Ísbjarnarhúnar undir berum himni í fyrsta sinn

Tveimur ísbjarnarhúnum sem komu í heiminn í hollenskum dýragarði í nóvember síðastliðinn var hleypt út í fyrsta sinn í fylgd móður sinnar í gær.

Ouwehands dýragarðurinn í Rhenen birti myndir af húnunum en margmenni var saman komið til að fylgjast með atburðinum.

Húnarnir komu í heiminn ásamt þriðja bróðurnum þann 22. nóvember en sá lifði ekki af. Þríburafæðingar ísbjarna eru óvenjulegar.

Húnarnir dvelja ásamt móður og móðurmóður sinni í dýragarðinum, en faðirinn hefur verið fluttur í Yorkshire Wildlife Park í Englandi.

Post by Ouwehands Dierenpark Rhenen.

Post by Ouwehands Dierenpark Rhenen.