Rauði herinn endaði tímabilið á jafntefli og niðurstaðan áttunda sæti

Liverpool endar í áttunda sæti ensku úrvalsdeildarinnar þetta tímabilið eftir 1-1 jafntefli við WBA í lokaumferð úrvalsdeildarinnar.

Salamon Rondon kom WBA yfir á þrettándu mínútu, en Jordon Ibe jafnaði á 23. mínútu. Lokatölur 1-1.

Liverpool endar í áttunda sætinu með 60 stig, en WBA endar í fjórtánda sætinu með 43 stig.

Rauðklædda bítlaborgarliðið spilar svo gegn Sevilla í úrslitaleik Evrópudeildarinnar á fimmtudag og því voru lykilmenn hvíldir í dag.