Hólmar Örn og félagar héldu hreinu og unnu

Hólmar Örn Eyjólfsson var á sínum stað í hjarta varnarinnar hjá Levski Sofia þegar liðið fékk Cherno More í heimsókn í búlgörsku úrvalsdeildinni í fótbolta í dag.

Tékkinn David Jablonsky kom Levski yfir á 13.mínútu en tveim mínútum áður höfðu gestirnir brennt af vítaspyrnu.

Fleiri urðu mörkin ekki og Hólmar og félagar því komnir í 3.sæti deildarinnar með 21 stig eftir 11 leiki.

Varnarleikur Levski hefur verið afskaplega góður enda hefur liðið aðeins fengið á sig fjögur mörk og var þetta þriðji leikurinn í röð sem liðið heldur hreinu.