Ísland virðir dóm EFTA að vettugi

Ísland hefur virt dóm EFTA dómstólsins frá því í desember að vettugi um innleiðingu tilskipunar um sjóflutninga og gæti verið dregið fyrir dóm í annað sinn vegna sömu tilskipunar.

Tilskipuninni er ætlað að greiða fyrir sjóflutningum með því að einfalda og samræma form við skýrslugjöf skipafélaga.

Íslandi bar að innleiða tilskipunina í maí árið 2014 eða fyrir tveimur og hálfu ári. Stjórnvöld boðuðu fyrr á kjörtímabilinu að gangskör yrði gerð í því að hraða innleiðingu EES tilskipana.

Fréttin birtist fyrst í Fréttablaðinu