Hinn frábæri hlaupari Seattle Seahwks, Marshawn Lynch, hefur verið sektaður um 13 milljónir króna þar sem hann neitar að tala við fjölmiðla.
Lynch var sektaður um 6,5 milljónir í fyrra fyrir að neita að tala við fjölmiðla og svo aftur um sömu upphæð á þessari leiktíð.
Hann kærði þessa niðurstöðu og vildi fá úr því skorið hvort honum væri skylt að gefa viðtöl. Lynch tapaði þeirri kæru og verður að opna veskið.
Lynch gaf sig á dögunum og mætti í viðtal eftir leik. Það var ekkert sérstaklega innihaldsríkt viðtal því hann svaraði nánast öllum spurningum með setningunni: „Mig langar að þakka þér fyrir þessa spurningu."
Meistarar Seattle hefja titilvörn sína í úrslitakeppninni um helgina er liðið tekur á móti Carolina Panthers á laugardag.
Undanúrslitaleikirnir og úrslitaleikurinn, Super Bowl, verða í beinni útsendingu á Stöð 2 Sport.
Bannað að þegja í NFL-deildinni

Mest lesið

„Getum gengið stoltar frá borði“
Handbolti

Aron og Bjarki Már gerðu sitt í París
Handbolti

Hamrarnir héldu Refunum í fallsæti
Enski boltinn



Magnaður Sigvaldi sökkti Magdeburg
Handbolti

„Settum í sjötta gír í seinni hálfleik“
Handbolti

Bologna kom til baka gegn AC Milan
Fótbolti

