Everton lenti undir snemma leiks með marki Wayne Rooney og missti svo Kyle Walker af velli með rautt spjald. En City kom til baka og jafnaði metin er Raheem Sterling skoraði gott mark.
„Ég hef sjaldan verið stoltari í lífinu yfir því hvernig við stóðum okkur, tíu gegn ellefu - á móti Everton sem er Evrópudeildarlið með leikmenn í hæsta gæðaflokki,“ sagði Guardiola í þvinguðu viðtali við Sky eftir leikinn í gær.
„Þetta var ekki auðvelt en við reyndum og fórum illa með nokkur tækifæri, þó svo að við hefðum spilað á móti ellefu leikmönnum.“
Guardiola vildi ekkert tjá sig um rauða spjaldið sem Walker fékk og svaraði einfaldlega: „Næsta spurning, takk fyrir.“
Viðtalið má sjá allt í spilaranum hér fyrir ofan.