Glódís og stöllur sóttu sigur til Rúmeníu

Glódís Perla Viggósdóttir og stöllur hennar í Rosengård eru í góðri stöðu eftir 0-1 útisigur á Olimpia Cluj í fyrri leik liðanna í 32-liða úrslitum Meistaradeildar Evrópu í dag.

Glódís lék allan leikinn í miðri vörn Rosengård. Andrea Thorisdóttir sat allan tímann á varamannabekknum hjá sænska liðinu.

Ebba Wieder skoraði eina mark leiksins á 35. mínútu.

Seinni leikurinn fer fram í Malmö á miðvikudaginn í næstu viku. Rosengård dugir jafntefli í honum til að komast í 16-liða úrslitin.