Skutu aldraðan mann með rafbyssu - Myndband

Myndband náðist af því þegar lögreglumenn í Flórída í Bandaríkjunum skutu aldraðan mann með rafbyssu til að yfirbuga hann. Maðurinn var með hendurnar á lofti þegar hann var skotinn. Málið er nú til rannsóknar hjá yfirvöldum.

Á myndbandinu má sjá tvo lögreglumenn draga manninn úr bíl sínum, þar sem honum er lagt á bílastæði. Ástæða þess að lögreglumenn voru á eftir honum liggur hins vegar ekki fyrir.

Á vef Miami New Times segir að lögreglan hafi ekki viljað gefa upp aðrar upplýsingar en að málið væri í rannsókn.