Parísarborg stefnir Fox News

Parísarborg hefur stefnt bandarísku sjónvarpsstöðinni Fox News vegna ummæla „sérfræðings“ fréttastofunnar um að til væru svæði innan frönsku höfuðborgarinnar sem þeir sem ekki væru múslímar þyrðu ekki að fara inn á.

Borgarstjórinn Anne Hidalgo segir að hún muni ekki sætta sig við móðganir í garð borgar sinnar eða íbúa hennar.

Í útsendingu stöðvarinnar teiknaði „sérfræðingurinn“ Nolan Peterson svæði á kort af borginni sem hann kallaði „gettó“ og líkti þeim við Afganistan og Írak.