smakka ítalskt á HM í Brasilíu í sumar. Luis Enrique, þjálfari Barcelona, er búinn að gefa það út að Suárez muni koma við sögu í leiknum. Ekki vænkast hagur mótherja Barcelona þegar Messi, Neymar og Suárez verða komnir á fullt, en það er einmitt spurningin. Hversu mikið getur Luis Suárez gefið af sér í leiknum? Það er ekkert grín að spila alvöru fótboltaleik eftir fjögurra mánaða frí og hvað þá einn stærsta leik ársins. Munurinn er vissulega sá að hann er ekki að koma úr meiðslum og þurfti enga endurhæfinu; Suárez hefur verið að æfa og spila æfingaleiki allan tímann. Deilt hefur verið um í hversu góðu formi Suárez er, en hann var úthrópaður silakeppur af spænskum fjölmiðlum þegar hann spilaði fyrsta æfingaleikinn. „Suárez er ekki í yfirvigt. Alls ekki. Þetta eru bara þið, fjölmiðlarnir. Hann er í eðlilegri þyngd eins og hjá Liverpool,“ sagði Enrique, sem var ekki skemmt.Cristiano Ronaldo fagnar marki á móti Liverpool.Vísir/GettyAuðveldari vika hjá Barca Bæði Barcelona og Real Madrid spiluðu í Meistaradeildinni í vikunni, og hefur Cristiano Ronaldo látið óánægju sína í ljós með að El Clásico-fari fram á laugardegi þegar Real spilaði á miðvikudegi. Vikan var nefnilega öllu auðveldari fyrir Barcelona sem mætti Ajax á þriðjudaginn og það á heimavelli. Luis Enrique vildi ekki viðurkenna að hann væri að hvíla menn fyrir El Clásico, en samt voru Jérémy Mathieu, Sergio Busquets og Gerard Pique hvíldir. Þá tók Enrique Messi, Neymar og Iniesta út af við fyrsta tækifæri. Real Madrid þurfti að spila stórleik í sínum riðli gegn Liverpool á Englandi. Það vann auðveldan sigur, en fékk degi minna í hvíld, þurfti að fljúga aftur heim og spila á sínu besta liði.Múrað fyrir – skora mikið Bæði Barcelona og Real Madrid hafa verið þekkt fyrir öflugan sóknarleik undanfarin ár og það hefur ekki breyst. Luis Enrique hefur aftur á móti látið sína menn í Barcelona prófa nýjan hlut; að fá ekki á sig mark. Þegar átta umferðum er lokið í deildinni er Barcelona búið að vinna sjö leiki, gera eitt jafntefli, skora 22 mörk og fá ekki á sig eitt einasta. Þar munar mikið um komu franska varnarmannsins Jérémy Mathieu frá Valencia; miðvörður af gamla skólanum sem gerir þetta einfalt. Engar krúsídúllur; bara stendur sína vakt og sparkar boltanum burt ef það eru vandræði. Hann og Javier Mascherano mynda öflugt miðvarðapar.Luis Suarez.Vísir/GettyReal Madrid hefur aðeins fengið á sig rétt rúmt mark í leik að meðaltali, en skorar eins og enginn sé morgundagurinn. Þrjátíu mörk komin í átta leikjum og er annað hægt með svona stormsveit fyrir framan miðlínuna? Ronaldo skorar í hverjum leik og hinn gríðarlega vanmetni Karim Benzema blómstrar með aðstoð Toni Kroos og James Rodríguez.Barca vinnur með Suárez „Ég myndi láta Luis Suárez byrja leikinn,“ segir Guðmundur Benediktsson, beðinn um að spá í spilin fyrir þennan stórleik. „Ég myndi vera með Messi í holunni, Suárez frammi með Neymar vinstra megin og Ivan Rakitic hægra megin. Busquets og Iniesta á miðjunni, Xavi er búinn,“ segir Guðmundur sem vill sjá Real-liðið óbreytt fyrir utan að Frakkinn ungi Rafael Varanë þarf að víkja fyrir Sergio Ramos í vörninni.Lionel Messi fær góða þjónustu á æfingu Barcelona.Vísir/GettyGuðmundur telur Barcelona sigurstranglegra þrátt fyrir að vera á útivelli. Það hefur reyndar unnið níu af síðustu sautján leikjum á Bernabéu og þekkir því vel að vinna í Madríd. Möguleikar Barcelona liggja þó í því að spila Suárez sem mest. „Barcelona vinnur með Suárez í byrjunarliðinu. Ég held að pressan fremst á vellinum verði bara of góð með hann þarna því hann getur hlaupið endalaust. Þarna er Barcelona líka komið með mann sem getur leitt línuna. Hann býr til pláss fyrir Messi sem hefur verið í erfiðleikum með að finna það undanfarið. Varnarmennirnir geta bara hópað sig í kringum hann,“ segir Guðmundur, en Real-liðið segir hann sterkara á miðjunni. „Eftir komu Toni Kroos er Real með sterkari miðju. Hann er alveg frábær, en hann og Modric spila mjög vel saman með Isco og James eiginlega á köntunum í 4-4-2 eins og á Anfield. Þar fékk Ronaldo bara að leika lausum hala. Það hentar honum líka ágætlega,“ segir Guðmundur Benediktsson.
Spænski boltinn Mest lesið Telur að Valsmenn nenni ekki að dansa tangóinn hans Túfa til lengdar Íslenski boltinn Íslenskt hugvit á að umbylta golfheiminum Golf Stúkan: Óvenju miklar árásir eða viðkvæmari en aðrir Íslenski boltinn Svona var fundurinn fyrir tugmilljóna leikinn í Laugardal Íslenski boltinn Keane: „Arsenal er með hugarfar smáliðs“ Enski boltinn Birkir á leið til Vals á nýjan leik Íslenski boltinn Neyddir í eina stystu rútuferð sögunnar Fótbolti Engin vandræði þrátt fyrir að vera manni færri nær allan leikinn Fótbolti Ten Hag neitaði að kenna Eriksen um jöfnunarmarkið Fótbolti Stjóri West Ham meiddist gegn Liverpool og yfirgaf völlinn á hækjum Enski boltinn Fleiri fréttir Engin vandræði þrátt fyrir að vera manni færri nær allan leikinn Andri Lucas lagði upp í óvæntu tapi Arsenal sneri dæminu sér í vil Amanda lagði upp á leið sinni í riðlakeppni Meistaradeildar Evrópu Birkir á leið til Vals á nýjan leik Kroos ætlaði að fara til United en svo var Moyes rekinn Afleitur Evrópuárangur Ten Hags upp á síðkastið Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Keane: „Arsenal er með hugarfar smáliðs“ Telur sig geta fyllt skarð Rodri Telur að Valsmenn nenni ekki að dansa tangóinn hans Túfa til lengdar Stjóri West Ham meiddist gegn Liverpool og yfirgaf völlinn á hækjum Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Neyddir í eina stystu rútuferð sögunnar Stefán fær Arsenal í heimsókn Sjáðu glæsimörk táninga og Helga koma Víkingi á toppinn Hvern gæti Man City sótt í stað Rodri? Ten Hag neitaði að kenna Eriksen um jöfnunarmarkið Heimir „hæstánægður með FH-liðið“ eftir 3-0 tap „Eina sem gerir mann betri er að vinna“ Barcelona jók forskot sitt með herkjum Uppgjörið: Víkingur - FH 3-0 | Meistararnir ekki í vandræðum í Víkinni Bragðdauft á Old Trafford Liverpool kom til baka eftir að lenda undir Skytturnar skoruðu fimm „Draumur að spila fyrir uppeldisfélagið“ Sveindís Jane og Sædís Rún í riðlakeppni Meistaradeildar Evrópu Uppgjörið: KA - HK 3-3 | Bikarþynnka í heimamönnum Sjá meira